ភ្នំពេញ៖បុរសម្នាក់ជិះម៉ូតូម៉ាកហុងដាស្កុបពីក្នុងល្បឿនលឿនក៏ជ្រុលទៅបុករថយន្តបែនដឹកដីពីក្រោយបណ្តាលឱ្យរងរបួសធ្ងន់។ហេតុការណ៍បានកើតឡើងនៅតាមបណ្តោយផ្លូវជាតិលេខ៤ក្នុងសង្កាត់កន្ទោកខណ្ឌកំបូលកាលពីយប់ថ្ងៃទី១៤ខែធ្នូឆ្នាំ២០១៩ ។
សាក្សីបានឱ្យដឹងថាគេបានឃើញបុរសម្នាក់ជិះម៉ូតូស្កុបពីពណ៌សលាយក្រហមពាក់ស្លាកភ្នំពេញ1FT.9537ធ្វើដំណើរតាមបណ្ដោយផ្លូវជាតិលេខ៤ពីត្បូងទៅជើងក្នុងល្បឿនលឿន។លុះទៅចំណុចកើតហេតុក៏ជ្រុលទៅបុករថយន្តបែនដឹកដីពីក្រោយបណ្តាលឱ្យអ្នកបើកបរម៉ូតូរងរបួសធ្ងន់ត្រូវបញ្ជូនទៅមន្ទីរពេទ្យសង្គ្រោះបន្ទាន់ភ្លាមៗ៕
