ភ្នំពេញ៖សមត្ថកិច្ចបានចាប់ជនជាតិចិនម្នាក់ហើយបានបញ្ជូនទៅតុលាការ ករណីជួញដូរគ្រឿងញៀន៤គីឡូក្រាមនិងសារធាតុគីមីផ្សំជិត១០០គីឡូ។ សមត្ថកិច្ចបានឱ្យដឹងថា នៅថ្ងៃទី១៨ ខែឧសភាឆ្នាំ២០២៣នេះកម្លាំងជំនាញការិយាល័យក១០ នៃមន្ទីរប្រឆាំងគ្រឿងញៀន បានបញ្ជូនជនសង្ស័យខរួមគ្រឿងញៀន៤គីឡូ និងសារធាតុគីមីផ្សំជិត១០០គីឡូ ទៅតុលាការរាជធានីភ្នំពេញដើម្បីចាត់ការតាមច្បាប់។សូមរំលឹកថា ជនជាតិចិនម្នាក់ ត្រូវបានកម្លាំងជំនាញ ឃាត់ខ្លួនកាលពីថ្ងៃ១៤ ខែឧសភាឆ្នាំ២០២៣ នៅផ្ទះលេខ៣៧ ផ្លូវលេខ២២ ភូមិតិកូបញ្ញេ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ពាក់ពន្ធ័នឹងករណីកែច្នៃនិងជួញដូរដោយខុសច្បាប់នូវសារធាតុញៀន និងសារធាតុ គីមីផ្សំជាង១០០គីឡូក្រាម។ជនសង្ស័យឈ្មោះ ZHOU GUOCHAO ហៅចូវ គ័រឆាវ អាយុ៦០ឆ្នាំជនជាតិចិន និងបានដកហូតគ្រឿងញៀន រួមទាំងសារធាតុញៀនបញ្ជូនទៅកាន់តុលាការក្រុងដើម្បីចោទប្រកាន់តាមច្បាប់។សមត្ថកិច្ចដកវត្ថុតាងរួមមាន-សារធាតុញៀនប្រភេទ ម៉េតំហ្វេតាមីន ICE ទម្ងន់០៤គីឡូក្រាម.៦៨៤ក្រាម-សារធាតុគីមីផ្សំ Acetone ទម្ងន់៣គីឡូក្រាម-សារធាតុគីមីEthanolទម្ងន់៤០គីឡូក្រាម-សារធាតុមិនច្បាស់ទម្ងន់៥៣គីឡូក្រាម ៤២៨ក្រាម-ជញ្ជីងតូចធំចំនួន៥ គ្រឿង និងឧបករណ៍សំរាប់វេចខ្ចប់កែច្នៃគ្រឿងញៀនមួយចំនួន។ បច្ចុប្បន្នជនសង្ស័យសមត្ថកិច្ចជំនាញ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់៕
Related Articles
មេប៉ូលិសក្រុងចុះពិនិត្យកម្លាំងតាមគោលដៅដើម្បីការពារសន្តិសុខថ្ងៃឈប់សម្រាក៥ថ្ងៃ
ភ្នំពេញៈលោកឧត្តមសេនីយ៍ឯកសថេតអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ នៅព្រឹកថ្ងៃទី១៧ ខែសីហា ឆ្នាំ២០២០ បានអញ្ជើញត្រួតពិនិត្យកម្លាំងពង្រាយតាមគោលដៅ និងតាមប៉ុស្ថិ៍រដ្ឋបាលមួយចំនួនក្នុងខណ្ឌជ្រោយចង្វារនិងខណ្ឌចំការមន។ ដែលចេញការពាររសន្តិសុខរក្សាសណ្តាប់ធ្នាប់សុវត្ថិភាពថ្ងៃឈប់សម្រាករយៈពេល៥ថ្ងៃថ្ងៃទី១៧ដល់ថ្ងៃទី២១ខែសីហាឆ្នាំ២០២០ជំនួសថ្ងៃចូលឆ្នាំប្រពៃណីជាតិខ្មែរសម្រាប់ការធ្វើដំណើរកម្សាន្តសប្បាយរីករាយរបស់ប្រជាពលរដ្ឋនៅក្នុងរាជធានីភ្នំពេញទទួលបានសុខសុវត្ថិភាព។ ក្នុងដំណើរត្រួតកម្លាំង លោកឧត្តមសេនីយ៍ឯក សថេតក៏បានណែនាំកម្លាំងនគរបាលតាមគោលដៅ និងតាមបណ្តាប៉ុស្ថិ៍រដ្ឋបាល ត្រូវបំពេញភារកិច្ច និងការទទួលខុសត្រូវខ្ពស់ និងសហការគ្នាឱ្យបានល្អ អនុវិធានការបង្ការទប់ស្កាត់បទល្មើសគ្រប់ ប្រភេទបង្ការអគ្គិភ័យដោះស្រាយការកកស្ទះចរាចរណ៍ ធានាឱ្យបានការការពារអាយុជីវិត និងទ្រព្យសម្បិត្តប្រជាពលរដ្ឋ ។ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញក៏បានឧបត្ថម្ភថវិកាមួយចំនួនដើម្បីលើកទឹកចិត្តជូនដល់កម្លាំងនគរបាលក្រោមឱវាទដែលបានខិតខំបំពេញភារកិច្ចថែរក្សាការពារសន្តិសុខសណ្តាប់ធ្នាប់ជូនប្រជាពលរដ្ឋ៕
គំរាមសម្លាប់ប្រពន្ឋជាច្រើនលើកប្រពន្ឋទ្រាំលែងទាញពូថៅកាប់ប្តីរហូតស្លាប់
កំពង់ស្ពឺ៖ស្ត្រីម្នាក់ទ្រាំនិងការគំរាមសម្លាប់ពីប្តីលែងបានក៏យកពូថៅកាប់ប្តីរហូតហូរឈាមខ្សោះខ្លួនស្លាប់។បន្ទាប់ពីស្ត្រីសម្លាប់ប្តីសមត្ថកិច្ចខេត្តកំពង់ស្ពឺបានឃាត់ខ្លួនស្ត្រីជាប្រពន្ឋនៅភូមិថ្មីឃុំជាំសង្កែ ស្រុកភ្នំស្រួច ខេត្តកំពង់ស្ពឺកាលពីរសៀលថ្ងៃទី១៨ខែតុលាឆ្នាំ២០២០។ លោកសមសាក់ស្នងការរងផ្នែកព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តកំពង់ស្ពឺបានឱ្យដឹងថាៈជនរងគ្រោះមានឈ្មោះ ជាសុះ ហៅរិទ្ធអាយុ៥២ឆ្នាំជាអតីតយោធាពិការការ។ប្រពន្ឋ ឈ្មោះមៀចសស្រីអុលអាយុ៤០ឆ្នាំ។លោកបានបន្តថាៈក្រោយពីឃាត់ខ្លួនយកមកសាកសួរជនសង្ស័យបានសារភាពថាខ្លួនពិតជាបានប្រើពូថៅកាប់ជនរងគ្រោះដែលកំពុងដេកលង់លក់នៅលើផ្ទះ ប្រាកដមែន៕សុភ័ណ្ឌ
កំពុងស្រាវជ្រាវរកចោរស្រីទាំង២នាក់ប្រើល្បិចបន្លំលួចលុយជិត២ពាន់ដុល្លារ
សៀមរាប៖នគរបាលកំពុងស្រាវជ្រាវរកចោរស្រីទាំង២នាក់ប្រើល្បិចបន្លំចូលផ្ទះស្ត្រីអាយុជាង៨០ឆ្នាំម្នាក់លួចយកលុយអស់ជិត២ពាន់ដុល្លារ។ហេតុការណ៍នេះបានកើតឡើងនៅភូមិតាទក ឃុំពួក ស្រុកពួក ខេត្តសៀមរាប កាលពីរសៀលថ្ងៃទី២៦ ខែឧសភាឆ្នាំ២០២២។ អ្នកភូមិបានឱ្យដឹងថា ស្ត្រីចំណាស់ម្ចាស់ផ្ទះនិងជាជនរងគ្រោះឈ្មោះ ជា សៅ អាយុ៨១ឆ្នាំ។កាលពីរសៀលថ្ងៃកើតហេតុមានស្ត្រី២នាក់មិនស្គាល់អត្តសញ្ញាណអាយុប្រហែលពី៣០ទៅ៤០ឆ្នាំជិះម៉ូតូ១គ្រឿង។មកដល់ផ្ទះស្ត្រីរងគ្រោះជនសង្ស័យបានទុកម៉ូតូនៅប្រហែល៣០ម៉ែត្រពីផ្ទះហើយក៏បានដើរចូលទៅជួបជនរងគ្រោះ។ ចោរស្រីទាំង២នាក់នោះបាននិយាយជាមួយម្ចាស់ផ្ទះថា ពួកគេមានប្អូនស្រីសម្រាលកូន ហើយទាស់សរសៃខ្ចី សុំស្ទោះសំបកដើមទៀបដើម្បីយកទៅធ្វើថ្នាំដាំផឹក។ម្ចាស់ផ្ទះក៏បាននាំចោរស្រីម្នាក់ទៅស្ទោះសំបកដើមទៀបនៅខាងក្រោយផ្ទះ។ចោរស្រីម្នាក់ទៀតចូលទៅរុករើ ដើម្បីលួចយកលុយ។ បន្ទាប់ពីស្ទោះបានសំបកទៀបពួកគេក៏លាម្ចាស់ផ្ទះគេចខ្លួនបាត់។ក្រោយពីចោរស្រីចេញផុត ម្ចាស់ផ្ទះមានការសង្ស័យចូលទៅមើលលុយទុកក្រោមខ្នើយកន្លែងដេកស្រាប់តែបាត់អស់។ក្នុងនោះលុយខ្មែរ៤.៣៩០.០០០រៀលនិង៦១០ដុល្លារទុកក្នុងស្រោមខ្នើយនៅក្បាលគ្រែក្នុងផ្ទះផ្ទាល់ដីដោយនៅផ្ទះតែម្នាក់ឯង។បន្ទាប់មកនគរបាលមូលដ្ឋានបានបន្តស្រាវជ្រាវរកមុខសញ្ញាចោរស្រីទាំង២នាក់នោះដើម្បីចាប់យកមកផ្តន្ទាទោសតាមផ្លូវច្បាប់៕