ភ្នំពេញ៖ដើម្បីចូលរួមអបអរសាទរទិវាបរិស្ថានជាតិនិងបរិស្ថានពិភពលោក៥មិថុនាក្រសួងបរិស្ថានតែងប្រារព្វជារៀងរាល់ឆ្នាំដើម្បីផ្សារភ្ជាប់ទៅនិងពិភពលោកតែងប្រារព្ធនូវ”ទិវាបរិស្ថានពិភពលោក៥មិថុនា”។ដែលនៅកម្ពុជាតែងប្រារព្ធដូចគ្នាគឺទិវាបរិស្ថានជាតិនិងបរិស្ថានពិភពលោក៥មិថុនាដោយប្រធានបទសម្រាប់ឆ្នាំ២០២០នេះគឺ”ការអភិរក្សជីវៈចម្រុះដើម្បីយើងទាំងអស់គ្នា”។
ក្រសួងបានប្រកាសនូវខ្លឹមសារថាជីវៈចម្រុះ សំដៅដល់សារពាង្គកាយខុសគ្នានៅក្នុងប្រភេទតែមួយ ឬប្រភេទផ្សេងគ្នានិងបណ្តាសារពាង្គកាយរស់នៃគ្រប់លំដាប់ថ្នាក់និងប្រភពទាំងអស់រួមទាំងប្រព័ន្ធអេកូឡូស៊ីដែនដីគោកដែនសមុទ្រដែនទឹកសាបនិងបណ្តាទំនាក់ទំនងអេកូឡូស៊ីដែលនៅ។ក្នុងនោះមានប្រព័ន្ធអេកូឡូស៊ីទាំងនេះ។
ដោយឡែកប្រទេសកម្ពុជាមាននូវធនធានជីវៈចម្រុះដ៏សម្បូរបែបដោយក្នុងនោះរួមមានថនិកសត្វ១២៣ប្រភេទសត្វស្លាប៥៤៥ប្រភេទឧរង្គសត្វ៨៨ប្រភេទរុក្ខជាតិតូចៗ(Vascularplants)មាន២.៣០៨ប្រភេទត្រី៨៧៤ប្រភេទផ្កាថ្មរឹង២៤ប្រភេទផ្កាថ្មទន់១៤ប្រភេទស្មៅសមុទ្រ១០ប្រភេទនិងថលជលិក៦៣ប្រភេទ ដែលបានផ្តល់នូវអត្ថប្រយោជន៍ដល់ប្រជាជនកម្ពុជា លើផ្នែកបរិស្ថាន សេដ្ឋកិច្ច និងវប្បធម៌។
សព្វថ្ងៃនេះជីវៈចម្រុះកំពុងទទួលរងនូការគំរាមកំហែងដែលទាមទារឲ្យមាននូវការអភិរក្សដោយត្រូវមានការចូលរួមពីយើងទាំងអស់គ្នាគឺដើម្បីយើងទាំងអស់គ្នា។សូមចូលរួមអភិរក្សជីវៈចម្រុះជៀសវាងស្តាយក្រោយនៅពេលដែលបាត់បង់ទៅ៕ជ.ជឿន
រូបនិងអត្ថបទស្រង់យកវេបសាយក្រសួងបរិស្ថានស្រង់ពីប្រភពវេបសាយក្រសួងបរិស្ថាន។