ខេត្តបាត់ដំបង៖នៅថ្ងៃទី៧ខែធ្នូ្នឆ្នាំ២០២០នេះកម្លាំងការិយាល័យជំនាញនៃស្នងការដ្ឋាននគរបាលខេត្តបាត់ដំបងបានបញ្ជូនស្ត្រីជនជាតិថៃម្នាក់ទៅកាន់តុលាការជាមួយនិងវត្ថុតាងជាគ្រឿងញៀនចំនួន៣០គីឡូក្រាម។
ក្រុមការងារប្រតិកម្មរហ័សនៃស្នងការដ្ឋាននគរបាលខេត្តបាត់ដំបងបានបញ្ជាក់ឱ្យដឹងថា៖បន្ទាប់ពីមានការឃាត់ខ្លួនស្ត្រីជនជាតិថៃដែលជាប់ពាក់ព័ន្ធនិងករណីដឹកជញ្ជូនជួញដូរគ្រឿងញៀនឆ្លងដែនពីប្រទេសថៃចូលមកទឹកដីប្រទេសកម្ពុជាត្រូវកម្លាំងនគរបាលប្រឆាំងគ្រឿងញៀនខេត្តបាត់ដំបងបានកសាងសំណុំរឿងបញ្ជូនជនសង្ស័យទៅកាន់សាលាដំបូងខេត្ត។ជាមួយនិងវត្ថុតាងគ្រឿងញៀន៣០គីឡូក្រាមផងដែរនៅថ្ងៃទី៦ខែធ្នូ ឆ្នាំ២០២០កន្លងមកនេះ។
មន្ត្រីបានឱ្យដឹងថាៈស្ត្រីសង្ស័យមានឈ្មោះ ផាន់ ភុំរតនាអាយុ ៣១ឆ្នាំជាជនជាតិថៃ រស់នៅក្នុងឃុំណងប៊ុនស្រុកបរ៉ៃខេត្តត្រាតប្រទេសថៃកាន់លិខិតឆ្លងដែនលេខ:AB៤២៧៤៣៧៣។ស្ត្រីនេះត្រូវសមត្ថកិច្ចកម្លាំងជំនាញក៥សហការជាមួយកម្លាំងនគរបាលខេត្តបាត់ដំបងឃាត់ខ្លួនបានកាលពីថ្ងៃទី៥ខែធ្នូ ឆ្នាំ២០២០ ខណៈកំពុងឆ្លងដែនត្រង់ចំណុចភូមិធំ ឃុំបឹងរាំង ស្រុកកំរៀង ខេត្តបាត់ដំបង។
វត្ថុតាងរឹបអូសបានក្នុងការបង្ក្រាបរួមមាន: គ្រឿងញៀនប្រភេទមេតាំហ្វេតាមីន ហៅម៉ាទឹកកកសរុបចំនួន: ៣០ដុំ និងមានទម្ងន់ចំនួន ២៩.៨៥៧,០២ក្រាម៕សេះស
