ព្រះវិហារ៖លោកប្រាក់សុវណ្ណអភិបាលខេត្តរួមដំណើរដោយមន្ត្រីរាជការជុំវិញខេត្តកាលពីព្រឹកថ្ងៃទី២១ខែមេសាឆ្នាំ២០២០បានអញ្ជើញចុះត្រួតពិនិត្យមើលទំនប់អាងបង្ហារទឹកអូរស្វាយមួយកន្លែងដែលស្ថិតនៅក្នុងភូមិធម្មជាតិសម្តេចតេជោឃុំស្រអែមស្រុកជាំក្សាន្តខេត្តព្រះវិហារ ។
លោកប្រាក់សុវណ្ណបន្ទាប់សង្គេតឃើញមានសត្វស្លាបដ៏កម្រជាច្រើនរស់នៅក្នុងតំបន់ទំនប់អាងបង្ហៀរទឹកអូស្វាយនោះមកលោកបានថ្លែងថា៖យើងទាំងគ្នាត្រូវចូលរួមសហការគ្រប់គ្រងការពារថែរក្សានិងបន្តផ្សព្វផ្សាយអប់រំទៅប្រជាពលរដ្ឋ។
ព្រមទាំងស្ថាប័ននៃអង្គភាពពាក់ព័ន្ធដែលឈរជើងការពារក្បែរតំបន់នេះឱ្យបានយល់ដឹងកាន់តែច្បាស់អំពីសារសំខាន់នៃការថែរក្សាការពារនិងអភិរក្សនូវប្រភេទសត្វដ៏កម្រ និងមិនដែលបានឃើញ។ ដើម្បីទុកតំបន់មួយនេះ ប្រែក្លាយទៅជាកន្លែងរមណីយដ្ឋានមួយដ៏ស្រស់ស្អាត សម្រាប់ទាក់ទាញភ្ញៀវទេសចរណ៍ជាតិ និងភ្ញៀវទេសចរអន្តរជាតិ ចូលមកទស្សនាកម្សាន្ត ។
លោកអភិបាលខេត្តក៏បានសំណូមពរដល់ប្រជាពលរដ្ឋនិងស្ថាប័នពាក់ព័ន្ធព្រមទាំងអង្គភាពចំណុះទាំងអស់ដែលមានវត្តមានឈរជើងនៅក្បែរតំបន់សត្វស្លាបកំពុងរស់នៅក្នុងភូមិសាស្ត្រនេះ។សូមបញ្ឈប់សកម្មភាពចំពោះការលបលួចចូលបរបាញ់និងកុំយកឧបករណ៍នេសាទគ្រប់ប្រភេទដែលអាជ្ញាធរបានហាមឃាត់ចុះទៅធ្វើការដាក់នេសាទនៅក្នុងតំបន់ទំនប់អាងបង្ហៀរទឹកអូស្វាយនោះជាបន្តទៀត។
បើយើងគ្រប់គ្រងថែរក្សាការពារនិងអភិរក្សបានសត្វស្លាបប្រភេទដ៏កម្រនេះទៅថ្ងៃមុខប្រជាពលរដ្ឋដែលរស់នៅក្នុងតំបន់នេះនិងមានជីវភាពធូរធារដោយទទួលបានផលប្រយោជន៍ជាច្រើនដូចជាការលក់វត្ថុអនុស្សាវរីយ៍ម្ហូបអាហារនានាជូនឲ្យភ្ញៀវទេសចរជាតិនិងអន្តរជាតិដែលបានអញ្ជើញមកលេងកម្សាន្តនៅទីនេះ ។
លោកប្រាក់សុវណ្ណក៏បានបន្តដំណើរទៅវត្តបុរីស្វៈរៈនិងសាលារៀនយ៉ាឡាយ។ក្នុងនោះក៏មានការសំណូមពរពីរព្រះចៅអធិការវត្តបុរីស្វៈរៈ ក្នុងការកសាងកុដមួយខ្នង ដែលមានការខូចខាត និងប្រេះបែក ស្ទើរទាំងស្រុង។បន្តទៅសាលាបណ្តុះបណ្តាលវិជ្ជាវីវយ៉ាឡាយនិងដាស់តឿនឱ្យគ្រូបើកវគ្គបណ្តុះបណ្តាលឡើងវិញទៅតាមជំនាញដែលលោកគ្រូធ្លាប់បង្ហាត់បង្រៀនកន្លងមក។ជាមួយនោះលោកអំពាវនាវដល់ប្រជាពលរដ្ឋទាំងអស់ត្រូវបញ្ជូនកូនឱ្យសិក្សារៀនយកចំណេះដឹងដើម្បីអនាគតត់របស់ពួកគេ៕វ៉ាន់ឌី