ខេត្តស្ទឹងត្រែង៖កម្លាំងនគរបាលប្រឆាំងបទល្មើសគ្រឿងញៀនខេត្តស្ទឹងត្រែងបានឃាត់ខ្លួនបុរសម្នាក់ពាក់ព័ន្ធករណីគ្រឿងញៀននៅចំណុចភូមិសាស្ត្រភូមិអូស្វាយឃុំអូស្វាយស្រុកបុរីអូរស្វាយសែនជ័យ កាលពីវេលាម៉ោង១២ថ្ងៃត្រង់ថ្ងៃទី២២ខែធ្នូឆ្នាំ២០២០។
មន្ត្រីសមត្ថកិច្ចបានឱ្យដឹងថា៖ការចុះបង្ក្រាបករណីគ្រឿងញៀននោះកម្លាំងនគរបាលប្រឆាំងបទល្មើសគ្រឿងញៀនខេត្តស្ទឹងត្រែងបានសហការជាមួយកម្លាំងនគរបាលស្រុកបុរីអូរស្វាយសែនជ័យនិងកម្លាំងឧទ្យានុរក្សប្រចាំស្នាក់ការរ៉ាមសារស្រុកបុរីអូរស្វាយសែនជ័យបាន។សមត្ថកិច្ចបានបង្ក្រាបករណីជួញដូរនិងប្រើប្រាស់នូវសារធាតុញៀនដោយឃាត់ខ្លួនជនសង្ស័យម្នាក់ស្ថិតនៅចំណុចភូមិអូរស្វាយឃុំអូរស្វាយ។
លោកវរសេនីយ៍ឯកផៃរស្មីស្នងការរងនគរបាលទទួលផែនប្រឆាំងបទល្មើសគ្រឿងញៀនខេត្តស្ទឹងត្រែងបានឱ្យដឹងថា៖កម្លាំងនគរបាលបានចុះបង្ក្រាបនិងឃាត់ខ្លួនជនសង្ស័យម្នាក់ឈ្មោះថងវ៉នអាយុ៣២ឆ្នាំនៅភូមិ/ឃុំអូរស្វាយស្រុកបុរីអូរស្វាយសែនជ័យខេត្តស្ទឹងត្រែង។
ក្នុងនោះចាប់យកវត្ថុតាងគ្រឿងញៀនបានបីកញ្ចប់ជាប្រភេទមេតំហ្វេតាមីនwyជិត៦០០គ្រាប់មានទម្ងន់៦៣,៧៦ក្រាមមានដាវ២ដើមនិងកាំបិត១ដើម។បច្ចុប្បន្នកម្លាំងជំនាញកំពុងសាកសួរនៅស្នងការដ្ឋាននគរបាលខេត្តស្ទឹងត្រែងដើម្បីកសាងសំណុំរឿងបញ្ជូនទៅកាន់អយ្យការអមសាលាដំបូងខេត្តស្ទឹងត្រែងចាត់ការបន្តតាមនីតិវិធីច្បាប់៕សុខុម