ស្ទឹងត្រែង៖នគរបាលបានចាប់ជនសង្ស័យមា្នក់ពាក់ព័ន្ធជួញដូរគ្រឿងញៀនជាមួយកាំភ្លើងខ្លីកែច្នៃជាច្រើនដើមហើយបានកសាងសំណុំរឿងត្រៀមបញ្ជូនទៅតុលាការនៅថ្ងៃនេះ។
សមត្ថកិច្ចបានឱ្យដឹងថា បុរសម្នាក់រួមនិងគ្រឿងញៀនជាមួយកាំភ្លើងខ្លីកែច្នៃ៣ដើមត្រូវបានកម្លាំងនគរបាលចាប់បាននៅភូមិស្រឡៅ ឃុំអន្លង់ជ្រៃ ស្រុកថាឡាបរីវ៉ាត់ ខេត្តស្ទឹងត្រែងកាលពីថ្ងៃទី៧ ខែកញ្ញា។ជនសង្ស័យឈ្មោះ ឡឹក ថន ហៅចក់ភេទប្រុស អាយុ២២ឆ្នាំនៅភូមិវាលដេញ ឃុំអន្លង់ជ្រៃ ស្រុកថាឡាបរិវ៉ាត់។ 
មន្ត្រីដដែលបានបន្តថា ក្នុងការបង្រ្កាបនេះចាប់បានវត្ថុតាងគ្រឿងញៀនប្រភេទមេតំហ្វេតាមីនក្រាម ពណ៌សថ្លា ICE ១កញ្ចប់-សម្ភារសម្រាប់ជក់មួយចំនួន-កាំភ្លើងខ្លីកែច្នៃបាញ់រំសេវ១ដើម-និងកាំភ្លើងកែច្នៃបាញ់ហ្គាស់២ដើម៕
