សៀមរាប៖អ្នកនាំពាក្យអង្គភាពអាជ្ញាធរអប្សរាបានថ្លែងនៅមុននេះបន្តិចថាយើងបាននិងកំពុងសហការជាមួយសមត្ថកិច្ចតាមរកជនសង្ស័យទាំងពីរនាក់ដែលយកឈ្មោះអប្សរាទៅបោកពលរដ្ឋយកលុយ មកសាកសួរឱ្យដល់ឬសគល់បន្ទាប់ពីជួបជនរងគ្រោះ។
លោកឡុងកុសលអ្នកនាំពាក្យអង្គភាពអាជ្ញាធរអប្សរាបានបញ្ជាក់ថាអង្គភាពអាជ្ញាធរអប្សរាមិនមានគោលការណាតម្រូវអោយយកលុយពីពលរដ្ឋក្នុងការសុំច្បាប់ឬសាងសង់សំណង់ក្នុងតំបន់រមណីយដ្ឋានអង្គរនោះទេ។ប៉ុន្តែអប្សរាផ្តល់សិទ្ធិអោយពលរដ្ឋទៅសុំច្បាប់ជួសជុលផ្ទះឬបន្ទប់ទឹកដោយមិនបង់ប្រាក់។
ឯលទ្ធផលយ៉ាងណានោះគឺអាស្រ័យលើការពិនិត្យជាក់ស្តែងតាមលក្ខណ:បច្ចេកទេសរបស់មន្ត្រីជំនាញ។ប៉ុន្តែកាលពីថ្ងៃទី២៧ខែធ្នូម្សិលមិញនេះក៏ធ្លាយមនុស្សពីរនាក់ដើរបោកពលរដ្ឋយកលុយ២.០០០ដុល្លារដោយអះអាងថាពួកខ្លួនជាមន្ត្រីអាជ្ញាធរអប្សរាជាអ្នករត់ច្បាប់ឱ្យសាងសង់ផ្ទះ។
តាមពិតជននេះមិនមែនជាមន្ត្រីបម្រើការក្នុងអង្គភាពអាជ្ញាធរអប្សរាឡើយ។ ជននេះទី១ឈ្មោះវឿង ព្រឿង ភេទប្រុសអាយុ៤១ឆ្នាំ និងទី២ ឈ្មោះជា ហាក់ស្រុន អាយុ ៥៨ឆ្នាំ។ ពួកគេបានធ្វើសកម្មភាព ក្លែងបន្លំនេះតាំងពីខែសីហាឆ្នាំ២០១៩មកម្លេះ។អ្នកនាំពាក្យរូបនេះឱ្យដឹងទៀតថាក្រោយមានហេតុការនេះក៏ត្រូវបានហ្វេសប៊ុកឈ្មោះខាន់ចាន់សុផលសរសេរផ្សាយដោយចេតនាវាយប្រហារមកលើស្ថាបន័អប្សរា។
ក្នុងន័យនេះដើម្បីជំរាបជូនសាធារណ:ជនជ្រាបអាជ្ញាធរអប្សរាចេញសេចក្តីប្រកាសព័ត៌មានភ្លាមៗផងដែរ។ទោះបីលោកឡុងកុសលមិនទាន់ទម្លាយស្គាល់ឈ្មោះជនរងគ្រោះក្រោយពីបានជួបសាកសួរផ្ទាល់តែលោកបានបញ្ជាក់ថាអង្គភាពមិនលើកលែងចំពោះបុគ្គលទាំងពីរនាក់ខាងលើនេះឡើយ៕