អាវុធហត្ថបញ្ជូនជនសង្ស័យ៣នាក់ពាក់ព័ន្ធគ្រឿងញៀនទៅតុលាការ

តារាងតួលេខនៃការឆ្លងជំងឺកូវីដ១៩នៅក្នុងតំបន់អាស៊ាន

ជាប់គុក៥០ឆ្នាំដោយសារបង្ហោះហ្វេសប៊ុក ប្រមាថព្រះមហាក្សត្រថៃ

ភ្នំពេញ៖សារព័ត៌មាន“បាងកកប៉ុស្តិ៍”បានចុះផ្សាយកាលពីថ្ងៃព្រហស្បតិ៍ទី១៨ ខែមករាថា តុលាការថៃ បានកាត់ទោសបុរសម្នាក់ ដាក់ពន្ធនាគារ៥០ឆ្នាំ ពីបទប្រមាថព្រះមហាក្សត្ររបស់ខ្លួន ដែលជាការកាត់ទោសជាប់ពន្ធនាគារ យូរបំផុតក្រោមច្បាប់នេះ។ដំបូងបុរសឈ្មោះ Mongkol Thirakot អាយុ៣០ឆ្នាំ ត្រូវបានកាត់ទោសជាប់ពន្ធនាគារត្រឹម២៨ឆ្នាំប៉ុណ្ណោះ ពាក់ព័ន្ធការបង្ហោះមិនសមរម្យលើ Facebook កាលពី៣ឆ្នាំមុន។ ប៉ុន្តែកាលពីថ្ងៃព្រហស្បតិ៍តុលាការបានបន្ថែម ទោសដាក់ពន្ធនាគារ២២ឆ្នាំទៀត។ទោះបីជាយ៉ាងណាក្នុងសវនាការចៅក្រមនិយាយថា លោកបានបន្ថយទោស Thirakot មួយភាគបីរួចទៅហើយ ដោយសារតែចុងចោទ ព្រមសហការជាមួយតុលាការ។ តាមមាត្រា១១២នៃច្បាប់ប្រមាថព្រះមហាក្សត្រថៃ អ្នកល្មើសត្រូវផ្តន្ទាទោសដាក់ ពន្ធនាគារយ៉ាងតិច៣ឆ្នាំ និងអតិបរមា១៥ឆ្នាំសម្រាប់ការចោទប្រកាន់នីមួយៗ។សាលាឧទ្ធរណ៍​​រក​ឃើញ​ថា ចុង​ចោទ​មាន​ទោស​ចំនួន១១ករណី​ទៀត បន្ថែមពីលើទោសចាស់ ហើយបើតាមការបូកសរុបទោសនីមួយៗចូលគ្នា បណ្តាលឱ្យគាត់ត្រូវជាប់ពន្ធនាគារសរុប៥០ឆ្នាំ។បែបនេះក្តីមេធាវីរបស់ចុងចោទ កំពុងដាក់សំណើសុំឱ្យនៅក្រោឃុំ។   សូមជម្រាបថា លោក Mongkol ត្រូវបានចាប់ខ្លួនកាលពីខែមេសាឆ្នាំ២០២១ បន្ទាប់ពីធ្វើកូដកម្មអត់អាហារនៅខេត្តឈៀងរ៉ៃ ដើម្បីទាមទារសិទ្ធិឱ្យនៅក្រៅឃុំសម្រាប់អ្នកទោសនយោបាយក្នុងករណីស្រដៀងគ្នានេះ។ យោងតាមទិន្នន័យពីក្រុមមេធាវីថៃ ដើម្បីសិទ្ធិមនុស្សគិតត្រឹមថ្ងៃទី៣១ខែធ្នូឆ្នាំមុន មនុស្សចំនួន១.៩៣៨នាក់ ត្រូវបានកាត់ទោសពីបទចូលរួមនយោបាយ និងការបញ្ចេញមតិ ចាប់តាំងពីផ្ទុះបាតុកម្ម Free Youth ក្នុងខែកក្កដាឆ្នាំ២០២០៕ដោយ៖សហការី    

បន្តស៊ើបអង្កេតបុរសថៃលោតពីលើអគារកម្ពស់១១ជាន់ស្លាប់

បន្ទាយមានជ័យ៖សមត្ថកិច្ចកំពុងបន្តស៊ើបអង្កេតស្រាវជ្រាវករណីបុរសថៃម្នាក់លោតពីលើអគារកម្ពស់១១ជាន់ស្លាប់មិនទាន់ដឹងពីមូលហេតុ។មន្ត្រីក្នុងប្រតិបត្តិការបានឱ្យដឹងថា បុរសថៃម្នាក់ត្រូវបានគេប្រទះឃើញស្លាប់ នៅបរិវេណកាស៊ីណូក្រោនក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែតកាលពីថ្ងៃទី៣ ខែមីនា។ ក្រោយពីទទួលព័ត៌មានថាមានមនុស្សស្លាប់នោះមក កម្លាំងនគរបាលជំនាញបច្ចេកទេសវិទ្យា ខេត្តបន្ទាយមានជ័យ បានចុះដល់កន្លែងកើតហេតុ ហើយស្រាវជ្រាវរកអត្តសញ្ញាណនិងមូលហេតុជុំវិញនៃការស្លាប់នេះ។ ដំណើរស្រាវជ្រាវយ៉ាងយកចិត្តទុកដាក់តាម រយៈកាមេរ៉ាសុវត្ថិភាពរបស់ក្រុមហ៊ុន ឃើញថាអត្តឃាតជនបានលោតសម្លាប់ខ្លួនពីលើអគារជាន់ទី១១ ។បុរសនេះឈ្មោះ មេសា សយស៊ែង ភេទប្រុស អាយុ១៩ឆ្នាំ ជនជាតិថៃជាជំនួយការទីផ្សាររបស់ក្រុមហ៊ុនកាស៊ីណូក្រោន ។តែទោះជាយ៉ាងណាសមត្ថកិច្ចកម្ពុជានៅតែបន្តស៊ើបអង្កេតស្រាវជ្រាវករណីបុរសថៃម្នាក់លោតពីលើអគារកម្ពស់១១ជាន់ស្លាប់ដើម្បីឱ្យដឹងពីមូលហេតុពិតនៃការធ្វើអត្តឃាតនេះ៕