ភ្នំពេញៈព្រះមហាក្សត្រ ព្រះករុណា ព្រះបាទ សម្តេចព្រះបរមនាថនរោត្តមសីហមុនីបានសព្វព្រះទ័យត្រាស់បង្គាប់តែងតាំង លោក សុខ សុក្រឹត្យា ជាទីប្រឹក្សាផ្ទាល់សម្តេចតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ឋានៈស្មើរដ្ឋមន្ត្រី។
យោងតាមព្រះរាជក្រឹត្យបានបង្ហាញថាការត្រាស់បង្គាប់តែងតាំងរបស់ព្រះមហាក្សត្របានធ្វើឡើងកាលពីថ្ងៃទី៩ខែវិច្ឆិកាឆ្នាំ២០១៩កន្លងទៅនេះ។សូមបញ្ជាក់ថាលោកសុខសុក្រឹត្យាជាកូនប្រុសរបស់លោក សុខ ឥសាន សមាជិកព្រឹទ្ធសភា និងជាអ្នកនាំពាក្យគណបក្សប្រជាជនកម្ពុជា។បច្ចុប្បន្នលោកសុខ សុក្រឹត្យា មានតួនាទីជាអនុរដ្ឋលេខាធិការក្រសួងទេសចរណ៍។
លោកសុក្រឹត្យាបានបញ្ចប់ថ្នាក់បរិញ្ញាបត្រផ្នែកវិទ្យាសាស្ត្រនយោបាយ, អនុបណ្ឌិតផ្នែកគ្រប់គ្រង, អនុបណ្ឌិតផ្នែកសេដ្ឋកិច្ចនយោបាយ និងអនុបណ្ឌិតផ្នែកសិល្បៈទំនាក់ទំនងពីប្រទេសថៃ។ លោក បានបញ្ចប់ការសិក្សាថ្នាក់បណ្ឌិតផ្នែកកិច្ចការសាធារណៈពីសាកលវិទ្យាល័យនៅសហរដ្ឋអាមេរិកផងដែរ៕សុផល
