សន្តិសុខ

ក្មេងតូចអាយុជិត២ខួបម្នាក់លង់ទឹកក្រោយផ្ទះស្លាប់ពេលជីដូនចូលបន្ទប់ទឹក

Posted on Author rsc Comment(0)

តាកែវ៖ក្មេងប្រុសតូចអាយុជិត២ខួបម្នាក់បានលង់ទឹកស្រះក្រោយផ្ទះស្លាប់ពេលជីដូនចូលបន្ទប់ទឹកដែលកើតនៅភូមិអូតាសេកឃុំអង្គកែវ ស្រុកទ្រាំង ខេត្តតាកែវកាលពីព្រឹកថ្ងៃទី១ខែឧសភា ឆ្នាំ២០២១។

អ្នកភូមិបានឱ្យដឹងថា៖ក្មេងប្រុសរងគ្រោះឈ្មោះខុមវឌ្ឍនាអាយុ១ឆ្នាំ៦ខែឪពុកម្ដាយទៅធ្វើការនៅប្រទេសថៃរស់នៅជាមួយជីដូនភូមិឃុំកើតហេតុ។មុនហេតុការណ៍ជីដូនបានចូលបន្ទប់ទឹកបត់ជើង លុះចេញមកវិញបាត់ចៅក៏ដើររក ស្រាប់តែឃើញចៅលង់ទឹកត្រពាំងក្រោយផ្ទះស្លាប់បាត់ទៅហើយ៕ដោយៈចំប៉ា

rsc

Related Articles
ព័ត៌មានសង្គម សន្តិសុខ

ចាប់ក្រុមទំនើងជិត១០នាក់ករណីវាយតប់គ្នាបង្កការភ័យខ្លាច

Posted on Author rsc

ភ្នំពេញ៖កម្លាំងនគរបាលអន្តរាគមន៍ពិសេស បានចាប់ក្រុមទំនើងជិត១០នាក់ ករណីវាយតប់គ្នាបង្កការភ័យខ្លាចដល់ពលរដ្ឋរស់នៅម្តុំបរិវេណបឹងកក់ សង្កាត់ស្រះចក ខណ្ឌដូនពេញ កាលពីរំលងអធ្រាត្រចូលថ្ងៃទី៨ ខែកញ្ញា។កម្លាំងមូលដ្ឋានបានឱ្យដឹងថា​ មុនកើតហេតុមានមនុស្ស៤នាក់ជិះម៉ូតូ២គ្រឿង ចេញពីម្តុំមន្ទីរពេទ្យលោកសង្ឃទៅអង់តែនទួលគោក។​មកដល់កន្លែងខាងលើស្រាប់តែមួយក្រុមទៀតមានគ្នា៧-៨នាក់ជិះម៉ូតូជាច្រើនគ្រឿងមកក្បែរ រួចក៏ធាក់លើម៉ូតូក្រុម៤នាក់​ឱ្យដួល។ភ្លាមៗនោះក៏កើតជាជម្លោះដេញវាយគ្នាពេញផ្លូវរហូតដល់ក្នុងបរិវេណបឹងកក់។ដោយភាគីទាំងសងខាងខ្លះប្រើដុំថ្ម​ ខ្លះទៀតប្រើខ្សែក្រវាត់បានវាយតប់និងគប់គ្នាបង្កការភ័យខ្លាចនៅតំបន់នោះ។ពេលក្រុមទំនើងធ្វើសកម្មភាពកម្លាំងសមត្ថកិច្ចល្បាតក្នុងមូលដ្ឋានខណ្ឌដូនពេញ​បានឃាត់ខ្លួនទាំង២ក្រុមចំនួនជិត១០នាក់រួមទាំងវត្ថុតាង។បន្ទាប់ពីឃាត់ខ្លួនសមត្ថកិច្ចជំនាញបាននាំក្រុមទំនើងជាមួយម៉ូតូជាច្រើនគ្រឿងយកទៅអធិការដ្ឋាននគរបាលខណ្ឌដូនពេញ​ដើម្បីបន្តនីតិវិធី​៕
ព័ត៌មានសង្គម សន្តិសុខ

រាយខ្សែភ្លើងចេញពីផ្ទះឆក់ត្រីភ្លាត់ស្នៀតឆក់ស្លាប់ខ្លួនឯនៅវាលស្រែ

Posted on Author rsc

ស្វាយរៀង៖បុរសម្នាក់បានរាយខ្សែភ្លើងយ៉ាងវែងចេញពីផ្ទះដើម្បីឆក់ត្រីយកធ្វើម្ហូបទំនងខុសបច្ចេកទេសក៏ភ្លាត់ស្នៀតត្រូវចរន្តភ្លើងឆក់ស្លាប់ខ្លួនឯងនៅវាលស្រែ។មន្ត្រីមូលដ្ឋានបានឱ្យដឹងថា ហេតុការណ៍បង្កភ្ញាក់ផ្អើលនោះបានកើតឡើងនៅភូមិតាណរ សង្កាត់ស្វាយតឿ ខេត្តស្វាយរៀងកាលពីថ្ងៃទី២៤ ខែវិច្ឆិកា។អ្នកបាត់បង់ជីវិតឈ្មោះពុធ ថា អាយុ៤៩ឆ្នាំនៅភូមិសង្កាត់ខាងលើ។មុនកើតហេតុឈ្មោះពុធ ថា បានរាយខ្សែភ្លើងប្រមាណ១០០ម៉ែត្រចេញពីផ្ទះទៅវាលស្រែដើម្បីឆក់ត្រីយកធ្វើម្ហូប។មួយសន្ទុះក្រោយមកស្រាប់តែមានការភ្ញាក់ផ្អើលព្រោះឃើញជនរងគ្រោះត្រូវខ្សែភ្លើងឆក់នៅវាលស្រែ។ក្រុមគ្រួសារនិងអ្នកភូមិនាំគ្នាជួយសង្គ្រោះតែបុរសនោះបានស្លាប់បាត់ទៅហើយ។បន្ទាប់មានមនុស្សស្លាប់នគរបាលក្រុងស្វាយរៀងនិងគ្រូពេទ្យបានចុះពិនិត្យសពហើយបានបញ្ជាក់ថា ជនរងគ្រោះស្លាប់ដោយសារខ្សែភ្លើងឆក់ពិតមែនព្រោះមិនមានស្លាកស្នាមអ្វីពាក់ព័ន្ធករណីឃាតកម្មនោះទេ៕
ព័ត៌មានសង្គម សន្តិសុខ

បញ្ជូនជនសង្ស័យ១២នាក់ករណីជួញដូរគ្រឿងញៀនទៅតុលាការ

Posted on Author rsc

ស្ទឹងត្រែង៖កម្លាំងអាវុធហត្ថខេត្តស្ទឹងត្រែង កាលពីថ្ងៃទី៣ខែកុម្ភៈ បានបញ្ជូនជនសង្ស័យប្រុសស្រីចំនួន១២នាក់ពាក់ព័ន្ធករណីជួញដូរគ្រឿងញៀនទៅតុលាការ។មន្ត្រីអាវុធហត្ថបានឱ្យដឹងថា ជនសង្ស័យត្រូវសមត្ថកិច្ចឃាត់ខ្លួនជាបន្តបន្ទាប់ កាលពីចុងខែមករាកន្លងទៅ ស្ថិតនៅម្តុំកងចក្រភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។ប្រតិបត្តិការនោះបានឃាត់រថយន្តចំនួន២គ្រឿង។ក្នុងនោះរថយន្តម៉ាកTUNDRA ផ្លាកលេខភ្នំពេញ2AC-1971និងម៉ាកPRIUS ផ្លាកលេខបាត់ដំបង 2B-599។ក្រោយឃាត់រថយន្តមុខសញ្ញាខាងលើអាវុធហត្ថបានឆែកឆេរនិងចាប់យកវត្ថុតាងជាក់ស្តែងនៅក្នុងរថយន្តTUNDRA មានគ្រឿងញៀនប្រភេទមេតំហ្វេតាមីនចំនួន៣កញ្ចប់និងម្សៅគ្រឿងញៀនប្រភេទខេតាមីនមួយកញ្ចប់តូច ឧបករណ៍ប្រើប្រាស់គ្រឿងញៀនមួយចំនួន និងអាវុធខ្លី១ដើមម៉ាកLock បង់១មាន១៥គ្រាប់ ឃាត់ខ្លួនជនសង្ស័យចំនួន១២នាក់-ស្រី៦នាក់។ជនសង្ស័យទាំង១២នាក់ជំនាញបានធ្វើតេស្តរកឃើញវិជ្ជមានសារធាតុញៀន។ក្រោយពីសាកសួរជំនាញបានបញ្ជូនទាំង១២នាក់ទៅតុលាការបន្តនីតិវិធី៕

Leave a Reply

Your email address will not be published. Required fields are marked *