ព្រះវិហារ៖លោកសំលាងទ្រីប្រធានមន្ទីរសាធារណៈការនិងដឹកជញ្ជូនខេត្តព្រះវិហារបានបញ្ជាក់ឱ្យដឹងពីសកម្មភាពការងារជួសជុលនិងថែទាំផ្លូវនៅថ្ងៃទី២០ខែមេសាឆ្នាំ២០២០ថាសកម្មភាពការងារថែទាំផ្លូវថ្នល់របស់មន្ទីរសាធារណការនិងដឹកជញ្ជូនខេត្តព្រះវិហារមានដូចជា៖
១,សកម្មភាពក្រុមការងារថែទាំផ្លូវជាតិលេខ៩៤ក្រាលល្បាយថ្មភ្នំដែលមានប្រវែង៦១គីឡូម៉ែត្រចាប់ពីបំបែកផ្លូវជាតិលេខ៩ទីរួមស្រុកឆែបដល់កំពង់ស្រឡៅព្រំដែនខ្មែរ-ឡាវ។ថ្ងៃនេះក្រុមការងារចាប់ផ្តើមកៀរសម្រួលផ្លូវនិងថែមល្បាយថ្មភ្នំសម្រេចបានលទ្ធផល៥គីឡូម៉ែត្រសរុបរួមសម្រេចបានប្រវែង៥គីឡួម៉ែត្រស្ថិតក្នុងឃុំកំពង់ស្រឡៅ១ស្រុកឆែបខេត្តព្រះវិហារ។
២,ក្រុមការងារថែទាំផ្លូវជាតិលេខ៩៥ថ្ងៃនេះបន្តស្រោចកៅស៊ូសៀលស្នាមប្រេះស្រុតនៅចន្លោះគីឡូម៉ែត្រ២៩+០០០ដល់គ.ម៣៨+០០០សម្រេចបានលទ្ធផល១៧២ម៉ែត្រការ៉េស្ថិតក្នុងស្រុកជ័យសែនខេត្តព្រះវិហារ។លោកប្រធានមន្ទីរសារធារណការបានស្នើសុំបងប្អូនបន្តដំណើរប្រកបដោយសុខសុវត្ថិភាពសូមចូលរួមគោរពច្បាប់ចរាចរណ៍ទាំងអស់គ្នា ដើម្បីគ្រួសារលោកអ្នក និងអ្នកដទៃ៕វ៉ាន់ឌី