មិនទាន់ដឹងមូលហេតុចិនម្នាក់ធ្លាក់ពីលើសណ្ឋាគារស្លាប់នៅខេត្តព្រះសីហនុ

ខេត្តព្រះសីហនុ៖សមត្ថកិច្ចកកំពុងស៊ើបអង្កេតករណីបុរសជនជាតិចិនម្នាក់បានធ្លាក់ពីលើសណ្ឋាគារយីហោ“អន្តរជាតិជុនហាវ”ជាន់ទី៣ស្លាប់ភ្លាមដោយមិនទាន់ដឹងមូលហេតុ។ហេតុការណ៍នេះបានកើតឡើងកាលពីម៉ោង៦ព្រឹកថ្ងៃទី២ ខែកញ្ញាឆ្នាំ២០២២ស្ថិតក្នុងភូមិ៤សង្កាត់លេខ៤ក្រុងព្រះសីហនុ។មន្ត្រីនគរបាលបានឱ្យដឹងថា ក្រោយទទួលបានព័ត៌មានថាមានបុរសជនជាតិចិនម្នាក់ធ្លាក់ពីលើសណ្ឋាគារ អន្តរជាតិជុនហាវស្ថិតក្នុងសង្កាត់លេខ៤ ក្រុងព្រះសីហនុរួចមកកម្លាំងជំនាញបានចុះពិនិត្យភ្លាមៗ។បុរសដែលធ្លាក់មកដីស្លាប់នោះឈ្មោះ PENG XIAOPAN ឆ្នាំ អាយុ៣៦ឆ្នាំជនជាតិចិន។ក្រោយមក កម្លាំងមូលដ្ឋានកំពុងសហការណ៍ស៊ើបអង្កេតនិងស្រាវជ្រាវជុំវិញកន្លែងកើតហេតុក្នុងករណីនេះ។ចំណែកសពបុរសចិនខាងលើត្រូវបានយកទៅតម្កល់នៅមន្ទីរពេទ្យខេត្តព្រះសីហនុចម្ការចេករង់ចាំការពិនិត្យធ្វើកោសលវិច្ច័យ៕