ស្ទឹងត្រែង៖មេបញ្ជាការរងយោធាស្រុកបុរីអូរស្វាយសែនជ័យម្នាក់ប្រចាំទិសព្រំដែនកម្ពុជាឡាវត្រូវកម្លាំងនគរបាលប្រឆាំងគ្រឿងញៀនខេត្តស្ទឹងត្រែងឃាត់ខ្លួនជាមួយថ្នាំញៀន២គីឡូក្រាម។ការឃាត់ខ្លួននៅចំណុចអាហារដ្ឋានម្លប់ត្នោតស្ថិតក្នុងភូមិស្ពានថ្មសង្កាត់ស្រះឫស្សីក្រុងស្ទឹងត្រែងខេត្តស្ទឹងត្រែងកាលពីយប់ថ្ងៃទី៣០ខែតុលាឆ្នាំ២០២០។
សូមរំលឹកថាកន្លងទៅថ្មីៗនេះត្រូវគេរាយការណ៍ថាៈយោធាម្នាក់ល្បាតនៅតំបន់ព្រំដែនកម្ពុជាឡាវក្បែរបន្ទាយរបស់ខ្លួនស្ថិតនៅក្នុងភូមិសាស្ត្រឃុំអូរស្វាយស្រុកបុរីអូរស្វាយសែនជ័យ។យោធាដើរល្បាតបានប្រទះឃើញជនសង្ស័យម្នាក់ជិះម៉ូតូដឹកគ្រឿងញៀនចំនួន២ការ៉ុងស្មើនិង៤២កញ្ចប់កាលពីរំលងអាធ្រាត្រចូលថ្ងៃទី២៣ខែតុលាឆ្នាំ២០២០។
ពេលនោះជនសង្ស័យបានជិះម៉ូតូដួលហើយទុកចោលរួចគេចខ្លួនអ្នកឃើញម៉ូតូនិងការ៉ុងច្រកថ្នាំញៀនដ៏ច្រើនសន្ធឹកសន្ធាប់បន្ទាប់នោះមកគាត់រាយការណ៍ជូនថ្នាក់លើចំនួន៤២ដុំនិងម៉ូតូមួយគ្រឿង។ក្រោយមកទៀតគ្រឿងញៀនទាំងអស់នោះក៏បានប្រគល់ឱ្យទៅកងរាជអាវុធហត្ថខេត្តនិងមានការចូលរួមពីតំណាងអយ្យការអមសាលាដំបូងខេត្តផង។
ពេលនោះសមត្ថកិច្ចបានបញ្ជាក់ថាៈគ្រឿងញៀនចំនួន៤២កញ្ចប់មានទម្ងន់ប្រមាណជាង៤១គីឡូក្រាមត្រូវបានកសាងសំណុំរឿងបញ្ជូនទៅតុលាការតាមនីតិវិធី។ក្រោយពេលមានករណីនេះកើតឡើងសមត្ថកិច្ចនគបាលប្រឆាំងបទល្មើសគ្រឿងញៀនខេត្តបានស្រាវជ្រាវរហូតឈានដល់ការបង្ក្រាបនិងឃាត់ខ្លួនជនសង្ស័យម្នាក់រួមជាមួយវត្ថុតាងថ្នាំញៀនចំនួន២កញ្ចប់ធំប្រភេទកេតតាមីនទំនងជាសុទ្ធ។រីឯជនសង្ស័យគឺជាមេបញ្ជាការរងយោធាស្រុកបុរីអូរស្វាយសែនជ័យដែលបានដឹងហេតុការណ៍គ្រឿងញៀនមុនគេ។
លោកចែមផានិតនាយការិយាល័យនគរបាលប្រឆាំងគ្រឿងញៀនខេត្តបានឱ្យដឹងថាៈដោយមានការចង្អុលបង្ហាញប្រតិបត្តិការបង្ក្រាបឃាត់ខ្លួនមេខ្លោងជួញដូរថ្នាំញៀនម្នាក់និងថ្នាំចំនួន២កញ្ចប់ធំប្រភេទកេតមីន។ជនសង្ស័យគឺជាមេបញ្ជាការរងយោធាស្រុកបុរីអូរស្វាយសែនជ័យឈ្មោះអ៊ុកដំកើងភេទប្រុសអាយុ៤៤ឆ្នាំបានរក្សាទុកគ្រឿងញៀនចំនួន២ដុំមានទម្ងន់២គីឡូក្រាមដែលបានដកចេញចេញក្នុងចំណោមគ្រឿងញៀន៤២ដុំ។
សរុបមកកម្លាំងយោធាល្បាតរើសបានថ្នាំញៀន៤២កញ្ចប់ធំហើយបានប្រគល់ឱ្យទៅកម្លាំងកងរាជអាវុធហត្ថខេត្តកន្លងមក។តែបែរជាមេបញ្ជាការរងស្រុកបុរីអូរស្វាយសែនជ័យលាក់ទុកចំនួន២កញ្ចប់ធំ ស្វែងរកទីផ្សារងងឹតត្រូវកម្លាំងនគរបាលខេត្តឃាត់ខ្លួនតែម្ដង៕សុ ខុម
