មណ្ឌលគិរី៖ជនសង្ស័យជាឪពុកបង្កើតម្នាក់ត្រូវនគរបាលចាប់ខ្លួនក្រោយពេលដែលជនសង្ស័យរូបនោះបានរំលោភសេពសន្ថវៈលើកូនស្រីបង្កើតខ្លួនឯងជាច្រើនដងរហូតមានផ្ទៃពោះទើបបែកធ្លាយ។សមត្ថកិច្ចកសាងសំណុំរឿងបញ្ជូនទៅតុលាការដើម្បីផ្ដន្ទាទោសទៅតាមច្បាប់។
ករណីរំលោភសេពសន្ទវៈនេះត្រូវជនសង្ស័យជាឪពុកសារភាពថាខ្លួនពិតជាបានរំលោភលើកូនស្រីខ្លួនឯងដែលមានអាយុទើបតែ១៦ឆ្នាំនោះប្រាកដមែន។ការរំលោភកូនស្រីខ្លួនឯងលើកទីមួយគឺចាប់ផ្ដើមនៅក្នុងខែតុលាឆ្នាំ ២០១៩និងជាបន្តបន្ទាប់រហូតដល់ទៅ៩ដង។
លោកឧត្តមសេនីយ៍ត្រីសូសុវណ្ណស្នងការរងនគរបាលខេត្តមណ្ឌលគិរីបានបញ្ជាក់អំពីសកម្មភាពរំលោភនៅព្រឹកថ្ងៃទី២៩មេសានេះថាជនសង្ស័យជាឪពុកបានធ្វើសកម្មភាពរំលោភកូនស្រីខ្លួនឯងនៅលើផ្ទះពេលយប់ពេលម្ដាយមិននៅ។ដោយឡើងទៅខ្ទប់មាត់រួចសម្រាតខោអាវរំលោភបានសម្រេចនឹងបន្តគំរាមលើកូនស្រីនោះថានឹងសម្លាប់ចោលបើសិនជាហ៊ានប្រាប់ទៅម្ដាយឬបងរបស់ខ្លួន។
លោកបញ្ជាក់អំពីសំដីជនសង្ស័យថាការរំលោភរបស់ជនសង្ស័យទៅលើជនរងគ្រោះគឺប្រព្រឹត្តនៅលើផ្ទះរបស់ខ្លួនឯងចំនួន៣លើកនិងបន្តទៅរំលោភនៅឯខ្ទមចាំស្រែចំនួន៦លើកទៀត។លោកបន្តថាដោយសារតែមានការរួមរ័កមេត្រីជាច្រើនលើកច្រើនសារបែបនេះជនសង្ស័យនិងជនរងគ្រោះហាក់មានភាពស្និទ្ធស្នាលខុសប្លែក។
កូនស្រីបានសួរទៅឪពុកថានឹងបន្តការស្រឡាញ់មកលើខ្លួនបែបនេះទៀតឬក៏យ៉ាងណា?ឪពុកចិត្តខ្មៅតាំងពីពេលនោះមកក៏ឈប់បង្កើតភាពស្និទ្ធស្នាលជាមួយកូនស្រីនោះទៀតដែរ។រហូតកូនស្រីមានផ្ទៃពោះក៏ចាប់ផ្ដើមមានការសួរនាំពីម្ដាយក៏ដូចជាសាច់ញាតិហើយកូនស្រីបានសារភាពថាត្រូវឪពុកបង្កើតរំលោភរហូតមានផ្ទៃពោះ។ពេលនោះហើយដែលម្ដាយក៏សម្រេចប្ដឹងទៅសមត្ថកិច្ចឱ្យចាប់ខ្លួនឪពុក តែម្ដង។
សូមជម្រាបថាករណីឪពុករំលោភកូនបង្កើតខ្លួនឯងរហូតមានផ្ទៃពោះនេះត្រូវបានសមត្ថកិច្ចបញ្ជូនខ្លួនទៅតុលាការនៅរសៀលថ្ងៃទី២៨មេសា២០២០។សមត្ថកិច្ចឱ្យដឹងថាជនសង្ស័យដែលរំលោភកូនខ្លួនបង្កើតខ្លួនឯងត្រូវបាននគបាលស្រុកកោះញែកឃាត់ខ្លួនកាលពីថ្ងៃទី២៦ខែមេសាឆ្នាំ២០២០នៅភូមិណងប៊ួឃុំណងឃីលឹកស្រុកកោះញែកខេត្តមណ្ឌលគិរី។
ជនសង្ស័យដែលជាឪពុកបង្កើតឈ្មោះ សិងសៃអាយុ៤២ឆ្នាំមុខរបរកសិកររស់នៅចំណុចទំនប់បាក់ខាំ ភូមិណងប៊ួឃុំណងឃីលកស្រុកកោះញែក។ជនរងគ្រោះឈ្មោះស.ធ.អាយុ១៩ឆ្នាំមុខរបររស់នៅភូមិឃុំខាងលើ។កូនក្នុងផ្ទៃរបស់ជនរងគ្រោះ ជាមួយជីតា ដែលមានអាយុក្នុងផ្ទៃទើបតែ៧ខែ បានកើតមក ហើយនៅក្នុងកំឡុងខែមេសានេះ៕ចាន់បុត្រ
