បាត់ដំបង៖កម្លាំងនគរបាលស្រុកមោងឫស្សីព្រឹកថ្ងៃទី១១ ខែមករាបានចុះបង្រ្កាបនិងឃាត់ខ្លួនមនុស្សចំនួន៦នាក់ពាក់ព័ន្ធករណីគ្រឿងញៀននិងយកចាត់ការតាមច្បាប់។
មន្ត្រីនគរបាលស្រុកបានឱ្យដឹងថា កម្លាំងជំនាញបានចុះបង្រ្កាបករណីគ្រឿងញៀនក្នុងបទល្មើសជាក់ស្ដែងដោយឃាត់ខ្លួនជនសង្ស័យចំនួន៦នាក់កាលពីរសៀលថ្ងៃទី១០ ខែមករា នៅភូមិចាមរអា ឃុំព្រៃស្វាយ ស្រុកមោងឫស្សី។ជនសង្ស័យ៦នាក់នោះ-ឈ្មោះកយ គឿន អាយុ៣១ឆ្នាំ-ឈ្មោះ យ៉ាន យ៉ុន អាយុ២២ឆ្នាំ-ឈ្មោះ សៀម សាន់អាយុ២២ឆ្នាំ-ឈ្មោះ រឿន ថុល អាយុ២៨ឆ្នាំ-ឈ្មោះ ជិន ប៊ុនឈឿនអាយុ៣០ឆ្នាំ-និងឈ្មោះ ដាំ សីហា អាយុ២២ឆ្នាំ។ពួកគេនៅឃុំព្រៃស្វាយ-ស្រុកមោងឫស្សី ខេត្តបាត់ដំបង។វត្ថុតាងចាប់បាន-ម្សៅក្រាមពណ៌សថ្លាចំនួនមួយកញ្ចប់សង្ស័យសារធាតុញៀន-ទូរសព្ទ៣គ្រឿង-ឧបករណ៍សម្រាប់ជក់គ្រឿងញៀនមួយចំនួន។ក្រោយឃាត់ខ្លួនជនសង្ស័យទាំង៦នាក់ ត្រូវបាននគរបាលស្រុកមោងឫស្សីកសាងសំណុំរឿងដើម្បីបញ្ជូនបន្តតាមនីតិវិធី៕