សៀមរាប៖គ្រូពេទ្យជនជាតិវៀតណាមម្នាក់ប្រកបមុខរបរចាក់ថ្នាំតាមភូមិបានចាក់ឱ្យប្រជាពលរដ្ឋបណ្តាលឱ្យស្លាប់ម្នាក់ត្រូវសមត្ថកិច្ចចាប់ខ្លួន។ការឃាត់ខ្លួនធ្វើឡើងនៅនៅផ្ទះគ្រូពេទ្យក្នុងភូមិជប់រំដេងឃុំកន្ទួតស្រុកស្វាយលើខេត្តសៀមរាបកាលពីល្ងាចថ្ងៃទី១៤ ខែធ្នូឆ្នាំ ២០១៩ ។
មន្ត្រីនគរបាលបានឱ្យដឹងថា គ្រូពេទ្យភូមិដែលចាប់ខ្លួន ឈ្មោះ ម៉ៅ សំអឿន ភេទប្រុស អាយុ៧៦ឆ្នាំ ជនជាតិវៀតណាមស្នាក់នៅភូមិជប់រំដេងឃុំកន្ទួតស្រុកស្វាយលើ។គ្រូពេទ្យរូបនោះបានព្យាបាលដោយចាក់ថ្នាំ បុរសម្នាក់ ឈ្មោះពោទឹមភេទប្រុសអាយុ៥៨ឆ្នាំរស់នៅក្នុងភូមិឃុំជាមួយគ្នាបណ្តាលឱ្យស្លាប់ នៅក្នុងផ្ទះលោកគ្រូពេទ្យតែម្តង។
សមត្ថកិច្ចបន្តថាក្រោយចាប់ខ្លួនទទួលលទ្ធផលបានគ្រូពេទ្យប្រកបមុខរបរគ្មានលិខិតអនុញ្ញាតពីស្ថាប័នជំនាញពាក់ព័ន្ធដោយព្យាបាលខុសបច្ចេកទេស។ជនសង្ស័យត្រូវបាននាំខ្លួនទៅធ្វើការសាកសួរនៅអធិការដ្ឋាននគរបាលស្រុកស្វាយលើនិងកសាងសំណុំរឿងបញ្ជូនទៅតុលាការនាព្រឹកថ្ងៃទី១៥ខែធ្នូនេះ៕