ព្រះវិហារៈទីតាំងដីព្រៃកូនភ្នំ១កន្លែងដែលស្ថិតក្នុងភូមិអូរចាក់ស្រាឃុំស្រយ៉ងខាងត្បូងស្រុកគូលែនខេត្តព្រះវិហារ។ដីនោះបើតាមការបញ្ជាក់ពីពលរដ្ឋដែលរស់នៅជិតៗតំបន់ខាងលើគឺពួកគាត់ហៅឈ្មោះថាភ្នំ(មាយ៉ីម)តែបច្ចុប្បន្នភ្នំមាយ៉ីមនេះត្រូវបានឈ្មួញយកគ្រឿងចក្រទៅវ៉ៃទន្ទ្រាននឹងជីកក៏កាយស្នើរតែអស់១ចំហៀងភ្នំទៅហើយ។
មិនតែប៉ុណ្ណោះក្រុមឈ្មួញទាំងនោះបាននឹងជីកបង្គោលរបងថ្មដាំព័ទ្ធជុំវិញបរិវេណភ្នំនោះទៀតផង។ពាក់ពន្ធ័នឹងករណីនេះលោកក្រូចស្របមេឃុំស្រយ៉ងត្បូងបានឱ្យដឹងនៅថ្ងៃទី៩ខែកញ្ញាឆ្នាំ២០២០ថា៖លោកមិនបានដឹងរឿងនោះទេ។លោកថាមិនដឹងគេមានច្បាប់ឬមិនមានច្បាប់នោះទេតែបើតាមឮគេថាគឺមានក្រុមហ៊ុនចិន១មកជីកថ្មហ្នឹងដើម្បីយកទៅធ្វើតារាងយន្តហោះ។
ដោយឡែកលោកប៉ាងយៀតអភិបាលស្រុកគូលែនប្រាប់អ្នកសាព័ត៌មានថាដីនេះមិនមែនជាដីភ្នំនោះទេវាជាដីទូលហើយកន្លងមកខាងជំនាញមន្ទីររ៉ែនឹងថាមពលខេត្តរួមជាមួយនឹងក្រសួងគេបានចុះមកពិនិត្យម្តងមកហើយដែរ។គេបម្រុងនឹងរៀបចំជីកយករ៉ែថ្មនៅចំណុចទីតាំងនោះ។លោកបានបន្តថាបើសិនជាអ្នកសាព័ត៌មានយើងចង់ជ្រាបច្បាស់សូមសួរទៅប្រធានមន្ទីររ៉ែនឹងថាមពលខេត្តទៅព្រោះគេជំនាញស្រាប់។
ជុំវិញនឹងករណីនេះលោកយូចិន្តាយុទ្ធប្រធានមន្ទីររ៉ែនឹងថាមពលខេត្តព្រះវិហារបានឱ្យដឹងថាៈដីដែលគេវ៉ៃនឹងឈួសឆាយក៏កាយនោះមិនមែនជាដីភ្នំនោះទេវាជាដីទួល។ក្នុងកាឈួសឆាយទៀតសោតមិនទាន់មានច្បាប់អនុញាតឱ្យបាននៅឡើយនោះទេ។
តែបើទោះបីធ្វើឈួសឆាយវ៉ៃព្រៃបានប៉ុណ្ណឹងហើយប្រសិនក្រសួងមិនចេញច្បាប់ឱ្យក៏ផ្លូវនឹងដីទីនោះវាបានផ្តល់ជូនដល់ប្រជាពលរដ្ឋនៅជិតតំបន់នោះប្រើប្រាស់ជាសម្បត្តិសាធារណៈដែរ។លោកបន្តរទៀតថាដីភ្នំខាងលើនោះគឺគេបានទិញពីប្រជាពលរដ្ឋនៅជិតតំបន់នោះ៕ញ៉ែម សុផល