កណ្តាល៖ព្រលានយន្តហោះថ្មីនៅស្រុកកណ្តាលស្ទឹង ដែលចាប់ផ្តើមដំណើរការសាងសង់ជាងមួយឆ្នាំ ពេលនេះគ្រោងអគារធំបានផុសត្រដែតលើផ្ទៃដីគម្រោងជាង២ពាន់ហិកតា ខណៈក្រុមវិស្វករនៅតែបន្តពន្លឿនការងារឱ្យចប់ទាន់ផែនការ។
ព្រលានយន្តហោះភ្នំពេញថ្មី ដែលស្ថិតនៅចម្ងាយជាង២០គីឡូម៉ែត្រ ពីរាជធានីភ្នំពេញ ត្រូវបានសាងសង់លើផ្ទៃដីសរុប២.៦០០ហិកតា។ ព្រលានយន្តហោះកម្រិត 4F ការសាងសង់មាន៣ដំណាក់កាល ខណៈដំណាក់កាលទី១ នឹងបញ្ចប់នៅឆ្នាំ២០២៣ ដែលចំណាយថវិកាប្រហែល ១.៥០០លានដុល្លារអាមេរិក ។
ដំណាក់កាលទី១ នឹងដាក់ឱ្យប្រើប្រាស់នៅឆ្នាំ២០២៣ ដែលអាចទទួលអ្នកដំណើរបានរហូតដល់១៣លាននាក់ ។ខណៈដំណាក់កាលទី២ នឹងបញ្ចប់នៅឆ្នាំ២០៣០ អាចទទួលអ្នកដំណើរបាន ៣០លាននាក់ឯដំណាក់កាលទី៣ នឹងបញ្ចប់នៅឆ្នាំ២០៥០ អាចទទួលអ្នកដំណើរបាន ៥០លាននាក់ក្នុង១ឆ្នាំ៕ដោយ Dy Bunnara
