ខេត្តព្រះសីហនុ៖កាលពីល្ងាចថ្ងៃទី៩ខែឧសភាឆ្នាំ២០២០នគរបាលជំនាញអាវុធជាតិផ្ទុះខេត្តព្រះសីហនុបានឱ្យដឹងថាមានគ្រាប់កាំភ្លើងផ្លោងចាស់ៗចម្រុះសល់ពីសម័យសង្គ្រាមចំនួន៣២គ្រាប់។ដែលកងវិស្វកម្មធ្វើផ្លូវប្រទះឃើញពេលជីកកាយដាក់ប្រព័ន្ធលូបង្ហូរទឹកនៅចំណុចកែងផ្លូវសេតេក្នុងសង្កាត់លេខ៣ក្រុងព្រះសីហនុ។
មន្ត្រីនគរបាលបានបន្តថាគេមិនទាន់ដឹងថាគ្រាប់កាំភ្លើងចាស់ៗនេះនៅមានកប់ក្នុងដីក្បែរគ្នាទៀតឬបែបណានោះទេរង់ចាំផ្នែកជំនាញស៊ីម៉ាក់មកពិនិត្យបន្ត។បច្ចុប្បន្នគ្រាប់មិនទាន់ផ្ទុះទាំងអស់សមត្ថកិច្ចហុំព័ទ្ធរក្សាទុកជាបណ្តោះអាសន្ននៅទីតាំងដដែលរង់ចាំប្រគល់ជូនជំនាញស៊ីម៉ាក់យកទៅកម្ទេចចោល និងហាមដាច់ខាតមិនឱ្យមានអ្នកចូលទៅប៉ះពាល់ឡើយ៕
