ភ្នំពេញ៖បុរសពោះម៉ាយម្នាក់បានដេកស្លាប់លើរ៉ឺម៉កម៉ូតូរបស់ខ្លួនខាងសមត្ថកិច្ចជំនាញថាគាំងបេះដូងនៅផ្លូវជាតិលេខ៥ក្នុងខណ្ឌឫស្សីកែវកាលពី ថ្ងៃទី៨ ខែកញ្ញាឆ្នាំ២០២១ ។
មន្ត្រីនគរបាលបានឱ្យដឹងថា បុរសដែលស្លាប់ឈ្មោះ ឆឺង ឡាយ ភេទប្រុស អាយុ ៤១ឆ្នាំជាសន្តិសុខពេលយប់ និងរត់រ៉ឺម៉កម៉ូតូពេលថ្ងៃ ស្នាក់នៅបន្ទប់ជួលក្នុង ខណ្ឌឫស្សីកែវ ឯស្រុកកំណើតភូមិព្រៃល្វា ស្រុកព្រៃកប្បាស ខេត្តតាកែវ។
ស្ត្រីជាសាច់ញាតិអ្នកស្លាប់បានឱ្យដឹងថា សពជាបុរសពោះម៉ាយ មានកូនស្រី៣ នាក់ក្នុងបន្ទុកហើយបានផ្ញើកូនទុកឱ្យម្តាយ បង្កើតមើលថែទាំ។ក្រោយពីសមត្ថកិច្ចពិនិត្យសពរួចបានបញ្ជាក់ថា បុរសរូបនេះស្លាប់ដោយសារគាំងបេះដូង រួចប្រគល់ឱ្យសាច់ញាតិយកទៅធ្វើបុណ្យ ៕ដោយ៖ចំប៉ា
