សៀមរាប:ផ្ទះកាលពីល្ងាចថ្ងៃទី១០ខែធ្នូឆ្នាំ២០១៩អគ្គិភ័យបានឆាបឆេះផ្ទះប្រជាពលរដ្ឋចំនួនបីខ្នងនៅក្នុងភូមិស្លក្រាមសង្កាត់ស្លក្រាមក្រុងសៀមរាបដែលបង្កឡើងដោយសាដុតសំបកខ្សែភ្លើងទុកចោលឆេះរាលដល់ផ្ទះ។
សមត្ថកិច្ចបានឱ្យដឹងថាអគ្គិភ័យនេះបង្កឱ្យរងការចូខាតផ្ទះចំនួន៣ខ្នង។ផ្ទះទី១មានទំហំ៤មគុណ៦ម៉ែត្រ ធ្វើអំពីឈើ ប្រក់សង្ក័សីជញ្ជាំងក្តារឆេះអស់ទាំងស្រុង។ម្ចាស់ដីឈ្មោះមិត្តចំរើនភេទប្រុសអាយុ៣៦ ឆ្នាំបានជួលឱ្យឈ្មោះយ៉ាងភេទប្រុសអាយុ៤០ឆ្នាំជនជាតិវៀតណាម(គេចខ្លួនបាត់)។
ផ្ទះទី២មានទំហំ៣មគុណ៦ម៉ែត្រធ្វើអំពីឈើប្រក់សង្ក័សីឆេះអស់ទាំងស្រុងពុំមានម្ចាស់រស់នៅ។ផ្ទះទី៣មានទំហំ៧គុណ៩ម៉ែត្រកម្ពស់២ជាន់ថ្មក្រោមឈើលើប្រក់ក្បឿងម្ចាស់ផ្ទះឈ្មោះស៊ាងហុកសាយភេទប្រុសអាយុ៥៦ឆ្នាំមុខរបរនៅផ្ទះខូចខាតដំបូលពីដាននិងជញ្ជាំងជាងពាក់កណ្តាល។
ប្រភពបន្តថានៅក្នុងហេតុការណ៍ប្រើប្រាស់រថយន្តពន្លត់អគ្គិភ័យ៨គ្រឿង។ក្នុងនោះរថយន្តស្នងការដ្ឋាននគរបាលខេត្តសៀមរាបចំនួន២គ្រឿង,រថយន្តពន្លត់អគ្គិភ័យនគរបាលក្រុងសៀមរាបចំនួន១គ្រឿង រថយន្តកងរាជវុធហត្ថ ៣គ្រឿង និងរថយន្តពន្លត់អគ្គិភ័យអាជ្ញាធរអប្សារាចំនួន ២គ្រឿង ។
មូលហេតុដុតសំបកខ្សែភ្លើងទុកចោលឆេះរាលដាលដល់ផ្ទះ។ករណីអគ្គិភ័យឆេះនេះមិនបណ្តាឱ្យគ្រោះថ្នាក់ដល់មនុស្សឡើយ។សមត្ថកិច្ចបញ្ជាក់ថាបញ្ហាប្រឈមគឺផ្លូវតូចចង្អៀតធ្វើឱ្យរថយន្តពន្លត់អគ្គិភ័យពិបាកក្នុងការជួយសង្គ្រោះ៕
