ពោធិ៍សាត់៖ក្រោយមានគ្រោះថ្នាក់ចរាចរណ៍ បង្កពីបុរសចិនម្នាក់ស្រវឹងបើករថយន្តបុកម៉ូតូ២គ្រឿងនិងមនុស្សឈរចិញ្ចើមផ្លូវ បណ្តាលឱ្យស្លាប់២នាក់និងរងរបួសធ្ងន់៧នាក់។ហេតុការណ៍ដ៏រន្ធត់នោះបានកើតឡើងនៅលើផ្លូវជាតិលេខ៥៥ ក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ កាលពីយប់ថ្ងៃទី១៦ ខែមេសា។លោកវរសេនីយ៍ឯក ធាង ឡេង អធិការនគបាលស្រុកវាលវែងបានឱ្យដឹងនៅរសៀលថ្ងៃទី១៧ ខែមេសាថា គ្រោះថ្នាក់ចរាចរណ៍នេះបង្កឡើងដោយរថយន្តបុកម៉ូតូ២គ្រឿងនិងមនុស្សកំពុងឈរ បណ្តាលឱ្យស្លាប់២នាក់ភ្លាមៗនិងប្រុសស្រី៧នាក់ទៀតរងរបួសធ្ងន់។ជនរងគ្រោះដែលស្លាប់ឈ្មោះ ជួន កក្កដា អាយុ២៥ឆ្នាំនៅឃុំក្រពើ២ ស្រុកវាលវែង។បើកម៉ូតូម៉ាកហុងដា។ឈ្មោះ វ៉ាន់ ដេវិតអាយុ១៤ឆ្នាំនៅភូមិស្ទឹងថ្មី ឃុំប្រម៉ោយ ម៉ូតូម៉ាកហុងដា។ ចំណែកជនរងគ្រោះកំពុងឈររបួសធ្ងន់ ឈ្មោះ មៃ សៀងហៃអាយុ១៧ឆ្នាំ-ឈ្មោះឆេង ជាសុផារ៉ា អាយុ២៣ឆ្នាំ- ផុន ស្រីលាភ ភេទស្រី អាយុ១៩ឆ្នាំ- អ៊ុត សុវ៉ាន់ណារ៉ា អាយុ១៨ឆ្នាំ- ចាន់ វេត អាយុ១៤ឆ្នាំ- ធី យ៉ាង អាយុ១៩ឆ្នាំនិងឈ្មោះ.ប៊ុនជុំ អាយុ៦៧ឆ្នាំ។ពួកគេនៅខេត្តពោធិ៍សាត់និងខេត្តបាត់ដំបង។ក្រោយកើតហេតុសមត្ថកិច្ចបានឃាត់រថយន្តផ្លាកលេខភ្នំពេញ 2BS-2152 ជាមួយអ្នកបើកបរជាជនជាតិចិន ឋិតក្នុងភាពស្រវឹងហើយនាំយកទៅអធិការដ្ឋាននគរបាលស្រុកដើម្បីបន្តនីតិវិធី៕
Related Articles
ស្នងការនគរបាលភ្នំពេញបញ្ឈរជើងមន្រ្តីនគរបាលម្នាក់រយៈពេល៣ខែ
ភ្នំពេញ៖មន្រ្តីនគរបាលប៉ុស្តិ៍ទឹកថ្លាម្នាក់ត្រូវបានថ្នាក់លើបញ្ឈរជើងរយៈពេល៣ខែបន្ទាប់ពីបង្ហោះលក់បណ្ណចេញ-ចូលអគ្គស្នងការដ្ឋាននគរបាលជាតិឬក្រសួងមហាផ្ទៃនៅលើបណ្តាញTikTok ។យោងសេចក្តីការបកស្រាយពីក្រុមប្រតិកម្មរហ័សនៃនគរបាលភ្នំពេញថ្ងៃទី២៦ ធ្នូនេះបានឱ្យ ដឹងថា បន្ទាប់ពីបានឃើញវីដេអូបង្ហោះតាមបណ្តាញសង្គមTik Tok ទាក់ទងទៅនឹងម្ចាស់គណនីឈ្មោះថា TikTok Fan Dy 9828 ជាមន្ត្រីនគរបាលប៉ុស្តិ៍ទឹកថ្លាដែលបានបង្ហោះខ្លឹមសារថា “បងប្អូនត្រូវការផ្លាកចេញ-ចូលអគ្គស្នងការដ្ឋាននគរបាលជាតិឬក្រសួងមហាផ្ទៃ អាចមកទាក់ទងខ្ញុំបាន” កាលពីថ្ងៃទី២៤ ខែធ្នូ។ ភ្លាមៗក្រុមការងារព័ត៌មាននិងប្រតិកម្មរហ័សនគរបាលភ្នំពេញបានស្រាវជ្រាវនិងកោះហៅលោកអនុសេនីយ៍ឯក ម៉ិច មាស អត្តលេខ៨៦៩០៤ មកបំភ្លឺករណីនេះ។ក្រោយពីសាកសួរ លោក ម៉ិច មាស បានសារភាពថា ពិតជាបានបង្ហោះខ្លឹមសារខាងលើប្រាកដមែន។តែមិនមានចេតនាក្នុងការលក់ដូរអ្វីទេ។បំណងផុសអួតដល់មិត្តភក្តិដែលជាកងកម្លាំងដូចគ្នាតែប៉ុណ្ណោះ។ទន្ទឹមនេះបានណែនាំអប់រំធ្វើកិច្ចសន្យា និងដាក់វិន័យរដ្ឋបាល ដោយសម្រេចផ្អាកការងារ បញ្ឈរជើងរយៈពេល៣ខែ ហើយត្រូវបង្ហាញមុខនៅរដ្ឋបាលនគរបាលខណ្ឌសែនសុខជារៀលរាល់ថ្ងៃ។ស្នងការដ្ឋាននគរបាលរាជធានីភ្នំពេញ បានគួសបញ្ជាក់ថា បណ្ណសម្គាល់ទាំងនេះមិនមែនសម្រាប់ធ្វើអាជីវកម្មទេ៕
ជនបរទេសម្នាក់ដេកស្លាប់ក្នុងបន្ទប់ជំនាញសន្និដ្ឋានថាគាំងបេះដូង
សៀមរាប៖ស្ត្រីជាជនបរទេសម្នាក់បានដេកស្លាប់ក្នុងបន្ទប់ប៊ូទិកមួយឈ្មោះប៉ាវីយុងដូរីយ៉ងករណីនេះជំនាញអះអាងថា សំពាធឈាមឡើងខ្ពស់បណ្តាលឱ្យគាំងបេះដូង។ សមត្ថកិច្ចមូលដ្ឋានបានឱ្យដឹងថាហេតុការណ៍បានកើតឡើងកាលពីថ្ងៃទី២៦ខែមករាឆ្នាំ២០២០នៅចំណុចបន្ទប់លេខ១០៦ ប៊ូទិក ប៉ាវីយ៉ុង ដូរីយ៉ង់ ស្ថិតនៅភូមិ ចុងកៅស៊ូ សង្កាត់ស្លក្រាម ក្រុងសៀមរាប។ ជនរងគ្រោះឈ្មោះWYMYSLOWSKIANNEMARIEភេទស្រីកើតថ្ងៃទី២៥ខែកក្កដាឆ្នាំ១៩៥៣ជនជាតិបារាំងកាន់លិខិតឆ្លងដែនលេខ១១CF២១៥៤៧ជាភ្ញៀវទេសចរណ៍។ជនរងគ្រោះចូលមកព្រះរាជាណាចក្រកម្ពុជាកាលពីថ្ងៃទី១៨មករា២០២០តាមច្រកព្រលានយន្តហោះអន្តរជាតិភ្នំពេញ។ចូលមកស្នាក់នៅប៊ូទិកកើតហេតុខាងលើ កាលពីថ្ងៃទី ២៣ មករា ២០២០។ ប្រភពបន្តថាផ្អែកតាមការស្រាវជ្រាវរបស់សមត្ថកិច្ចជំនាញនិងលោកវេជ្ជបណ្ឌិតអ៊ិតឆបឆរ័ត្នគ្រូពេទ្យអមតុលាការបានសន្និដ្ឋានថា៖ជនរងគ្រោះស្លាប់ដោយសារសំពាធឈាមឡើងខ្ពស់បណ្តាលឱ្យគាំងបេះដូង។សាកសពបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ-សូវៀតរាជធានីភ្នំពេញ តាមសំណូមពររបស់តំណាងស្ថានទូត៕
ចាប់ប្រពន្ធចុងប្រើកន្ត្រៃចាក់សម្លាប់ប្តីព្រោះថាដល់ខែឱ្យលុយតែសន្យាខ្យល់
បាត់ដំបង៖ករណីឃាតកម្មសមត្ថកិច្ចបានចាប់ស្រ្តីម្នាក់ប្រើកន្ត្រៃចាក់សម្លាប់ប្តីហើយយកអាល់កុលស្រោចដុតបន្ថែមព្រោះប្តីថាដល់ខែឱ្យលុយតែបែជាសន្យាខ្យល់ក៏កើតរឿងបែបនេះតែម្តង។មន្ត្រីនគរបាលបានឱ្យដឹងថា អំពើឃាតកម្មនោះបានកើតឡើងនៅភូមិភ្នំសំពៅលិច ឃុំភ្នំសំពៅ ស្រុកបាណន់ខេត្តបាតដំបងកាលពីម៉ោង១០យប់ថ្ងៃទី២០ តុលា។ស្ត្រីដៃដល់ឈ្មោះ នេត ចំប៉ី អាយុ៥៣ឆ្នាំជាប្រពន្ធចុងអ្នកលក់នំបញ្ចុកនៅភូមិឃុំខាងលើ។បុរសដែលស្លាប់ ឈ្មោះ អាន់ វុធអាយុ៤៦ឆ្នាំជាកម្មករសំណង់ រស់នៅក្នុងភូមិ-ឃុំជាមួយគ្នា។ បុរសរងគ្រោះត្រូវប្រពន្ធចុងប្រើកន្ត្រៃចាក់ឱ្យរបួសជាច្រើនកន្លែងហើយយកអាល់កុលស្រោចពីលើរួចដុតបន្ថែមឱ្យឆេះរហូតដល់ស្លាប់នៅក្នុងបន្ទប់ផ្ទះប្រពន្ធចុង។ហេតុការណ៍នេះបន្ទាប់មានជម្លោះផ្ដើមចេញពីខាងប្តីថាឱ្យលុយខាងស្រីមួយខែ១០ម៉ឺនរៀលតែមិនបាន ដូចការសន្យាក៏កើតរឿងចាក់សម្លាប់គ្នាបែបនេះតែម្តង។ក្រោយពីកើតហេតុសមត្ថកិច្ចបានចុះឃាត់ខ្លួនស្ត្រីដៃដល់បានភ្លាមៗហើយកម្លាំងជំនាញបានកសាងសំណុំរឿងចាត់ការតាមនីតិវិធី ៕