បាត់ដំបង៖កម្លាំងនគរបាលខេត្តកាលពីរសៀលថ្ងៃទី២០ខែមេសាឆ្នាំ២០២០បានបញ្ជូនជនសង្ស័យ៣នាក់ទៅតុលាការពីបទពាក់ព័ន្ធគ្រឿងញៀន។ជនសង្ស័យទាំង៣នាក់ត្រូវកម្លាំងផ្នែកប្រឆាំងគ្រឿងញៀនសហការជាមួយនគរបាលក្រុងបាត់ដំបងឃាត់ខ្លួនបាននៅចំណុចក្រុមទី១៤ភូមិតាព្រួចសង្កាត់ក្តុលដូនទាវក្រុងបាត់ដំបងកាលពីរសៀលថ្ងៃទី១៩ខែមេសាឆ្នាំ២០២០។
មន្ត្រីនគរបាលក្រុងបាត់ដំបងបានឱ្យដឹងថាជនសង្ស័យប្រុសទាំងបីនាក់មាន១ឈ្មោះហួនឧត្តមអាយុ១៨ឆ្នាំនៅឋផូមិអូរតានប់សង្កាត់ក្តុលដូនទាវក្រុងបាត់ដំបង ។២ឈ្មោះសេកសាយអាយុ២៣ឆ្នាំនៅភូមិចម្ការសំរោងក្រុងបាត់ដំបងនិង៣ឈ្មោះហឿមសំណាងហៅជៀវអាយុ១៦ឆ្នាំនៅភូមិរហាលឃុំពាមឯកស្រុកឯកភ្នំ។
ចំណែកវត្ថុតាងដែលដកហូតបានរួមមានថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន៤ថង់ទម្ងន់០,៨៨ក្រាមទូរស័ព្ទដៃ១គ្រឿងនិងអំពូលកែឆ្នៃសម្រាប់ប្រើប្រាស់សម្រាប់ជក់ញៀន១គ្រឿង៕