កំពង់ឆ្នាំង៖អំពើឃាតកម្មសង្ស័យរឿងប្រចណ្ឌបានកើតឡើងក្នុងគ្រួសារមួយ បង្កមកពីប្តីបានប្រើកាំបិតប៉័ងតោកាប់ប្រពន្ធឱ្យស្លាប់ រួចទៅចងកសម្លាប់ខ្លួនឯងតាមក្រោយ។ករណីនេះបានកើតឡើងនៅភូមិបឹងលាច ឃុំសេដ្ឋី ស្រុកសាមគ្គីមានជ័យ កាលពីយប់ថ្ងៃទី៥ ខែតុលាឆ្នាំ២០២៣។មន្ត្រីមូលដ្ឋានបានឱ្យដឹងថា ស្ត្រីជាប្រពន្ធបាត់បង់ជីវិតឈ្មោះ កែវ ស្រីអូន អាយុ៣២ឆ្នាំ។ចំណែកប្ដីឈ្មោះ លី សារិនអាយុ ៣៤ឆ្នាំពួកគេជាអ្នករកស៊ីលក់សាច់គោ មានកូន២នាក់ក្នុងបន្ទុករងកំព្រាឪពុកម្តាយ។មុនកើតហេតុកាលពីយប់ថ្ងៃទី៤ខែតុលា ប្ដីប្រពន្ធនេះបានឈ្លោះគ្នាយ៉ាងខ្លាំងម្ដងហើយ។ក្រោយមកនៅយប់ថ្ងៃទី ៥ខែតុលាក៏មានជម្លោះម្តងទៀត ស្រាប់តែបុរសជាប្ដីបានយកកាំបិតប៉័ងតោកាប់ប្រពន្ធចំកញ្ចឹងក-ស្មានិងកន្លែងផ្សេងទៀត បណ្ដាលឱ្យស្លាប់ក្នុងថ្លុកឈាម។ក្រោយមកបុរសជាប្ដីបានទៅចង កសម្លាប់ខ្លួនឯងតាមក្រោយតែម្ដង។ ក្នុងហេតុការណ៍ដ៏រន្ធត់នេះអ្នកភូមិបាននិយាយថា កន្លងមកប្ដីនិងប្រពន្ធតែងតែមានជំម្លោះជាញឹកញយ កើតឡើងព្រោះតែប្ដីប្រចណ្ឌនឹងប្រពន្ធដោយសារសង្ស័យថាប្រពន្ធមានប្រុសថ្មី៕
Related Articles
ជិះកង់ក្រោមប្រធានបទ”ជិះកង់ដើម្បីមិត្តភាពសុខភាពទេសចរណ៍និងបរិស្ថាន”
បាត់ដំបងៈបីប្រទេសកម្ពុជាវៀតណាមនិងថៃចូលរួមជិះកង់ក្រោមប្រធានបទ”ជិះកង់ដើម្បីមិត្តភាពសុខភាពទេសចរណ៍និងបរិស្ថាន”។ កាលពីព្រឹកថ្ងៃទី២៩ខែធ្នូឆ្នាំ២០១៩រដ្ឋបាលខេត្តបានរៀបចំកម្មវិធីជិះកង់ដើម្បីអបអរសាទរបុណ្យឆ្លងឆ្នាំសាកលដោយមានតំណាងបីប្រទេសកម្ពុជា,វៀតណាម,ថៃ,និងខេត្តប៉ៃលិនចូលរួមជិះកង់ពីមុខសាលាខេត្តបាត់ដំបងឆ្ពោះទៅរមណីយដ្ឋានប្រសាទបាណន់(កន្លែងកម្សាន្តឡូរីឬរថភ្លើងឬស្សី)ដែលមានចម្ងាយជាង២០គីឡូម៉ែត្រនិងមានការដាំដើមឈើទុកជាអនុស្សាវរឋិយ៍ផងដែរ។ មុនចេញដំណើរលោកងួនរតនៈអភិបាលខេត្តបានថ្លែងថាព្រឹត្តការណ៍ជិះកង់ជាលក្ខណៈមិត្តភាពជាតិនិងអន្តរជាតិក្រោមប្រធានបទៈ”ជិះកង់ដើម្បីមិត្តភាពសុខភាពទេសចរណ៍និងបរិស្ថាន”ដើម្បីអបអរសាទរបុណ្យឆ្លងឆ្នាំសាកល២០២០។ដោយមានការចួលរួមពីប្រទេសជាមិត្តជិតខាងមានប្រតិភូមកពីខេត្តច័ន្ទបូរីប្រទេសថៃកុងសិលវៀតណាមប្រចាំខេត្តបាត់ដំបងប្រតិភូខេត្តប៉ៃលិន។ ជាមួយនេះអភិបាលរងខេត្តប្រធានអនុប្រធានមន្ទីរជុំបិញខេត្តមន្ត្រីរាជការកងកម្លាំងប្រដាប់អាវុធអាជីវករពាណិជ្ជករសិស្សានុសិស្សព្រមទាំងប្រជាពលរដ្ឋប្រមាណ១.២០០នាក់។កម្មវិធីជិះកង់នេះដោយចេញថដំណើរពីមុខសាលាខេត្តបាត់ដំបងឆ្ពោះទៅរមណីយដ្ឋានប្រសាទបាណន(កន្លែងជិះឡូរី)ដែលមានចម្ងាយជាង២០គីឡូម៉ែត្រនិងមានការដាំដើមឈើនៅជើងភ្នាំបាណន់ទុកជាអនុស្សាវរីយ៍ផងដែរ។ គណៈកម្មការរៀបចំកម្មវិធីជិះកង់ជាលក្ខណៈមិត្តភាពជាតិនិងអន្រជាតិនេះបានឱ្យដឹងថាកម្មវិធីនេះមានបែងចែកជាក្រុមជួសជុលកង់ក្រុមចែកទឹកចែកអាហារក្រុមរថយន្តសម្រាប់ជួយសង្គ្រោះអ្នកជិះកង់ទៅមុខមិនរូចនិងត្រៀមជួយសង្គ្រោះដល់កីឡាករណាដែលជួបគ្រោះថ្នាក់ដោយចៃដន្យ។ លោកអ៊ុកអ៊ុភីនីហ្សារ៉ាប្រធានមន្ទីរទេសចរណ៍ខេត្តបានបញ្ជាក់ថាកម្មវិធីជិះកង់ជាលក្ខណៈមិត្តភាពជាតិនិងអន្តរជាតិនេះគឺមានគោលបំណងផ្សព្វផ្សាយសក្តដានុពលវិស័យទេសចរណ៍ការពារបរិស្ថាន ដាំកូនឈើជាអនុស្សាវរីយ័នៅជើងភ្នំប្រសាទបាណន់។ ជាពិសេសក្នុងគោលបំណងទាក់ទាញភ្ញៀវទេសចរណ៍ជាតិនិងអន្តរជាតិឱ្យចូលមកទស្សនាខេត្តបាត់ដំបងក្នុងឱកាសបុណ្យទន្លេនិងបុណ្យចូលឆ្នាំថ្មីប្រពៃណីជាតិនាខែមីនានិងខែមរសាឆ្នាំ២០២០ខាងមុខនេះឱ្យកាន់ច្រើនថែមទៀត៕
ផ្តន្ទាទោសចិន៩នាក់ដាក់គុកម្នាក់ៗអស់១ជីវិតរឿងគ្រឿងញៀនជិត៣៥០គីឡូក្រាម
ភ្នំពេញ៖តុលាការរាជធានីភ្នំពេញនៅរសៀលថ្ងៃទី២១ខែកក្កដាបានផ្តន្ទាទោសជនជាតិចិន៩នាក់ដាក់ពន្ធនាគារម្នាក់ៗអស់មួយជីវិតករណីគ្រឿងញៀនជិត ៣៥០គីឡូក្រាម។ សមត្ថកិច្ចបានឱ្យដឹងថា ជនត្រូវចោទចំនួន៩នាក់ជាជនជាតិចិនមានអាយុពី៣៨ដល់៥៨ឆ្នាំ។តុលាការសម្រេចដាក់ពន្ធនាគារម្នាក់ៗអស់មួយជីវិត និងពិន័យអ្នកខ្លះ៥០ខ្លះ៨០លានរៀលបង់ចូលថវិការដ្ឋ ក្រោមជាប់ចោទពីបទរក្សាទុក និងជួញដូរដោយខុសច្បាប់នូវសារធាតុញៀននិងសម្អាតប្រាក់ ។ គួររំលឹកថាកាលពីថ្ងៃទី ២៤ ខែធ្នូឆ្នាំ២០២១សមត្ថកិច្ចជំនាញនៃមន្ទីរប្រឆាំងគ្រឿងញៀនក១បានស្រាវជ្រាវបង្ក្រាបនៅ ២គោលដៅផ្សេងគ្នា។នៅត្រង់វីឡាភ្លោះ ស្តាផ្លាទីនឹម បុរីប៉េងហូតបឹងស្នោ សង្កាត់និរោធ ខណ្ឌច្បារអំពៅនិង នៅភោជនីយដ្ឋានអីយិនម៉ាថូវ សង្កាត់បឹងព្រលឹត ខណ្ឌ ៧មករា រាជធានីភ្នំពេញ ឃាត់ខ្លួនជនសង្ស័យ៩នាក់ ។ ក្នុងនោះដកហូតវត្ថុតាង គ្រឿងញៀនប្រភេទ មេតំហ្វេតាមីនICEសរុបរួមទម្ងន់ ៣៤៧ គីឡូ៤២៧,៩៩ ក្រាម លាក់ក្នុងបំពង់ដែក ៣៦៧ដើម និង៦១កញ្ចប់ធំ ជញ្ជីងថ្លឹងគ្រឿងញៀន ២គ្រឿង និងសម្ភារវេចខ្ចប់មួយចំនួន ។រថយន្ត ម៉ាក TOYOTA ALPHARD ផ្លាកលេខ ភ្នំពេញ 2BE-2973-ម៉ូតូ១គ្រឿងម៉ាក HONDA PCX ផ្លាកលេខ ភ្នំពេញ 1FE-5946-ទូរសព្ទដៃ ចំនួន ១០គ្រឿង និងប្រាក់ ៣០០ ដុល្លារអាមេរិក៕
សំណង់ប្រាសាទនៅថៃមិនមែនលួចចម្លងប្រាសាទអង្គរវត្ត
ភ្នំពេញ៖ក្រសួងវប្បធម៌និងវិចិត្រសិល្ប: បានបញ្ជាក់ថា សំណង់ប្រាសាទថ្មនៅខេត្តបុរីរម្យ ប្រទេសថៃ មិនមានការលួចចម្លងប្លង់ពីប្រាសាទអង្គរវត្តដ៏ល្បីល្បាញរបស់ខ្មែរនោះឡើយ។ យោងតាមសេចក្តីប្រកាសព័ត៌មាន ក្រសួងវប្បធម៌ និងវិចិត្រសិល្ប: ចុះថ្ងៃទី៧ ខែកក្កដា ឆ្នាំ២០២១ បានបញ្ជាក់ច្បាស់ថា សំណង់ប្រាសាទនេះ ជាសំណង់មួយក្នុងចំណោមសំណង់ប្រាសាទថ្មដទៃៗទៀតមានភាពចម្រុះគ្នា ជាទីប្រតិស្ថាននៃព្រះពុទ្ធរូបសម្រាប់បូជាក្នុងខេត្តបុរីរម្យប្រទេសថៃ។សំណង់នេះធ្វើអំពីថ្មភក់នៅផ្នែកខាងក្រៅ និងចាក់បេតុងបង្កប់ដែកពីខាងក្នុង។ តាមរយ:ការបំភ្លឺ និងបង្ហាញឯកសារប្លង់សំណង់នានា ព្រះចៅអធិការវត្តនៅថៃបញ្ជាក់ថា ការសាងសង់ប្រសាទនេះមិនបានលួចចម្លងប្លង់ ឬសាងសង់តាមរចនាបថស្ថាបត្យកម្មដូចគ្នានឹងប្រាសាទអង្គរវត្ត ឬប្រាសាទបុរាណណាមួយក្នុងប្រទេសកម្ពុជាទេ។ករណីនេះ ក្រសួងនឹងធ្វើការតាមដានជាបន្តដោយយកចិត្តទុកដាក់ ហេតុដូច្នេះសូមសាធារណជនមេត្តាជ្រាបជាព័ត៌មាន៕ដោយ៖វិចិត្រ