តាកែវ៖កម្លាំងនគរបាលស្រុកបាទី បានចាប់បុរសម្នាក់ករណីវាយព្រះចៅអធិការធ្វើឱ្យរបួសជាច្រើនកន្លែង ព្រោះតែរឿងខឹងលោកសង្ឃមិនឱ្យចូលវត្ត ត្រូវនាំទៅតុលាការនៅថ្ងៃនេះ។សមត្ថកិច្ចបានឱ្យដឹងថា កាលពីថ្ងៃទី២២ ខែមីនា ជនសង្ស័យម្នាក់ចូលទៅក្នុងវត្តបានវាយ ព្រះចៅអធិការបណ្តាលឱ្យរងរបួសព្រះកេស៣កន្លែងនិងថ្ពាល់ ហើយរត់គេចខ្លួន។ក្រោយមកត្រូវផ្នែកជំនាញខេត្តសហការចុះស្រាវជ្រាវចាប់ខ្លួន។ជនសង្ស័យឈ្មោះ គង់ ណែត អាយុ២៦ឆ្នាំនៅភូមិក្រាំប្រទាល ឃុំដូង ស្រុកបាទី ខេត្តតាកែវ មានប្រើប្រាស់គ្រឿងញៀនថ្នាំ។ មុនកើតហេតុជនសង្ស័យតែងតែអុកឡុកក្នុងទីអារាម ត្រូវបានព្រះចៅអធិការដេញមិនឱ្យចូលវត្ត។ ពេលនោះរូបគេក៏ខឹងហើយបានវាយទៅលើព្រះសង្ឃបណ្តាលឱ្យរងរបួសតែម្តង។ព្រះសង្ឃរងគ្រោះព្រះនាម វាល់លិន ព្រះជន្ម៧១វស្សា គង់នៅវត្តប្រាសាទមានជ័យ ក្នុងភូមិក្រាំងប្រទាល ខេត្តតាកែវ។ក្រោយកើតហេតុសមត្ថកិច្ចបានតាមចាប់ខ្លួនជនសង្ស័យយកមកកសាងសំណុំរឿងដើម្បីចាត់ការតាមច្បាប់៕
Related Articles
ជំនាញចុះពិនិត្យផលិតផលអនឡាញរបស់អតីតប្រពន្ធលោកឌួង ឆាយ
ភ្នំពេញ៖ផ្នែកប្រយុទ្ធប្រឆាំងផលិតផលក្លែងក្លាយបានចុះពិនិត្យផលិតផលអនឡាញរបស់អ្នកនាងដេតម៉ារីណា អតីតភរិយាលោកឌួង ឆាយ។មន្ត្រីក្នុងរង្វង់ប្រតិបត្តិការបានឱ្យដឹងថា កម្លាំងគណៈកម្មាធិការប្រយុទ្ធប្រឆាំងផលិតផលក្លែងក្លាយក្រសួងមហាផ្ទៃបានចុះត្រួតពិនិត្យទីតាំងលក់គ្រឿងសម្អាងអនឡាញមួយកន្លែង ជាផលិតផលប្រ៊េន DMLN។ ទីតាំងនោះដែលសមត្ថកិច្ចចុះពិនិត្យនោះឋិតនៅក្បែរវត្តអង្គតាម៉ិញផ្ទះលេខ៤៧២ ផ្លូវលេខដោនថោន៧ ភូមិគោកចំបក់ សង្កាត់ចោមចៅទី១ខណ្ឌពោធិ៍សែនជ័យ កាលពីរសៀលថ្ងៃទី១៣ ខែមករាឆ្នាំ២០២២ ។ មន្ត្រីដដែលបានបន្តថា ការចុះត្រួតពិនិត្យនេះធ្វើឡើងក្រោយទទួលពាក្យបណ្ដឹងពីជនរងគ្រោះ ដែលកន្លងមកបានប្រើប្រាស់ផលិតផលនេះធ្វើឱ្យរងផលប៉ះពាល់ដល់រាងកាយនិងស្បែកជាដើម។មន្ត្រីនោះថា ម្ចាស់ប្រ៊េនផលិតផល DMLN ឈ្មោះដេត ម៉ាលីណា អតីតភរិយាលោកឌួង ឆាយ។ ក្រោយប្រតិបត្តិការកម្លាំងសមត្ថកិច្ច មិនបានដកហូតសម្ភារវត្ថុតាងយកទៅទេនិងបានដកកម្លាំងទៅវិញដោយស្ងាត់ស្ងៀម។ពាក់ព័ន្ធករណីខាងលើសារព័ត៌មានយើងមិនអាចសុំការបំភ្លឺពីមន្ត្រីពាក់ព័ន្ធឬតំណាងប្រ៊េនផលិតផល DMLN នៅឡើយទេ។គេហទំព័រនឹងផ្សាយបន្តនៅពេលមានការបញ្ជាក់ពិស្តាពីម្ចាស់ផលិតផលនេះ៕
អភិបាលរងខេត្តកែបរងបណ្តឹងបានគេចខ្លួនខណៈសំណុំរឿងបញ្ជូនដល់តុលាការ (មានវីដេអូ)
កែប៖សមត្ថកិច្ចបានបញ្ជូនសំណុំរឿងបៀតបៀនប្រពន្ធគេនិងបង្ករបួសស្នាមធ្ងន់ធ្ងរលើស្ត្រីម្នាក់ទៀតទៅដល់តុលាការខណៈអតីតអភិបាលរងខេត្តកែបដែលរងបណ្តឹងកំពុងគេចខ្លួន។លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែបបានឱ្យដឹងនៅព្រឹកថ្ងៃទី២ ខែមករានេះថា ផ្នែកជំនាញបានបញ្ជូនសំណុំរឿងលោកភូ លិ អតីតអភិបាលរងខេត្តកែបជាប់ចោទពីបទសង្ស័យបៀតបៀននិងបង្ករបួសស្នាមទៅតុលាការរួចរាល់ហើយ។សមត្ថកិច្ចកំពុងរង់ចាំអនុវត្តបន្តក្រោយពីមានសេចក្តីសម្រេចតាមឆន្ទានុសិទ្ធិរបស់តុលាការ។ពេលនេះអតីតអភិបាលរងខេត្តកែបរូបនោះកំពុងគេចខ្លួន។សូមរំលឹកថា កាលពីយប់ថ្ងៃទី២៩ ខែធ្នូ ឆ្នាំ២០២២ លោកភូ លិ បានចូលរួមក្នុងពិធីជប់លៀង ចូលកាន់តំណែងប្រធានមន្ទីរបរិស្ថានខេត្តកែប។កាលនោះអតីអភិបាលរងខេត្តរូបនេះបានដើរទៅតុមួយរួចថើបក្បាលស្ត្រីឈ្មោះទ.ម.រ ក្នុងបំណងបៀតបៀន។ស្ត្រីសាម៉ីខ្លួនបានហាមមិនឱ្យធ្វើបែបនេះទេព្រោះនាងមានប្តី។ ក្រោយមកអតីតអភិបាលរងខេត្តក៏ដើរទៅម្តងទៀតទើបស្រ្តីម្នាក់ជាបងប្អូនរបស់ស្ត្រីទ.ម.រ បាននាំនាងចេញបំណងត្រឡប់ទៅផ្ទះវិញខ្លាចក្រែងមានបញ្ហាកើតឡើង។ឃើញដូច្នោះ លោកភូលិក៏យកកែវស្រាគប់សំដៅស្ត្រីទ.ម.រ តែចៃដន្យកែវនោះបានត្រូវចំអ្នកនាំនាងចេញបណ្តាលបែកត្របក់ភ្នែកហូរឈាមស្រោចខ្លួនរបួសធ្ងន់ធ្ងរត្រូវពេទ្យដេរ១៦ថ្នេរ។ស្ត្រីរងគ្រោះទាំង២នាក់បានដាក់បណ្តឹងចូលសមត្ថកិច្ចដើម្បីចាត់ការតាមច្បាប់។នៅថ្ងៃទី៣១ ខែធ្នូឆ្នាំ២០២២ រាជរដ្ឋាភិបាលកម្ពុជាបានចេញអនុក្រឹត្យលេខ១២០២អនក្រ.តត មានខ្លឹមសារថាត្រូវបានបញ្ចប់មុខតំណែងលោកភូ លិ ឋានន្តរស័ក្តិវរមន្ត្រីថ្នាក់លេខ១ពីអភិបាលរងខេត្តកែប៕ដោយ៖សុឋឌីណា
រដ្ឋបាលខេត្តកំពង់ឆ្នាំងទទួលស្រឡាងចម្លងមួយគ្រឿងពីក្រសួងសាធារណការ
កំពង់ឆ្នាំង៖កាលពីថ្ងៃទី២៤ខែឧសភាឆ្នាំ២០២១ស្រឡាងសម្រាប់ចម្លងមួយគ្រឿងឈ្មោះ“សាមគ្គី០២៧”ត្រូវក្រសួងសាធារណការនិងដឹកជញ្ជូនបានប្រគល់ជូនរដ្ឋបាលខេត្តកំពង់ឆ្នាំង។ស្រឡាងនេះសម្រាប់ចម្លងប្រជាពលរដ្ឋនិងយាន្តជំនិះគ្រប់ប្រភេទពីក្រុងកំពង់ឆ្នាំងឆ្លងកាត់ដងទន្លេសាបទៅតំបន់ជាយក្រុងក្នុងស្រុកកំពង់លែងនៃខេត្តកំពង់ឆ្នាំង។ លោក ឆាយ លាភា ប្រធានមន្ទីរសាធារណការនិងដឹកជញ្ជូនខេត្តកំពង់ឆ្នាំងបានឱ្យដឹងថា៖ ស្រឡាងដែលយើង ទទួលបាននេះ ខាងក្រសួងសាធារណការនិងដឹកជញ្ជូនបានប្រគល់ជូនរដ្ឋបាលខេត្តកំពង់ឆ្នាំង។រដ្ឋបាលសាលាខេត្ត ជាអ្នកចាត់ចែងការប្រើប្រាស់គឺមិនពាក់ព័ន្ឋដល់មន្ទីរទេ។តែមន្ទីរមានសិទ្ឋិត្រួតពិនិត្យលើបច្ចេកទេសនៃការប្រើប្រាស់តើត្រឹមត្រូវតាមច្បាប់ឬមិនស្របច្បាប់តែប៉ុណ្ណោះ។ ប្រធានមន្ទីរបានបញ្ជាក់ថា៖ស្រឡាងមួយគ្រឿងនេះកាលពីមុនក្រសួងប្រគល់ជូនរដ្ឋបាលខេត្តកំពង់ចាមនៅអំឡុងឆ្នាំ២០១៦។តែបច្ចុប្បន្នខេត្តកំពង់ចាមបានធ្វើស្ពានឆ្លងទន្លមេគង្គបានសម្រេចរួចហើយទើបនៅចុងខែឧសភាឆ្នាំ២០២១នេះក្រសួងបានប្រគល់ស្រឡាងឈ្មោះ “សាមគ្គី០២៧”នេះមកខាងខេត្តកំពង់ឆ្នាំងវិញតាមការស្នើសុំសម្រាប់បម្រើសេចក្តីត្រូវការរបស់ប្រជាពលរដ្ឋ៕ដោយ៖យាយទេព