ភ្នំពេញ៖ដំណាំស្រូវប្រាំងជាង២០០ហិកតានៅក្នុងចំណោម៧៦០ហិកតាដែលមន្ត្រីមន្ទីរជំនាញអះអាងថាកសិករធ្វើនៅក្នុងផ្ទៃអាងទឹកទម្លាប់ដែលរីងទឹកអស់មិនអាចជួយបានព្រោះកសិករធ្វើមិនស្តាប់តាមការណែនាំ។កន្លងទៅមន្ទីរក៏បានជួយអន្តរាគមន៍ដែរតែពេលនេះគឺគ្មានប្រភពទឹកអាចជួយ។
លោកប៊ុនហ៊ួប្រធានមន្ទីរធនធានទឹកនិងឧតុនិយមខេត្តតាកែវបានប្រាប់ឱ្យរស្មីកម្ពុជាដឹងនៅថ្ងៃទី៥ខែឧសភាឆ្នាំ២០២០ថាដំណាំស្រូវជាង២០០ហិកតានៅក្នុងចំណោមស្រូវប្រាំង៧៦០ហិកតាធ្វើលើកទី២នៅក្នុងផ្ទៃអាងទឹកទម្លាប់មិន អាចជួយសង្គ្រោះបានទេ ដោយសារប្រភពទឹករីងស្ងួតអស់ហើយ។
ប្រធានមន្ទីរបាននិយាយឱ្យដឹងទៀតថាអាងទឹកទម្លាប់ស្ថិតនៅក្នុងស្រុកគីរីវង្សនេះមានសមត្ថភាពតម្កល់ទឹកទុកបាន២៦លានម៉ែត្រគូបសម្រាប់ស្រោចស្រពផ្ទៃដីដំណាំស្រូវប្រាំង២.៣០០ហិកតា។ជាអាងទទួលរបបទឹកភ្លៀងនិងទឹកទន្លេរាល់ឆ្នាំ។ទឹកទន្លេជន់ឡើងពីរដងនិងមានភ្លៀងធ្លាក់ដល់ចុងរដូវវស្សា។តែរដូវវស្សាកន្លងទៅភ្លៀងរដូវវស្សាអស់មុនកាលកំណត់ឯជំនន់ទន្លេមានតែម្តងទើបធ្វើឱ្យកើតមានបញ្ហារីងអស់ទឹកពីក្នុងផ្ទៃអាងបែបនេះ។
លោកប៊ុនហ៊ួបានបញ្ជាក់ថាការងារបង្កបង្កើនផលដោយប្រើប្រាស់ទឹកអាងទម្លាប់បើប្រជាកសិករស្តាប់តាមការណែនាំរបស់សារាចរលេខ១១របស់រាជរដ្ឋាភិបាលស្តីពីការចាត់វិធានការថែរក្សាទឹកទុក។ដែលមន្ត្រីជំនាញក៏ដូចជាអាជ្ញាធរបានប្រាប់នោះ គឺគ្មានបញ្ហាទេ តែគាត់ធ្វើលើកទី១ហើយធ្វើលើកទី២ ទៀត។ គឺ ចុងក្រោយធ្វើនៅក្នុងផ្ទៃអាងដែលមានសេសសល់ទឹកតិចតួចដោយសង្ឃឹមលើភ្លៀងកក់ខែដូចរាល់ឆ្នាំដល់ឆ្នាំនេះខ្សត់ភ្លៀងធ្វើឱ្យស្រូវខ្វះទឹក មិនអាចជួយ បាន។
លោកប៊ុនហ៊ួប្រធានមន្ទីរធនធានទឹកខេត្តតាកែវបានបកស្រាយដូចខាងលើជាការឆ្លើយតបទៅនឹងការលើកឡើងក្នុងទំព័រហ្វេសប៊ុករបស់ឈ្មោះChhornNornដែលបានសរសេរផ្សាយកាលពីថ្ងៃទី៤ខែឧសភាថាបឹងដែលជាប្រភពទឹកដ៏សំខាន់របស់ប្រជាកសិកររាប់ពាន់គ្រួសារនៅក្នុងស្រុកគិរីវង្សខេត្តតាកែវ។ត្រូវរីង ហួតស្របពេលដំណាំស្រូវជិត១ពាន់ហិចតាកំពុងត្រូវការទឹកដើម្បីបន្តលូត លា ស់ ។
ក្នុងទំព័រហ្វេសប៊ុករបស់ឈ្មោះChhronNornបានសរសេរទៀតថាករណីបែបនេះបានកើតមានឡើង៣ទៅ៤ដងហើយក្នុងរយ:ពេលប៉ុន្មានឆ្នាំនេះគឺរហូតធ្វើឱ្យប្រជាពលរដ្ឋមួយចំនួនលែងហ៊ានធ្វើស្រែប្រាំងនេះទៅហើយ។ប៉ុន្តែដូចជាមិនទាន់ឃើញអស់លោកថ្នាក់ដឹកនាំណាមានដំណោះស្រាយដូចជាការស្តារបឹង ឬជីកបឹងនេះ ឱ្យមានជម្រៅជ្រៅ អាចស្តុកទឹកបានច្រើនដូចពីជំនាន់ដើមនោះទេ។
បើករណីនេះនៅតែបន្តកើតមានតើឱ្យប្រជាកសិករចំនួន៥ភូមិរស់នៅទីនេះគាត់អាចបង្កបង្កើនផលកសិកម្មរបស់ពួកគាត់ដោយរបៀបណា?ឬក៏ទុកឱ្យអ្នកស្រែបន្តហូរទឹកភ្នែកដោយគ្មានដំណោះស្រាយបែបនេះ?អាងទម្លាប់រីងទឹកអស់(ហ្វេសប៊ុក)ដំណាំស្រូវប្រឈមការខ្វះទឹក ៕ខុន
