ព្រះសីហនុ៖កម្លាំងនគរបាលប៉ុស្តិ៍និងកម្លាំងជំនាញគ្រឿងញៀននគរបាលស្រុកព្រៃនប់បានឃាត់ខ្លួនជនម្នាក់ដែលប្រើប្រាស់ប័ណ្ណសម្គាល់ខ្លួនជាអ្នកកាសែតតែជាប់ពាក់ព័ន្ធនឹងមុខសញ្ញាចែកចាយគ្រឿងញៀន។ការឃាត់ខ្លួនជននោះនៅភូមិបត់គគីរឃុំអូរឧកញ៉ាហេងស្រុកព្រៃនប់ខេត្តព្រះសីហនុកាលពីព្រឹកថ្ងៃទី២១ខែមេសា ឆ្នាំ២០២០នេះ។
សមត្ថកិច្ចបានឱ្យដឹងថាជនសង្ស័យឈ្មោះនិនសុផលហៅសុខភេទប្រុសអាយុ៥៦ឆ្នាំរស់នៅភូមិអូរចំណារឃុំអូរឧញ៉ាហេងស្រុកព្រៃនប់។ក្នុងនោះនគរបាលដកហូតបានថ្នាំញៀនសរុបចំនួន៥កញ្ចប់ម៉ូតូ១គ្រឿងម៉ាកFUTURពណ៌ខ្មៅគ្មានស្លាកលេខនិងសម្ភារពាក់ព័ន្ធបទល្មើសគ្រឿងញៀនមួយចំនួនទៀត។
លោកវរសនីយ៍ទោហួយ៉ៃអធិការនគរបាលស្រុកព្រៃនប់បានឱ្យដឹងថាសមត្ថកិច្ចកំពុងសាកសួរសាវតាបន្តដើម្បីបញ្ជាក់ពីប័ណ្ណសារព័ត៌មាននោះនៅមានសុពលភាពឬអស់សុពលភាពដោយសារថាប័ណ្ណសារព័ត៌មាននោះចេញថ្ងៃទី១៣ ខែសីហា ឆ្នាំ២០១៩៕