ព្រះវិហារៈក្រោយពីបានស្ដាប់មតិបងប្អូនប្រជាពលរដ្ឋលើកឡើងក្នុងវេទិកាសាធារណៈនូវការប្រឈមនានានិងទុក្ខកង្វល់រួចមក លោក មាស សុភា ប្រធានក្រុមការងារថ្នាក់កណ្ដាល ចុះជួយខេត្តព្រះវិហារ។
លោកបានជំរុញដល់អាជ្ញាធរមូលដ្ឋានអាជ្ញាធរក្រុងព្រះវិហារស្ថាប័នពាក់ព័ន្ធធ្វើយ៉ាងណាត្រូវរួតរះដោះស្រាយនូវការប្រឈមនានានិងទុកកង្វល់ជួនប្រជាពលរដ្ឋឱ្យទាន់ពេលវេលា មិនត្រូវទុកចោលគ្មានការដោះស្រាយនោះទេ។
លោកមាសសុភារួមនិងថ្នាក់ដឹកនាំខេត្តអញ្ជើញជាអធិបតីក្នុងវេទិកាសាធារណៈនៃក្រុមការងារថ្នាក់ជាតិចុះមូលដ្ឋានខេត្តព្រះវិហារកាលពីថ្ងៃទី២៦ខែធ្នូឆ្នាំ២០១៩ដែលមានប្រជាពលរដ្ឋចូលរួមប្រមាណ៣០០នាក់ក្នុងបរិវេណសាលាក្រុងព្រះវិហារ។
ទន្ទឹមនោះដែរប្រជាពលរដ្ឋជាច្រើនបានលើកឡើងថា អាជ្ញាធរក្រុងពុំសូវមានការដោះស្រាយនូវអ្វីដែលពួកគាត់ត្រូវការនោះទេ។ច្រើនតែបណ្ដែតបណ្ដោយឱ្យរឿងតូចតាចប្រែក្លាយទៅជារឿងធំ។ជាក់ស្ដែងដូចជាបញ្ហាទំនាស់ដីធ្លីតូចតាចរវៀងព្រំប្រទល់និងព្រំប្រទល់បញ្ហាបញ្ជាក់លិខិតស្នាមក្នុងការរស់នៅក្នុងសង្គមមានការបាត់បង់និងការយឺតយ៉ាវចំពោះពួកគាត់ផងដែរ។
លោកមាសសុភាបានជម្រុញបន្ថែមដល់អាជ្ញាធរថាយើងត្រូវតែរិះរកមធ្យោបាយណាដោះស្រាយដែលពលរដ្ឋត្រូវការចាំបាច់មិនត្រូវឱ្យប្រជាពលរដ្ឋមានចិត្តក្ដៅក្រហាយចំពោះយើងទេ។ព្រោះថាយើងជាម៉ែជាឪរបស់ពួកគាត់ហើយធ្វើយ៉ាណាឱ្យស្របតាមគោលនយោបាយរបស់រាជរដ្ឋាភិបាលដែលកំពុងដោះស្រាយបញ្ហាផ្សេងជួនពលរដ្ឋផងនោះ៕សៅវ៉ាន់ឌី