កំពង់ចាម៖សមត្ថកិច្ចកំពុងស្រាវជ្រាវឆេះផ្ទះខ្មែរអ៊ិស្លាម១ខ្នងអស់ទាំងស្រុង ស្លាប់៣នាក់របួសធ្ងន់២នាក់ នៅភូមិអង្គរបានទី៣ ស្រុកកងមាស ខេត្តកំពង់ចាមកាលពីវេលាទៀបភ្លឺថ្ងៃទី៧ ខែកុម្ភ:។មន្ត្រីអាជ្ញាធរបានឱ្យដឹងថា ម្ចាស់ផ្ទះឈ្មោះ អ៊ិស្មា អែល អាយុ៥៦ឆ្នាំនៅភូមិ ឃុំខាងលើ។ ផ្ទះរងការខូចខាតប្រភេទឈើ ដំបូលប្រក់ក្បឿងបន្ទប់ខាងក្រោមបាំងស័ង្កសីទំហំ៦មែត្រ គុណ៨ម៉ែត្រជាមួយទ្រព្យសម្បត្តិជាច្រើនឆេះអស់ទាំងស្រុង ។គ្រោះមហន្តរាយនោះបណ្តាលឱ្យកូនស្រីក្រមុំ២នាក់ និងកូនប្រុសអាយុ១២ ឆ្នាំម្នាក់ ត្រូវភ្លើងឆេះស្លាប់ក្នុងផ្ទះ។ ពេលរកឃើញសាកសពបងប្អូនទាំង៣នាក់ដេកឱបគ្នាគួរឱ្យសង្វែកបំផុត ។ចំណែកឪពុកម្តាយបានរងរបួសធ្ងន់ធ្ងរកំពុងសង្គ្រោះបន្ទាន់នៅមន្ទីរពេទ្យ ។ចំពោះមូលហេតុ សមត្ថកិច្ចកំពុងបន្តបើកការស៊ើបងង្កេត៕
Related Articles
ក្មេងតូចៗ២នាក់ចុះលេងទឹកអូរក៏លង់ស្លាប់ទាំង២នៅក្រុងប៉ោយប៉ែត
ខេត្តបន្ទាយមានជ័យ៖ក្មេងតូចប្រុសស្រី២នាក់បានសុំម្តាយទៅលេងទឹកក៏លង់ស្លាប់ទាំង២នាក់ហើយក្រុមគ្រួសារបានទៅរកសពឃើញនៅចំណុចក្លងជិកអូរធំស្ថិតក្នុងភូមិរស្មីសាមគ្គីសង្កាត់និមិត្តក្រុងប៉ោយប៉ែត ខេត្តបន្ទាយមានជ័យកាលពីរសៀលថ្ងៃទី២២ខែធ្នូឆ្នាំ២០២០។ មន្ត្រីនគរបាលបានឱ្យដឹងថា៖សពក្មេងរងគ្រោះឈ្មោះម៉ៅដាវភេទប្រុសអាយុ៥ឆ្នាំនិងម្នាក់ទៀតឈ្មោះ វ៉ង់វិដាភេទស្រីអាយុ៦ឆ្នាំ។ក្មេងទាំង២នាក់ជាបងប្អូនជីដូនមួយនឹងគ្នារស់នៅភូមិរស្មីសាមគ្គីសង្កាត់និមិត្តក្រុងប៉ោយប៉ែត។ មន្ត្រីដដែលបានបញ្ជាក់ថា៖បើតាមការរៀបរាប់របស់ម្តាយក្មេងរងគ្រោះឈ្មោះជុំស្រីថាអាយុ៣៦ឆ្នាំបានប្រាប់សមត្ថកិច្ចឱ្យដឹងថានៅមុនពេលកើតហេតុកូនរបស់គាត់ឈ្មោះវ៉ង់វិដាបានថើបម្តាយរួចសុំទៅចុះងូតទឹក២នាក់បងប្អូន។ដោយក្តីអាណិតកូនដែលពីមុនៗមកមិនមានសកម្មភាពថើបម្តាយដូចនេះទេ។ ព្រោះតែកូនលួងលោមពេកក៏យល់ព្រមឱ្យងូតចុះងូតទឹកមួយសន្ទុះក្រោយមកឃើញក្មេងរងគ្រោះទាំង២នាក់ បានឡើងមកវិញហើយ រួចចូលងូតទឹកអាង នៅក្នុងផ្ទះ ដោយនឹកឃើញថាក្មេងទាំង២នាក់ បងប្អូនឮមាត់នៅអាងទឹកក្នុងផ្ទះគាត់មិនបានចាប់អារម្មណ៍ បន្តកាប់ឆ្ការស្មៅដុះនៅក្បែរផ្ទះ។ លុះមួយស្របក់ក្រោយមកស្រាប់តែបាត់មាត់គាត់ដើរទៅរកនៅនឹងអាងមិនឃើញហើយបានឱ្យជីដូនដើរទៅរកមើលនៅកន្លែងលក់នំ មិនឃើញ ពេលនោះឃើញខោអាវ នៅមាត់អូរ គាត់បានចុះរាវមើល ស្រាប់តែប្រទះឃើញកូនស្រីរបស់គាត់ បន្ទាប់មករាវរកឃើញក្មួយប្រុសម្នាក់ទៀត៕សេះស
រថយន្ត២គ្រឿងពន្លះគ្នាពេញទំហឹង ធ្វើឱ្យជនបរទេសម្នាក់ស្លាប់ និង៤នាក់រងរបួសធ្ងន់
កំពង់ស្ពឺ៖រថយន្ត២គ្រឿងបានបុកគ្នាពេញទំហឹង បណ្តាលឱ្យជនបរទេសម្នាក់ស្លាប់ភ្លាម និងបរទស៤នាក់ទៀតរងរបួសធ្ងន់។ហេតុការណ៍នេះបានកើតឡើងលើផ្លូវជាតិលេខ៤៤ ក្នុងភូមិតាម៉ុល សង្កាត់/ក្រុងច្បារមន ខេត្តកំពង់ស្ពឺ កាលពីយប់ថ្ងៃទី១៣ខែធ្នូ។មន្ត្រីនគរបាលខេត្តបានឱ្យដឹងទៀតថា មុនកើតហេតុរថយន្តម៉ាកព្រូសផ្លាកលេខភ្នំពេញ2BV-6358 បើកពីកើតទៅលិច។រថយន្តនេះបើកបរដោយបុរសជនបរទេសឈ្មោះ Lu Wei ping អាយុ៣៥ឆ្នាំ ដោយមានអ្នករួមដំណើរប្រុសស្រី ជាជនបរទេស៤នាក់។ជនរងគ្រោះទាំង៥នាក់ធ្វើការនៅរោងចក្រដំណាប់ស្វាយ ក្នុងភូមិអូរគគីរ ឃុំក្រាំងក្រូច ស្រុកសំរោងទង ខេត្តកំពង់ស្ពឺ។រថយន្តជនបរទេសបើកមកដល់កន្លែងខាងលើ បានបុកជាមួយរថយន្តម៉ាក ហ្វដរ៉េនជើរ មកពីមុខមានផ្លាកលេខកម្ពុជា YSV-1808 បើកបរដោយឈ្មោះ យ៉ែម សុវណ្ណ អាយុ៣៦ឆ្នាំនៅភូមិសំណង់ សង្កាត់រកាធំ ខេត្តកំពង់ស្ពឺ។អ្នករួមដំណើរឈ្មោះ កុយ អាយុ៤០ឆ្នាំនៅភូមិអង្គសេរី សង្កាត់រកាធំ ក្រុងច្បារមន។ក្រោយកើតហេតុខាងរថយន្តហ្វតបានគេចខ្លួនបាត់។បន្ទាប់ពីនោះសមត្ថកិច្ចបានហៅរថយន្តពេទ្យ ដឹកជនបរទេសដែលរងរបួសធ្ងន់ទៅមន្ទីរភ្នំពេញដើម្បីសង្គ្រោះបន្ទាន់។ចំណែករថយន្តទាំង២គ្រឿង ត្រូវនគរបាលចរាចរណ៍ខេត្តកំពង់ស្ពឺយកទៅទុកដើម្បីបន្តនីតិវិធី៕
សមត្ថកិច្ចអាវុធហត្ថឃាត់ខ្លួនជនសង្ស័យ៤នាក់និងថ្នាំញៀនមួយចំនួន
ព្រះវិហារ៖កម្លាំងកងរាជអាវុធហត្ថស្រុកជាំក្សាន្តបានឃាត់ខ្លនជនសង្ស័យ៤នាក់ពាក់ព័ន្ធករណីរក្សាទុកនិងជួញដូរថ្នាំញៀនដោយដកហូតបានវត្ថុតាងថ្នាំញៀនមួយចំនួន។ករណីនេះស្ថិតក្នុងភូមិវាលធំឃុំជាំក្សាន្តស្រុកជាំក្សាន្តខេត្តព្រះវិហារកាលពីថ្ងៃទី២១ខែមករាឆ្នាំ២០២០។ ប្រតិបត្តិការក្រោមការណែនាំពីសំណាក់លោកឧត្តមសេនីយ៍ត្រីកងសៅគុណមេបញ្ជាការកងរាជអាវុធហត្ថខេត្តនិងមានការសម្របសម្រួលពីលោកព្រះរាជអាជ្ញាអបសាលាដំបូងខេត្ត។នេះបើយោងតាមមន្ត្រីកងរាជអាវុធហត្ថប្រាប់ដែលអ្នកសារព័ត៌មានទទួលបាននៅថ្ងៃទី២២ ខែមករា ឆ្នាំ២០២០នេះ។ មន្ត្រីបានឱ្យដឹងដែរថាជនសង្ស័យទាំង៤នាក់ដែលកម្លាំងឃាត់ខ្លួននោះ ទី១,ឈ្មោះឈិន ថុនភេទប្រុស អាយុ២០ឆ្នាំ មុខរបរជាងសំណង់ ទី២,ឈ្មោះ ស៊ុម សុខឡេង ភេទប្រុស អាយុ១៧ឆ្នាំ មុខរបរជាងសំណង់អ្នកទាំងពីររស់នៅភូមិត្នោតឃុំទ្រាស្រុកបារាយ ខេត្តកំពង់ធំ។ ទី៣,ឈ្មោះគ្រីធឿនភេទប្រុសអាយុ១៨ឆ្នាំរស់នៅភូមិគោកស្រឡៅឃុំជាំក្សាន្តស្រុកជាំក្សាន្តនិងទី៤,ឈ្មោះសាំងវុទ្ធី(ហៅណាក់)ភេទប្រុសអាយុ៣១ឆ្នាំរស់នៅភូមិវាលធំឃុំជាំក្សាន្តស្រុកជាំក្សាន្ត។វត្ថុតាងមួយចំនួនរួមមាន៖១,ថ្នាំញៀនម៉ាទឹកកចំនួន៤កញ្ចប់=៧,៤១ក្រាម២,ទូរស័ព្ទដៃចំនួន៣គ្រឿង៣,ម៉ូតូម៉ាកវ៉េវពណ៏ខ្មៅគ្មានស្លាកលេខចំនួន១គ្រឿង និងសម្ភារៈសម្រាប់ជក់ គ្រឿងញៀនមួយចំនួនទៀត។ បច្ចុប្បន្នជនសង្ស័យទាំងនាក់ព្រមជាមួយនិងវត្ថុតាងត្រូវបានកម្លាំងជំនាញអាវុធហត្ថស្រុកកសាងសំណុំរឿងបញ្ជូនខ្លួនបន្តទៅកាន់ទីបញ្ជាការកងរាជអាវុធហត្ថខេត្តចាត់ការតាមនីតិវិធីច្បាប់៕សៅវ៉ាន់ឌី