កំពង់ឆ្នាំង៖រង្វង់មូលទូកមាស គឺជាសមិទ្ធផលថ្មីមួយទៀតដែលរដ្ឋបាលខេត្តកំពង់ឆ្នាំងបាននឹងកំពុងកសាងឡើងយ៉ាងយកចិត្តទុកដាក់អស់រយៈពេល២ឆ្នាំហើយស្ថិតនៅក្នុងភូមិទី៦ សង្កាត់ខ្សាមក្រុងកំពង់ឆ្នាំង ខេត្តកំពង់ឆ្នាំង និងបានកំពុងជំរុញកសាងឱ្យរួចរាល់ក្នុងពេលឆាប់ៗខាងមុខនេះ ។
មន្ត្រីសាលាខេត្តកំពង់ឆ្នាំងបានបញ្ជាក់ឱ្យដឹងថា៖ និមិត្តសញ្ញាទូកមាសនេះ មានដឹកកសិផលផ្សេងៗរបស់ប្រជាកសិករតំណាងឱ្យការរីកចម្រើនលូតលាស់លើគ្រប់វិស័យរបស់ប្រជាកសិករ នៅក្នុងខេត្តកំពង់ឆ្នាំង។ ក្រោមការដឹកនាំដ៏ឈ្លាសវៃរបស់សម្ដេចមហាសេនាបតីតេជោហ៊ុនសែន នាយករដ្ឋមន្ត្រីនៃកម្ពុជា ។ រង្វង់មូលទូកមាសនេះបានចាប់កសាងឡើងនៅថ្ងៃទី១៥ ខែមីនា ឆ្នាំ២០១៩ ដើម្បីស្វាគមន៍បុណ្យទន្លេនៅក្នុងខេត្តកំពង់ឆ្នាំង ។
តាមការពិនិត្យតាមដានដោយផ្ទាល់ក្នុងរយៈពេលចុងក្រោយនេះរដ្ឋបាលខេត្តកំពង់ឆ្នាំង បានខិតខំជំរុញការកសាងផ្លូវបេតុងយ៉ាងសកម្មនិងរឹងមាំជុំវិញរង្វង់មូលទូកមាសនេះដែលគិតមកឡើងពេលនេះការកសាងផ្លូវបេតុងធ្វើបានប្រមាណ៥០ភាគរយហើយ ។ ជាមួយគ្នានេះដែររដ្ឋបាលខេត្តក៏បានជំរុញការកសាងសួនច្បារតាមផ្លូវប្រសព្វគ្នានៅជុំវិញរង្វង់រង្វង់មូលទូកមាសនេះ និងដាំដើមឈើប្រណីតនានាមួយចំនួនផងដែរ ៕សហការី