កំពង់ឆ្នាំង៖កម្លាំងនគរបាលប៉ុស្ដិ៍រដ្ឋបាលកំពង់អុស,កម្លាំងប្រឆាំងគ្រឿងញៀនខេត្ត និងកម្លាំងប្រជាការពារឃុំកំពង់អុសបានចាប់ជនសង្ស័យចំនួន៧នាក់ធ្វើតេស្ដរកឃើញផ្ទុកសារធាតុញៀនក្នុងខ្លួនកាលពីយប់ថ្ងៃទី២៥ ខែមេសា ឆ្នាំ២០២១។
សមត្ថកិច្ចបានឱ្យដឹងថា៖ក្រុមជនដែលចាប់បាន៖ឈ្មោះ រុន រ៉ាអាយុ ៣០ឆ្នាំ,ឈ្មោះ សាន ប៉ោអាយុ ២៧ ឆ្នាំ,ឈ្មោះ ភុន រ៉ាក់ភឿនអាយុ ២១ឆ្នាំ,ឈ្មោះ សឿ ចាន់ភារម្យ អាយុ៣៨ ឆ្នាំ,ឈ្មោះ ស៊ន ប៊ុនណាតអាយុ ៣៩ ឆ្នាំ,ឈ្មោះ ញ៉ឹក ឆៃ អាយុ ២៩ ឆ្នាំ,ឈ្មោះ កែវ ភាស់ អាយុ ២៥ ឆ្នាំជនទាំង៧នៅខេត្តកំពង់ឆ្នាំងពាក់ព័ន្ធប្រើប្រាស់គ្រឿងញៀន ។
ករណីនេះសមត្ថកិច្ចបានបញ្ជូនមុខសញ្ញាជនសង្ស័យ និងវត្ថុតាងឱ្យជំនាញការិយាល័យប្រឆាំងគ្រឿងញៀនខេត្តកំពង់ឆ្នាំងដើម្បី កសាងសំណុំរឿងតាមនីតិវិធី ៕ដោយ៖ដីមាស