ព្រៃវែង៖ពលរដ្ឋជាជនរងគ្រោះបានអះអាងថា៖មានមន្ត្រីប៉ូលិសការិយាល័យប្រឆាំងគ្រឿងខេត្តព្រៃវែងម្នាក់បានដកកាំភ្លើងខ្លីវាយរហូតមានរបួសស្នាមនិងគំរាមបាញ់សម្លាប់រួចចាប់ពួកគាត់យកទៅវាយដំធ្វើទារុណកម្មនិងជំរិតយកលុយ៤លានរៀលនៅឯការិយាល័យរបស់ខ្លួនជាថ្នូរនិងការដោះលែងវិញ។
ប្រភពដដែលបានបន្តថាជនរងគ្រោះក្នុងអំពើហិង្សានេះមាន២នាក់ទី១ឈ្មោះថៃសាមាឌភេទប្រុសអាយុ២៦ឆ្នាំ។២ឈ្មោះហឿនរ័ត្នភេទប្រុសអាយុ២៨ឆ្នាំអ្នកទាំង២នៅភូមិស្វាយសុខោសង្កាត់ជើងទឹកក្រុងព្រៃវែងខេត្តព្រៃវែង។ក្នុងនោះម្នាក់បានរបួសហើមក្បាលជាំភ្នែកខៀវហើមខ្លួននិងដៃជើងរងរបួសធ្ងន់កំពុងព្យាបាលព្យួសេរ៉ូមរៀងៗខ្លួន។ជនដៃដល់ត្រូវបានគេស្គាល់ថា៖អនុសេនីយ៍ឯងទូចធារ៉ានាយរងការិយាល័យប្រឆាំងគ្រឿងញៀនខេត្តព្រៃវែង។
ប្រភពបានបន្តថាមុនកើតហេតុកាលពីយប់ថ្ងៃទី២០ខែកក្កដា២០២០នៅចំណុចមុខវត្តរោងដំរីភូមិប្រាំមួយសង្កាត់កំពង់លាវក្រុង/ខេត្តព្រៃវែងជនរងគ្រោះ២នាក់បានអះអាងថានៅល្ងាចថ្ងៃកើតហេតុឈ្មោះទូចធារ៉ាបានទូរស័ព្ទឱ្យពួកខ្លួនមកសូមទោសគេ។ដោយថាៈ”អញមិនបាននិយាយបរិហារកេរ្តិ៍អ្ហែងថាពួកហ្អែងប្រើប្រាស់គ្រឿងញៀនទេ”។
ខណៈនោះជនរងគ្រោះមិនបានទៅសូមទោសឈ្មោះទូចធារ៉ាតាមការហៅទេធ្វើឱ្យឈ្មោះទូចធារ៉ាគំរាមថា៖”បើអ្ហែងមិនមកសូមទោសអញទេអញនឹងទៅចាប់ពួកអ្ហែងមិនខាន”។ជនរងគ្រោះឆ្លើយថា៖”បើចង់ចាប់អញខ្លាំងណាស់ហែ្អងមកចាប់អញមកអញនៅហាងច័ន្ទគីរី”។ពេលនោះជនដៃដល់មិនបានទៅតាមចាប់ជនរងគ្រោះនៅហាងទេ។លុះដល់វេលាកើតហេតុជនរងគ្រោះបានជិៈម៉ូតូចេញពីហាងបំណងមកផ្ទះ។
តែដល់ចំណុចកើតហេតុមុខខ្លោងទ្វារវត្តរោងដំរីភូមិ៦ស្រាប់តែលេចមុខជនដៃដល់ឈ្មោះទូចធារ៉ាបានជិៈម៉ូតូតាមពីក្រោយហើយមកធាក់ម៉ូតូរងគ្រោះបណ្ដាលឱ្យដួលនៅកន្លែង។ភ្លាមនោះឈ្មោះទូចធារ៉ាបានដកកាំភ្លើងខ្លីពីចង្កេះ វាយក្បាលឈ្មោះហឿនរ័ត្នមួយស្នាប់កាំភ្លើងបណ្ដាលឱ្យរបួសធ្ងន់។
ទន្ទឹមនោះឈ្មោះថៃសាមាឌបានចូលជួយឃាត់ថា៖”កុំវ៉ៃកុំធ្វើអញ្ចឹងយើងសុទ្ធតែបងប្អូនគ្នាទេ”ជាហេតុនាំឱ្យទាស់សម្ដីឈ្មោះទូចធារ៉ាក៏បានខឹងសម្បារមកលើឈ្មោះថៃសាមាឌថែមទៀត។ដោយអាម៉េកាំភ្លើងនៅនិងដៃរួចសំឡុតថា៖”ហែ្អងនៅឱ្យស្ងៀម”។ឈ្មោះថៃសាមាឌបន្តថា៖”បើហែ្អងប្រើអាវុធវ៉ៃគេឯងតាមចិត្តបែបនេះអញនិងថតវីដេអូទុកជាភស្តុតាង”។
ប្រភពបានបន្តថា៖ជនដៃដល់ឈ្មោះទូចធារ៉ាក៏បានទូរស័ព្ទហៅមន្ត្រីមគរបាលគ្រឿងញៀននិងបក្ខពួក៤នាក់ទៀតឱ្យមកព្រួតគ្នាវ៉ៃជនរងគ្រោះទាំង២នាក់រហូតរបួសធ្ងន់។ក្រោយវ៉ៃអស់ចិត្តហើយនោះឈ្មោះទូចធារ៉ាបានបញ្ជាឱ្យបក្ខពួកខ្លួនក្រៀកជនរងគ្រោះយកទៅការិយាល័យគ្រឿងញៀនខេត្ត។ពេលនោះជនរងគ្រោះទាំងពីរនាក់បានបដិសេធមិនព្រមទៅឡើយដោយថា៖ពួកខ្លួនគ្មានទោសកំហុសអ្វីទេ។
ជនរងគ្រោះបញ្ជាក់ថា៖ពេលចាប់ពួកខ្លួនមកដល់ការិយាល័យហើយក្រុមសមត្ថកិច្ចបានធ្វើទារុណកម្មវ៉ៃតប់ទាត់ធាក់និងឆក់ពួកគេតាមតែអំពើចិត្ត។បណ្ដាលឱ្យជនរងគ្រោះរងរបួសធ្ងន់ក្រមទ្រមពេញខ្លួនរបួសធ្ងន់ធ្ងរ។ជាងនេះទៅទៀតប៉ូលិសឈ្មោះទូចធារ៉ាបានបង្គាប់ឱ្យឪពុកម្ដាយជនរងគ្រោះយកលុយ៤.០០០.០០០រៀlមកឱ្យពួកខ្លួនទើបឱ្យមនុស្សទៅផ្ទះវិញ។ដោយក្នុងម្នាក់ៗ២លានរៀល២នាក់ស្មើ៤លានរៀល។
ក្រោយពេលទទួលលុយរួចសមត្ថកិច្ចបានធ្វើកំណត់ហេតុដោះលែងពួកគេទៅផ្ទះវិញ។ដោយសាររបួសធ្ងន់ពេកអ្នកទាំង២ត្រូវបានសម្រាកព្យាបាលព្យួរសេរ៉ូមចាក់ថ្នាំស្គែនខួរក្បាលអស់ម្នាក់ៗជិត១.០០០ដុល្លារគិតត្រឹមល្ងាចថ្ងៃទី២២ខែកក្កដា។ជាមួយគ្នានោះខាងមន្ទីរពេទ្យបង្អែកខេត្តព្រៃវែងបានចេញលិខិតបញ្ចាក់ថា៖ អ្នកទាំង២គ្មានសារធាតុញៀនក្នុងខ្លួនទេនិងពិតជាមានរបួសស្នាម។
លុះដល់ថ្ងៃទី២៣ខែកក្កដា២០២០គ្រួសាររងគ្រោះបានទៅដាក់ពាក្យបណ្ដឹងនៅប៉ុស្តិ៍រដ្ឋបាលសង្កាត់ជើងទឹក។ប៉ុន្តែមន្ត្រីប៉ុស្តិ៍មិនទទួលបណ្ដឹងទេដោយដេញឱ្យពួកខ្លួនទៅប្ដឹងនៅតុលាការទៅ។ឆ្លើយតបនិងការលើកឡើងនេះលោកអនុសេនីយ៍ឯងទូចធារ៉ានាយរងការិយាល័យប្រឆាំងគ្រឿងញៀនខេត្តព្រៃវែង បានទទួលស្គាល់ថា៖”ខ្លួនពិតជាបានដកកាំភ្លើងវាយខោកក្បាលជនរងគ្រោះប្រាកដមែន”។
អនុសេនីយ៍ឯងទូចធារ៉ាបានបន្តថាព្រោះពួកគេរឹងទទឹងមិនព្រមប្រគល់ខ្លួនតាមសមត្ថកិច្ច។ចំពោះរឿងយកលុត៤.០០០.០០០រៀលជាថ្នូរនិងការដោះលែងជនរងគ្រោះនោះលោកទូចធារ៉ាបានថ្លែងថា៖”ខ្លួនពិតជាបានយកលុយនោះប្រាកដមែន”។ប៉ុន្តែមិនមែនយកមកចាយខ្លួនឯងទេគឺយកមកជូនព្រះរាជអាជ្ញាខេត្តព្រៃវែងទាំងអស់ ជាថ្នូរនឹងការដោះលែងពួកគេ”។
ចំណែកលោកប៊ូប៊ុនហាងព្រះរាជអាជ្ញាអមសាលាដំបូងខេត្តព្រៃវែងបានថ្លែងប្រាប់នៅល្ងាចថ្ងៃទី២៣ខែកក្កដា២០២០ថា៖”ខ្ញុំមិនបានទទួលលុយ៤លានរៀលហ្នុងទេ”។លោកបន្តថា៖ខ្ញុំមិនដឹងរឿងមួយណាទេ ព្រោះរឿងច្រើនណាស់ លោកសូមមិនបកស្រាយបន្តឡើយ។
ករណីនេះគ្រួសាររងគ្រោះបានស្នើរយ៉ាងទទូចដល់ថ្នាក់ដឹកនាំជាន់ខ្ពស់ក្រសួងមហាផ្ទៃក៏ដូចស្ថាបនមានសមត្ថកិច្ចពាក់ព័ន្ធមេត្តាជួយរកយុត្តិធម៌ដល់ពួកខ្លួនផង។ក្នុងនាមជាពលរដ្ឋស្លូតត្រង់ដែលរងគ្រោះព្រោះមន្ត្រីប៉ូលិសខេត្តម្នាក់ចាប់វាយធ្វើបាបពលរដ្ឋស្លូតត្រង់តាមតែទំនើងចិត្តបែបនេះ៕ដោយ៖ធារ៉ា
