កែប៖មន្ត្រីសាលាឃុំម្នាក់បានបើករថយន្ត បុកបង្កាន់ដៃស្ពានក្រឡាប់បណ្តាលឱ្យស្លាប់ភ្លាម ។ហេតុការណ៍នេះបានកើតឡើងនៅលើផ្លូវប្របមាត់សមុទ្រ ក្រុងកែប កាលពីយប់ថ្ងៃទី២៦ ខែមីនា។ មន្ត្រីនគរបាលចរាចរណ៍ស្រុកដំណាក់ចង្អើរបានឱ្យដឹងថា ជនរងគ្រោះបាត់បង់ជីវិតឈ្មោះ ពោញ សំបូរ អាយុ៤២ឆ្នាំ ជាជំនួយការស្មៀនសាលាឃុំអង្កោល នៅភូមិទួលសាង៉ាំ ឃុំអង្កោល ស្រុកដំណាក់ចង្អើរ ខេត្តកែប។ប្រភពដដែលបានបន្តថា កាលពីម៉ោងជិត១០យប់ថ្ងៃទី២៦ ខែមីនា មានគ្រោះថ្នាក់ចរាចរណ៍មួយបានកើតឡើង ដោយរថយន្តបើកបុកបង្កាន់ដៃស្ពានក្រឡាប់ខ្លួនឯង បណ្តាលឱ្យអ្នកបើកបរស្លាប់ភ្លាមៗតែម្តង។ក្រោយកើតហេតុ រថយន្តសង្គ្រោះបានដឹកសពទៅលំនៅស្ថានប្រគល់ជូនសាច់ញាតិរៀបចំធ្វើបុណ្យជាមួយរថយន្តដែលរងការខូចខាតនោះផងដែរដើម្បីយកទៅជួសជុល៕
Related Articles
កម្លាំងជលផលកំពង់ឆ្នាំង ចុះបង្ក្រាបឧបករណ៍នេសាទល្មើសច្បាប់
កំពង់ឆ្នាំង៖កាលពីថ្ងៃទី២៩ ខែវិច្ឆិកា កម្លាំងខណ្ឌរដ្ឋបាលជលផលខេត្តកំពង់ឆ្នាំង បានចុះបង្ក្រាបឧបករណ៍ខុសច្បាប់ និងដកហូតសម្ភារល្មើសយកដុតកម្ទេចចោល។ការបង្ក្រាបនៅម្តុំឆ្នុកអណ្តែង ភូមិភ្លង ឃុំពាមឆ្កោក និងបឹងធំ ស្រុកជលគិរី ខេត្តកំពង់ឆ្នាំង។មន្ត្រីក្នុងប្រតិបត្តិការបានឱ្យដឹងថា កម្លាំងខណ្ឋរដ្ឋបាលជលផលកំពង់ឆ្នាំង ដឹកនាំដោយលោក ងិន ហ៊ុនប្រធានមន្ទីរកសិកម្មរុក្ខាប្រមាញ់និងនេសាទខេត្ត ជាមួយសហគមន៍ភូមិថ្មី-សហគមន៍ស្វាយរំពារសែនជ័យ។កម្លាំងបានបង្ក្រាបបទល្មើសនេសាទរបាំងលូ-សាច់អួនរាំងភ្ជិតព្រែកនិងបឹង។ក្នុងនោះក្រុមការងារបានរុះរើ និងបំផ្លាញចោលវត្ថុតាងនៅនឹងកន្លែងមានដូចជា របាំងសាច់អួនរាំងភ្ជិតព្រែក បឹងចំនួន៦កន្លែងប្រវែង៣០០ម៉ែត្រ-លូសាច់អួនក្រឡាញឹកចំនួន៨-ឈើបង្គោល២០០ដើម និងចាក់លែងត្រីចម្រុះប្រមាណ៥០គីឡូក្រាមចូលបឹងធម្មជាតិវិញ៕
បើកសវនាការជនជាប់ចោទ១១នាក់លើ៣ជាតិសាសន៍រឿងគ្រឿងញៀនជាង៤៤គីឡូក្រាម
ភ្នំពេញ៖តុលាការភ្នំពេញព្រឹកថ្ងៃទី២២ ខែធ្នូនេះបានបើកសវនាការជំនុំជម្រះលើជនជាប់ចោទចំនួន១១នាក់ខ្មែរ-វៀតណាម-ថៃពាក់ព័ន្ធគ្រឿងញៀនជាង៤៤គីឡូក្រាមតែលើកពេលទៅថ្ងៃទី៥ ខែមករាឆ្នាំ២០២៣វិញ។សមត្ថកិច្ចបានបញ្ជាក់ថា កាលពីថ្ងៃទី១៣ដល់១៥ ខែកក្កដា ឆ្នាំ២០២២កម្លាំងមន្ទីរប្រឆាំងគ្រឿងញៀនក១បានស្រាវជ្រាវនិងបង្ក្រាបករណីរក្សាទុកជួញដូរដោយខុសច្បាប់នូវសារធាតុញៀនចំនួន៥គោលដៅផ្សេងគ្នាក្នុងរាជធានីភ្នំពេញនិងខេត្តបន្ទាយមានជ័យ។ក្នុងនោះឃាត់ខ្លួនជនសង្ស័យ៣ជនជាតិមានខ្មែរ-វៀតណាម-និងថៃចំនួន១១នាក់។ប្រតិបត្តិការនោះដែរសមត្ថកិច្ចចាប់បានវត្ថុតាងគ្រឿងញៀនច្រើនប្រភេទសរុបទាំងអស់ទម្ងន់៤៤គីឡូ ៩១៦ក្រាម។ជាមួយធម្យោបាយសម្ភារ-រថយន្ត២គ្រឿង-ម៉ូតូ២គ្រឿង-អាវុធខ្លី១ដើម-គ្រាប់បែក ១គ្រាប់-ជញ្ជីងថ្លឹង៣គ្រឿង-និងទូរសព្ទ៧គ្រឿង៕
ជនពាលមួយក្រុមប្រើកាំបិតវែងកាប់លើពលរដ្ឋក្នុងពិធីបុណ្យថ្វាយផ្កាភ្លើងបណ្តាលឱ្យរបួសធ្ងន់៣នាក់
សៀមរាបៈជនពាលមួយក្រុមមានគ្នាប្រហែលជាង១០នាក់បានចេញពីព្រៃដោយដៃកាន់កាំបិតខ្វែវដើរមកកាប់ប្រជាពលរដ្ឋដើរហែរក្នុងពិធីបុណ្យថ្វាយផ្កាភ្លើងជាបុណ្យអុំទូកអកអំបុកនិងសំពះព្រះខែចេញពីវត្តមុន្នីធ្យានបណ្តាលឱ្យរបួសធ្ងន់ចំនួន៣នាក់។ករណីនេះបានកើតឡើងនៅតាមបណ្តោយផ្លូវក្នុងភូមិដានរុន ឃុំដានរុនស្រុកសូទ្រនិគម ខេត្តសៀមរាបកាលពីយប់ថ្ងៃទី១ខែវិច្ឆិកាឆ្នាំ២០២០។ មន្ត្រីសមត្ថកិច្ចបានឱ្យដឹងថាៈប្រជាពលរដ្ឋក្នុងភូមិដានរុនបាននាំគ្នាដើរហែរក្នុងពិធីបុណ្យថ្វាយផ្កាភ្លើងជាបុណ្យអុំទូកអកអំបុកនិងសំពះព្រះខែចេញពីវត្តមុន្នីធ្យានទាំងយប់តាមដងផ្លូវកាត់ពីភូមិមូយចូលទៅភូមិ។ដល់ពាក់កណ្តាលផ្លូវស្រាប់តែប្រទះឃើញពួកជនដៃដល់មានគ្នាប្រហែលជាង១០នាក់រត់ចេញមកពីកៀនផ្លូវក្នុងព្រៃដោយដៃមានកាន់កាំបិតខ្វែវដេញកាប់ពួកគាត់ធ្វើឱ្យប្រជាពលរដ្ឋព្រមទាំងអាចារ្យរត់គេចខ្លួន។ មន្ត្រីដដែលបានបន្តថាៈក្នុងនោះ២នាក់កាប់ត្រូវក្បាលផ្នែកខាងក្រោយនិងម្នាក់ទៀតដាច់កដៃខាងស្តាំនិងក្បាល។ក្រោយពីធ្វើសកម្មភាពហើយក្រុមជនគេបានរត់គេចខ្លួនបាត់អស់។ជនរងគ្រោះឈ្មោះ វី លីយ៉ាភេទប្រុសអាយុ២៧ឆ្នាំជាបុគ្គលិកសមិទ្ធផលហ្វាយណាន់នៅភូមិក្រាំងខ្ចាយឃុំសំរោងស្រុកសូទ្រនិគម ខេត្តសៀមរាប។ បច្ចុប្បន្នជនរងគ្រោះទាំង៣នាក់ក្នុងនោះ២នាក់សម្រាកព្យាបាលនៅមន្ទីរពេទ្យបង្អែកស្រុកសូទ្រនិគម និង ម្នាក់ទៀតដែលរបួសធ្ងន់ដាក់និងក្បាល កំពុងសម្រាកព្យាបាល នៅមន្ទីរពេទ្យ គ្លីនិក ឯកជន ស៊ឹង រិទ្ធីរ៉េត៕សហការី