ខេត្តពោធិសាត់:កម្លាំងខណ្ឌរដ្ឋបាលជលផលខេត្តបានចុះបង្ក្រាបបទល្មើសនេសាទនៅក្នុងរដូវទឹកឡើងជារដូវត្រីពងកូនដែលច្បាប់បានហាមឃាត់។ការបង្ក្រាបបទល្មើសនេសាទគោលដៅទី១សង្កាត់រដ្ឋបាលជលផលស្រុកបាកានធ្វើឡើងនៅថ្ងៃ១២ខែកញ្ញា២០២០នៅចំណុចកោះកណ្ដាលឃុំមេទឹកស្រុកបាកានខេត្តពោធិ៍សាត់ ។
សមត្ថកិច្ចបានបំផ្លាញចោលរបាំងស្បៃមុងចំនួន១០កន្លែងប្រវែង១.២០០ម៉ែត្រកងស្បែមុង២២មាត់បង្គោលចម្រឹង២៥០ដើមនិងចាក់លែងកូនត្រីចម្រុះមួយចំនួនចូលទៅក្នុងទន្លេវិញ។នៅថ្ងៃដដែលនេះក្រុមការងារចម្រុះបានចុះបង្ក្រាបបទល្មើសនេសាទចាប់ពីឃុំកំពង់ហ្លួងរហូតដល់ភូមិជ្រោយស្ដីឃុំក្បាលត្រាចស្រុកក្រគរខេត្តពោធិ៍សាត់ ។
សមត្ថកិច្ចបានបំផ្លាញចោលនូវរបាំងសាច់អួនក្រឡា៤ខ្សែប្រវែង៨០០ម៉ែត្រនិងក្បាលប៦គ្រឿង។ដោយឡែករបាំងស្បៃមុង៥ខ្សែប្រវែង៦០០ម៉ែត្រលង់កងស្បៃមុង១០មាត់បង្គោលចម្រឹង៣៥០ដើមនិងចាក់លែងកូនត្រីចម្រុះមួយចំនួនចូលក្នុងទន្លេវិញ។
លោកខូយរីដាអភិបាលរងខេត្តពោធិ៍សាត់ក៏បានអំពាវនាវដល់ក្រុមការងារចម្រុះត្រូវតែពង្រឹងការងារបង្ក្រាបបទល្មើសនេសាទនៅក្នុងរដូវបិទនេសាទឱ្យបានដូចភ្លៀងរលឹមនៅធ្វើយ៉ាងណាឱ្យបទល្មើសនេសាទមានការថយចុះនៅកម្រិតតិចបំផុត ៕
