ក្រចេះ៖ប្រជាពលរដ្ឋនៅខេត្តក្រចេះ បានសម្តែងការព្រួយបារម្ភ និងមិនពេញចិត្ត ចំពោះអំពើចោរកម្ម និងអំពើហឹង្សា ខណៈល្បែងអនឡាញបើកលេង យ៉ាងព្រោងព្រាតក្នុងក្រុងក្រចេះ។ ប្រភពព័ត៌មានបានឱ្យដឹងថា ល្បែងអនឡាញបើកលេង ដុះដូចផ្សិតនេះ ពលរដ្ឋបានប្តឹងសមត្ថកិច្ច និងអាជ្ញាធរមូលដ្ឋានទាក់ទឹនល្បែងស៊ីសងខុសច្បាប់តាមប្រព័ន្ធ Online គ្រប់ប្រភេទ យ៉ាងអាណាធិបតេយ្យ នេះដែរតែមិនមានការចុះបង្ក្រាបសោះ។ពលរដ្ឋលើកឡើងថា ព្រោះទីតាំងល្បែងស៊ីសងតាមប្រព័ន្ធ Online ទាំងនោះអាច ជាឆ្នាំងបាយរបស់សមត្ថកិច្ចនៅទីនោះហើយ ទើបម្ចាស់ទីតាំងហ៊ានបើកលេង យ៉ាងគគ្រឹកគគ្រេងបែបនេះ។ នៅតាមទីតាំងមួយចំនួនដែលកំពុង តែប្រមូលផ្តុំគ្នាលេងយ៉ាងកងរំពង ដូចជានៅតទីលានបាល់ទាត់ ជិតវត្តបច្ឆាក្រុងក្រចេះ និងក្រោយផ្សារអូរឬស្សីមាន២ទីតាំង។ ក្នុងសង្កាត់អូរឫស្សី ការលេងបានហ៊ោកញ្ជៀវមិនគិត ជាការំខានដល់អ្នករស់នៅក្បែខាង ឬខ្លាចសមត្ថកិច្ចឡើយ។ជុំវិញការលេងល្បែងស៊ីសងតាមប្រព័ន្ធ Online នេះសមត្ថកិច្ចមិនមានការចុះបង្រ្កាបទាល់តែសោះ។ ពេលខ្លះពលរដ្ឋបានទូរសព្ទប្រាប់មេប៉ុស្តិ៍ទៀត ក៏នៅតែគ្មានការទប់ស្កាត់និងចុះបង្រ្កាបដដែល។បញ្ហានេះប្រជាពលរដ្ឋបាន សម្តែងការព្រួយបារម្ភ យ៉ាងខ្លាំងនៅពេលមានល្បែងស៊ីសង និងជល់មាន់តាមទូរទស្សន៍អនឡាញបង្កឱ្យ មានអំពើហិង្សាកើតឡើង និងចោរលួចចោរប្លន់ជាដើម។ទាំងនេះប្រជាពលរដ្ឋសុំឱ្យអាជ្ញាធរ និងសមត្ថកិច្ចជួយចុះត្រួតពិនិត្យឡើងវិញ និងទប់ស្កាត់ផង៕
Related Articles
រថយន្តបុកម៉ូតូពីក្រោយបង្កឱ្យក្មេងប្រុសម្នាក់ស្លាប់
ព្រះសីហនុ៖អ្នកបើកបររថយន្តម៉ាកម៉ាស់ស្តាមានអ្នករួមដំណើរម្នាក់ផងបានបុកពីខាងក្រោយម៉ូតូម៉ាកហុងដាបណ្តាលឱ្យក្មេងប្រុសម្នាក់ស្លាប់នៅនឹងកន្លែង។លោកឧត្តមសេនីយ៍ត្រីអ៊ី សុខា ស្នងការរងនគរបាលខេត្តព្រះសីហនុឱ្យដឹងថា គ្រោះថ្នាក់ចរាចរណ៍កើតនៅល្ងាចថ្ងៃទី២៩ខែកក្កដាលើផ្លូវជាតិលេខ៤ ត្រង់ មុខសាលាបឋមសិក្សាចម្ការកៅស៊ូ សង្កាត់លេខ១ ក្រុងព្រះសីហនុបណ្តាលឱ្យស្លាប់ក្មេងម្នាក់។ ហេតុការណ៍នេះបង្កដោយ រថយន្តម៉ាកម៉ាស់ស្តា អ្នកបើកបរឈ្មោះ មិច ចាន់ធូ ភេទ ប្រុស អាយុ៣៣ឆ្នាំ ជាកម្មករចាំចម្ការនៅ ខេត្តសៀមរាប មានអ្នករួមដំណើរម្នាក់ ។រថយន្តនេះបានបុកពីក្រោយម៉ូតូម៉ាកហុងដាអ្នកបើកបរឈ្មោះ ងួន វាសនា អាយុ ១៣ឆ្នាំ នៅភូមិ១ខេត្តព្រះសីហនុបណ្តាលឱ្យ ខាងម៉ូតូស្លាប់ ។ចំណែកជនបង្កនិងរថយន្តត្រូវ នគរបាលនាំខ្លួនមកសាកសួរ រីឯមធ្យោបាយ រថយន្ត និងម៉ូតូ បានយកមករក្សាទុកនៅការិយាល័យនគរបាលចរាចរណ៍ផ្លូវគោករង់ចាំការដោះស្រាយ៕ដោយ៖ដែនសមុទ្រ
រថយន្តបុកជាមួយម៉ូតូបណ្តាលឱ្យស្លាប់ម្នាក់នៅកណ្តាលក្រុងច្បារមន
កំពង់ស្ពឺៈរថយន្តបានបើកបរក្នុងល្បឿនលឿនដល់ចំណុចផ្លូវកោងបុកម៉ូតូបណ្តាលឱ្យអ្នកជិះម៉ូតូស្លាប់ក្នុងថ្លុកឈាម។ហេតុការណ៍គ្រោះថ្នាក់ចរាចរនេះបានកើតឡើងនៅលើផ្លូវលេខ១០៦ស្ថិតក្នុងភូមិពាណិជ្ជកម្មសង្កាត់រការធំក្រុងច្បារមនខេត្តកំពង់ស្ពឺកាលពីយប់ថ្ងៃទី២១ខែសីហាឆ្នាំ២០២០។ សមត្ថកិច្ចបានឱ្យដឹងថារថយន្តមួយគ្រឿងម៉ាកប្រូសពណ៌កណ្តុរប្រមេះពាក់ស្លាកលេខភ្នំពេញ2AK9670អ្នកបើកបរមិនស្គាល់ឈ្មោះបើកបរក្នុងល្បឿនលឿន។លុះបើកមកដល់ចំណុចផ្លូវកោងបានបុកម៉ូតូមួយគ្រឿងម៉ាកស៊ុយស៊ូគីនិចពណ៌សសេរីឆ្នាំ២០១ពាក់ស្លាកលេខកំពង់ស្ពឺ1M4911។ បើកបរដោយឈ្មោះផាត់សំណាងភេទប្រុសអាយុ២០ឆ្នាំរស់នៅភូមិចំការរដ្ឋឃុំវល្វិ៍សរស្រុកសំរោងទងដែលកំពុងបើកបរបញ្ច្រាសទិសគ្នាពេញទំហឹងបណ្តាលឱ្យអ្នកបើកម៉ូតូស្លាប់ភ្លាមៗនៅកន្លែង។ ប្រភពបន្តថាក្រោយពេលកើតហេតុអ្នកបើកបររថយន្តបានចុះរត់គេចខ្លួនបាត់។ចំពោះសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីចំណែកវត្ថុតាងបានប្រគល់ជូនទៅការិយាល័យចរាចរណ៍ចខត្តយកទៅរក្សាទុកដើម្បីចាត់ការតាមនីតិវិធី៕
នាំស្ត្រីអ្នកជំនួញម្នាក់ទៅសួរបន្ថែមក្រោយពីតុលាការចេញដីកាឃុំចំនួន៤រឿងសែកស្អុយ
ភ្នំពេញ៖ព្រឹកថ្ងៃទី១៦ ខែធ្នូតុលាការភ្នំពេញបានចេញដីកាបង្គាប់ឱ្យមន្ត្រីពន្ធនាគារPJ នាំខ្លួនជនត្រូវចោទឈ្មោះ ពេជ្រ ស្រីមុំមកសួរបន្ថែមក្រោយពីឃុំជិត១ខែរឿងចេញសែកស្អុយ។មន្ត្រីតុលាការបានឱ្យដឹងថា ចៅក្រមស៊ើបសួរកាលពីថ្ងៃទី២២ ខែវិច្ឆិកាឆ្នាំ២០២២បានសម្រេចចេញដីកាឃុំខ្លួនចំនួន៤ក្នុងថ្ងៃតែមួយលើស្ត្រីអ្នកជំនួញហាយសូរម្នាក់ដាក់ពន្ធនាគារបណ្តោះអាសន្នពីបទសែកស្អុយក្នុងទឹកប្រាក់រាប់លានដុល្លារ។ស្ត្រីត្រូវចោទឈ្មោះពេជ្រ ស្រី មុំអាយុ ៣៥ឆ្នាំជាពាណិជ្ជករ ស្នាក់នៅសង្កាត់និរោធខណ្ឌច្បារ អំពៅ រាជធានីភ្នំពេញ។សូមបញ្ជាក់ថា ស្ត្រីអ្នកជំនួញហាយសូររូបនេះ ត្រូវបានកម្លាំងកងរាជអាវុធហត្ថ រាជធានី ភ្នំពេញ ចុះទៅឃាត់ខ្លួនកាលពីព្រឹកថ្ងៃទី១៧ ខែវិច្ឆិកានៅ ផ្លូវ ដា វី ន បុរី វរជន ក្នុង កោះ ពេជ្រ សង្កាត់ ទន្លេបាសាក់ ខណ្ឌចម្ការមន។ ការឃាត់ខ្លួននោះគឹធ្វើ ឡើង តាម ដីកា បញ្ជា ឲ្យចូលខ្លួន របស់ព្រះរាជអាជ្ញារាជធានីភ្នំពេញ៕