ភ្នំពេញ៖កម្លាំងនគរបាលរាជធានីភ្នំពេញ បានផ្ទុះអាវុធមួយប្រាវជាមួយក្រុមចោរប្លន់ បណ្តាលឱ្យនគរបាលម្នាក់រងរបួស រីឯខាងចោរប្លន់បានស្លាប់២នាក់។ ហេតុការណ៍ផ្ទុះអាវុធបាញ់តដៃគ្នារវាងនគរបាល ជាមួយក្រុមចោរនៅក្នុងខណ្ឌពោធិ៍សែនជ័យ កាលពីម៉ោងប្រមាណជាង១១ព្រឹក ថ្ងៃទី១៨ ខែមេសា ឆ្នាំ២០២៣។ លោកឧត្តមសេនីយ៍ត្រី សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានប្រាប់អ្នកយកព័ត៌មានឱ្យដឹងថា មុនឈានដល់ការប៉ះទង្កិចគ្នានេះ សមត្ថកិច្ចជំនាញក្ដាប់បាននូវមុខសញ្ញាជនល្មើស។ជនសង្ស័យពួកគេស្ថិតក្នុងក្រុមចោរប្លន់-កាច់កម៉ូតូនិងលួចរថយន្ដកន្លងមក។ ពេលឡោមព័ទ្ធស្រាប់តែក្រុមនេះបានបាញ់ស្រោចមកលើសមត្ថកិច្ច បណ្ដាលឱ្យមន្ត្រីនគរបាលម្នាក់រងរបួសជើង។ពេលនោះ កម្លាំងជំនាញបានប្រើប្រាស់សិទ្ធិការពារខ្លួននិងបានបាញ់តបតទៅលើក្រុមជនល្មើសវិញ បណ្ដាលឱ្យខាងជនសង្ស័យស្លាប់២នាក់នៅនឹងកន្លែង។បន្ទាប់មកនគរបាលខណ្ឌពោធិ៍សែនជ័យនិងនគរបាលរាជធានីភ្នំពេញ សហការស្រាវជ្រាវរកបក្ខពួកបន្តទៀត៕
Related Articles
ដែនជម្រកសត្វព្រៃ កែវសីមាតើមានអ្វីខ្លះ? ដែលអ្នកគួរយល់ដឹងនិងទស្សនា
មណ្ឌលគិរី៖តាមសំណេររបស់លោកបណ្ឌិត សាម អ៊ីន ជាមួយឯកសារយោង ពីក្រសួងបរិស្ថានបានបញ្ជាក់ថា ដែនជម្រកសត្វព្រៃកែវសីមា គ្របដណ្តប់ដោយព្រៃចម្រុះប្រភេទ រួមមាន ព្រៃស្រោង ព្រៃពាក់កណ្តាលស្រោង ព្រៃល្បោះ និងវាលស្មៅ។ ព្រមទាំងមានជាសណ្ឋានដីច្រើនប្រភេទ តាំងពីខ្ពង់រាប ភ្នំ ទំនាប ស្ទឹង អូរ បឹង រហូតដល់ត្រពាំង ហើយមានព្រៃឈើនិងរុក្ខជាតិចំនួន ២៦៧ប្រភេទ។ក្នុងនោះមានប្រភេទឈើប្រណីត និងឈើដែលមានតម្លៃសេដ្ឋកិច្ច រួមជាមួយនិងអនុផលព្រៃឈើ និងជាជម្រកដ៏សំខាន់សម្រាប់សត្វព្រៃជាច្រើនប្រភេទ។ ដែលមានសត្វស្លាប ៣៥៦ប្រភេទ ថនិកសត្វ ៩៤ប្រភេទ ល្មូន ៥៤ប្រភេទ ត្រី ៦៨ប្រភេទ រួមទាំង ដំរី ខ្ទីង ទន្សោង ខ្លារខិន ស្វាកន្ទុយស ទោចថ្ពាល់លឿង ខ្លាឃ្មុំធំ ស្វាអង្កត់ ខ្លាពពក ភេ កង្កែបស្នែងអូរាំង ត្រយងយក្ស ក្រៀល ក្ងោក ជាដើម។រុក្ខជាតិ និងសត្វព្រៃ បំពេញមុខងារឱ្យគ្នាទៅវិញទៅមក បង្កើតនូវប្រព័ន្ធអេកូឡូស៊ីធម្មជាតិ ដែលសម្របនឹងស្ថានភាពភូមិសាស្រ្ត និងមានប្រភពទឹកពេញមួយឆ្នាំ។តំបន់នេះត្រូវបានកំណត់ជាតំបន់ ការពារធម្មជាតិនៅក្នុងឆ្នាំ២០១៦ […]
សហគមន៍កសិកម្មបានប្រារព្ធកម្មវិធីសន្និបាតប្រចាំឆ្នាំលើកទី៥នៅព្រះវិហារ
ព្រះវិហារ៖កាលពីរសៀលថ្ងៃទី២១ខែមករាឆ្នាំ២០២០នៅឃុំស្ដៅស្រុកសង្គមថ្មីខេត្តព្រះវិហារសហគមន៍កសិកម្មស្ដៅអភិវឌ្ឈន៍បានប្រារព្ធកម្មវិធីមហាសន្និបាតប្រចាំឆ្នាំលើកទី៥ក្នុងឆ្នាំ២០១៩ស្ថិតក្នុងឃុំស្ដៅស្រុកសង្គមថ្មីខេត្តព្រះវិហារ។ លោកពឹងទ្រីដាប្រធានមន្ទីរកសិកម្មនិងរុក្ខាប្រមាញ់និងនាសាទបានឱ្យដឹងថាលទ្ឋផលឆ្នាំ២០១៩សមាជិកសរុបចំនួន២៣៦នាក់(ស្រី១៧៥នាក់)។មុខរបរ:១.ឥណទានកសិកម្មខ្នាតតូច២.លក់ស្រូវសរីរាង្គជូនក្រុមហ៊ុនអេមរុរ៉ាស៍តាមកិច្ចសន្យា៣.ផ្គត់ផ្គង់ពូជស្រូវផ្កាម្លិះក្រហមជូនក្រុមហ៊ុនអេមរុរ៉ាស៍តាមកិច្ចសន្យា៤.ផ្គត់ផ្គង់ជីសរីរាង្គខូបជូនសមាជិកផលិតរបស់សហគមន៍-ភាគហ៊ុនសរុបមានចំនួនភាគហ៊ុន៥.៥៣៦។ លោកបន្តថាលក់ស្រូវសរីរាង្គឱ្យក្រុមហ៊ុនAMRURiceបាន៣០៣៦៦គីឡូក្រាម-ដើមទុនសរុប១១០.៧២០.០០០រៀលប្រាក់ចំណូលប្រចាំឆ្នាំ២៥.៣២៦.៤០០រៀលចំណាយប្រចាំឆ្នាំ៧៩៣៤២០០រៀលប្រាក់ចំណេញសុទ្ឋសរុប១៧.៣៩២.២០០រៀល។ផែនការឆ្នាំ២០២០ពង្រីកសមាជិកផលិតស្រូវសរីរាង្គ-រៀបចំកសាងរបងស្នាក់ការសហគមន៍-ទិញលក់ដំឡូងមីស្ងួត-ដោះស្រាយបំណុលឆ្នាំចាស់-ពង្រឹងក្រុមចិញ្ចឹមសត្វបន្លែ។ ឥណទានសាច់ប្រាក់ការបោះឆ្នោតជ្រើសរើសថ្នាក់នាំអាណត្តិថ្មី១.លោកស្រីជូមេត្តាប្រធានក្រុមប្រឹក្សាភិបាល២,លោកស្រីភក្ដីលីណាអនុប្រធានក្រុមប្រឹក្សាភិបាល៣,លោកសោមម៉ៅប្រធានគណៈកម្មការត្រួតពិនិត្យ។៤,លោកឆាងលីអនុប្រធានគណះកម្មការត្រួតពិនិត្យ៥,លោកស្រីកែទេវិន(មិនទាន់បែងចែកតួនាទី)៦,លោកហង្សជា(មិនទាន់បែងចែកតួនាទី)៧,លោកសាត់មឿង(មិនទាន់បែងចែកតួនាទី) ៨,កញ្ញាចេងស្រីលៀន (មិនទាន់បែងចែកតួនាទី)ចូលរួមគាំទ្រមហាសន្និបាទដោយ – អង្គការឌីភីអេ DPA- អង្គការទស្សនះពិភពលោក World Vision -មន្ទីរកសិកម្មរុក្ខាប្រមាញ់និងនេសាទខេត្តព្រះវិហារ- អាជ្ញាធរមូលដ្ថាន(ឃុំ,ភូមិ,បុស្តិ៍នគរបាល)៕សៅវ៉ាន់ឌី
ជាងផ្សារកម្ទេចដែកធ្លាក់ឆេះអាគារកំពុងសាងសង់
ភ្នំពេញ៖អគ្គិភ័យមួយបានឆាបឆេះឡើងអាគារកំពុងសាងសង់ជាងផ្សារកម្ទេចដែកធ្លាក់បង្កការភ្ញាក់ផ្អើលនាវេលាម៉ោង២នឹង២០នាទីរសៀលថ្ងៃទី៣ខែកក្កដាឆ្នាំ២០២០តាមបណ្តោយផ្លូវលេខ២៧៦ សង្កាត់បឹងកេងកងទី២ ខណ្ឌបឹងកេងកង តែសមត្ថកិច្ចអន្តរាគមន៍ទាន់ពេលវេលា ។ ប្រភពព័ត៌មានពីកន្លែងកើតហេតុបានឱ្យដឹងថាទីតាំងកើតហេតុជាអាគារកំពុងសាងសង់។ខណៈនោះជាងផ្សារបានធ្វេសប្រហែសផ្សារដែកធ្លាក់កម្ទេចបណ្តាលឱ្យបង្កជាអណ្តាតភ្លើងឆាបឆេះឡើងបង្កការភ្ញាក់ផ្អើល ទើបប្រជាពលរដ្ឋរាយការណ៍ទៅសមត្ថកិច្ចមូលដ្ឋាន ។ ភ្លាមនោះសមត្ថកិច្ចមូលដ្ឋានបានសហការជាមួយកម្លាំងបង្ការនិងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញចុះអន្តរាគមន៍ដល់កន្លែងកើតហេតុនិងបាញ់ពន្លត់បានទាន់ពេលវេលា។ក្នុងករណីនេះមិនមាននណារម្នាក់រងរបួសនោះទេ គ្រាន់តែខូចខាតសម្ភារមួយចំនួនធំប៉ុណ្ណោះ ៕ ភ្នំពេញ៖អគ្គិភ័យមួយបានឆាបឆេះឡើងអាគារកំពុងសាងសង់ជាងផ្សារកម្ទេចដែកធ្លាក់បង្កការភ្ញាក់ផ្អើលនាវេលាម៉ោង២នឹង២០នាទីរសៀលថ្ងៃទី៣ខែកក្កដាឆ្នាំ២០២០តាមបណ្តោយផ្លូវលេខ២៧៦ សង្កាត់បឹងកេងកងទី២ ខណ្ឌបឹងកេងកង តែសមត្ថកិច្ចអន្តរាគមន៍ទាន់ពេលវេលា ។ ប្រភពព័ត៌មានពីកន្លែងកើតហេតុបានឱ្យដឹងថាទីតាំងកើតហេតុជាអាគារកំពុងសាងសង់។ខណៈនោះជាងផ្សារបានធ្វេសប្រហែសផ្សារដែកធ្លាក់កម្ទេចបណ្តាលឱ្យបង្កជាអណ្តាតភ្លើងឆាបឆេះឡើងបង្កការភ្ញាក់ផ្អើល ទើបប្រជាពលរដ្ឋរាយការណ៍ទៅសមត្ថកិច្ចមូលដ្ឋាន ។ ភ្លាមនោះសមត្ថកិច្ចមូលដ្ឋានបានសហការជាមួយកម្លាំងបង្ការនិងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញចុះអន្តរាគមន៍ដល់កន្លែងកើតហេតុនិងបាញ់ពន្លត់បានទាន់ពេលវេលា។ក្នុងករណីនេះមិនមាននណារម្នាក់រងរបួសនោះទេ គ្រាន់តែខូចខាតសម្ភារមួយចំនួនធំប៉ុណ្ណោះ ៕