ព្រះវិហារ៖កាលពីយប់ថ្ងៃទី៤ខែកញ្ញាឆ្នាំ២០២០កម្លាំងអាវុធហត្ថខេត្តព្រះវិហារសហការជាមួយសង្កាត់រដ្ឋបាលព្រៃឈើស្រុកគូលែនបានឃាត់រថយន្តដឹកឈើល្មើសច្បាប់១គ្រឿងចំណុចព្រំប្រទល់ខេត្តសៀមរាប។
បេសកកម្មនេះក្រោមបញ្ជាផ្ទាល់ពីលោកឧត្ដមសេនីយ៍ត្រីកងសៅគុណមេបញ្ជាការកងរាជអាវុធហត្ថខេត្តព្រះវិហារបានចាប់រថយន្តម៉ាកតូយ៉ូតា រ៉េវ៉ូ ព័ណ៌ស ពុំមានស្លាកលេខ ដឹកជញ្ជូនឈើប្រភេទអារលេខ(ផ្ចឹក)ស្ថិតនៅភូមិស្រយ៉ង់ជើងឃុំស្រយ៉ង់ស្រុកគូលែនខេត្តព្រះវិហារ។
សមត្ថកិច្ចបានឱ្យដឹងថាម្ចាស់រថយន្តល្មើសច្បាប់មានឈ្មោះជាសុភ័ណ្ឌហៅម៉ៅភេទប្រុសអាយុ៣៣ឆ្នាំរស់នៅភូមិស្រែណូយឃុំស្រែណូយស្រុកវ៉ារិនខេត្តសៀមរាបបានឆ្លើយសារភាពថាខ្លួនពិតជាបានដឹកជញ្ជូនឈើអានេះដោយគ្មានលិខិតអនុញ្ញាតពិតប្រាកដមែន។
សមត្ថកិច្ចពិនិត្យឃើញថារថយន្តនជដឹកជញ្ជូនឈើអារដោយគ្មានលិខិតអនុញ្ញាតពីជំនាញរដ្ឋបាលព្រៃឈើជាអំពើល្មើសច្បាប់ស្តីពីព្រៃឈើក្រុមកាងារជំនាញបានសម្រេចនាំយករថយន្តនឹងឈើទៅរក្សាទុកនៅស្នាក់ការសង្កាត់រដ្ឋបាលព្រៃឈើគូលែន ដើម្បីវាស់វែង និងបញ្ជូនបន្តតាមនីតិវិធី៕ញ៉ែម សុផល
