ភ្នំពេញ៖ផ្ទៃដីបឹងតាមោក(បឹងកប់ស្រូវ)ចំនួន៨៣ហិកតាត្រូវបានរាជរដ្ឋាភិបាលសម្រេចកាត់ជូនរដ្ឋបាលរាជធានីភ្នំពញដើម្បីបង្កើតសួននិងឧទ្យានធម្មជាតិសាធារណៈ។សាងសង់អគារនិងហេដ្ឋារចនាសម្ព័ន្ធនាយកដ្ឋានកណ្តាលសន្តិសុខនៃអគ្គស្នងការដ្ឋាននគរបាលជាតិក្រសួងមហាផ្ទៃ។
បន្ទាប់ពីបឹងមានទំហំជាង៣ពាន់ហិកតានេះត្រូវបានរដ្ឋាភិបាលកាត់ជូនរដ្ឋរាជធានីភ្នំពេញចំនួន២០ហិកតាកាលពីថ្ងៃទី២ខែសីហាឆ្នាំ២០១៨កន្លងទៅដើម្បីសាងសង់ផ្សារផ្គត់ផ្គង់បន្លែនិងជាចំណតរថយន្តនៅរាជធានីភ្នំពេញរួចមក។
ទីស្តីការគណៈរដ្ឋមន្ត្រីកាលពីថ្ងៃទី១៣ខែមីនាឆ្នាំ២០២០បានជម្រាបជូនសម្តេចក្រឡាហោមឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ,រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ,រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់,រដ្ឋមន្ត្រីក្រសួងធនធានទឹកនិងឧតុនិយម,អភិបាលរាជធានីភ្នំពេញ។
តាម រយៈ លិខិតលេខ៣៦៩សជណ.មយចុះថ្ងៃទី១៣ខែមីនាឆ្នាំ២០២០ថារាជរដ្ឋាភិបាលយល់ព្រមផ្តល់ផ្ទៃបឹងតាមោក(បឹងកប់ស្រូវ)ទំហំ៨ហិកតាស្ថិតនៅសង្កាត់គោករកាខណ្ឌព្រែកព្នៅរាជធានីភ្នំពេញ។ដើម្បីសាងសង់អគារនិងហេដ្ឋារចនាសម្ព័ន្ធនាយកដ្ឋានកណ្តាលសន្តិសុខនៃអគ្គស្នងការដ្ឋាននគរបាលជាតិក្រសួងមហា ផ្ទៃ។
ការសម្រេចនេះបានយោងតាមលិខិតលេខ០១៧ .២០ លស.គ ចុះថ្ងៃទី៥ ខែមីនាឆ្នាំ២០២០របស់រដ្ឋ បាលរាជធានីភ្នំពេញ។ លិខិលេខ១២៧ ខន .០២០ ស ជណ ចុះថ្ងៃទី៩ខែមីនាឆ្នាំ២០២០របស់ខុទ្ទ កាល័យសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រី។ចំណារដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាណាចក្រកម្ពុជាចុះថ្ងៃទី៨ខែមីនាឆ្នាំ២០២០។
នៅថ្ងៃទី១៣ខែមីនាដដែលនេះទីស្តីការគណៈរដ្ឋមន្ត្រីក៏បានជម្រាបជូនរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រីក្រសួងរៀបចំដែនដីនគរូបនីយកម្មនិង សំណង់,រដ្ឋមន្ត្រីក្រសួងធនធានទឹកនិងឧតុនិយម ,អភិបាលរាជធានីភ្នំពេញតាមរយៈលិខិតលេខ៣៦៨សជណ.មយចុះថ្ងៃទី១៣ខែមីនាឆ្នាំ២០២០ថា រាជ រដ្ឋាភិបាលយល់ព្រមផ្តល់ផ្ទៃបឹងតាមោកទំហំ៧៥ហិកតា។ស្ថិតនៅសង្កាត់គោករកាខណ្ឌព្រែកព្នៅរាជធានីភ្នំពេញដើម្បីបង្កើតសួននិងឧទ្យាន ធម្ម ជាតិសាធារណៈ។
ការសម្រេចនេះបានយោងតាមលិខិតលេខ០១៦.២០ លស.គចុះថ្ងៃទី៥ ខែ មីនាឆ្នាំ២០២០របស់រដ្ឋ បាលរាជធានីភ្នំពេញ។លិខិលេខ១២៨.ខន .០២០ សជ ណ ចុះថ្ងៃទី៩ខែមីនា ឆ្នាំ២០២០របស់ខុទ្ទ កាល័យសម្តេចអគ្គមហាសេនាបតី តេ ជោ ហ៊ុន សែននាយករដ្ឋមន្ត្រីនិង យោងតាមចំណារដ៏ ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃ ព្រះរាណា ចក្រកម្ពុជា ចុះថ្ងៃទី៨ខែមីនាឆ្នាំ២០២០។
គួររំលឹកឱ្យដឹងថាទីស្តីការគណៈរដ្ឋមន្ត្រីក៏ធ្លាប់បានជម្រាបជូនរដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ រដ្ឋ មន្ត្រី ក្រសួង សេដ្ឋកិច្ចនិងហិរញ្ញវត្ថុ និង អភិបាលរាជធានីភ្នំពេញតាមរយៈលិខិតលេខ ៨២៧សជណ.ចុះថ្ងៃទី២ខែសីហាឆ្នាំ២០១៨ថារាជរដ្ឋាភិបាលយល់ព្រមផ្តល់ជាគោកលការណ៍យកដីចំនួន២០ហិកតានៅបឹងតាមោក។ដើម្បីសាងសង់ជាផ្សារផ្គត់ផ្គង់បន្លែផ្លែឈើនិងជាចំណតរថយន្តនិងអនុញ្ញាតរើផ្សារបន្លែបន្លែពីផ្សារដើមគរទៅផ្សាថ្មីនៅបឹងតាមោកវិញ។
បឹងតាមោកឬបឹងកប់ស្រូវស្ថិតនៅក្នុងភូមិសាស្ត្ររាជធានីភ្នំពេញត្រូវបានគ្រប់គ្រងដោយអនុក្រឹត្យលេខ២០អនក្របកចុះថ្ងៃទី២០ខែកុម្ភៈឆ្នាំ២០២១៦កំណត់ផ្ទៃបឹងមានទំហំ៣.២៣៥.៧ហិកតាក្នុងរាជធានីភ្នំពេញជាសម្បត្តិសាធារ ណៈរបស់រដ្ឋ៕ខុន