ភ្នំពេញ៖នាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា បានកាត់ក្រីមែកឈើដែល អាចបង្កផលប៉ះពាល់ដល់សំណង់ផ្សេងៗក្នុងវត្តតាំងតុ និងដើម្បីការពារគ្រោះថ្នាក់ដល់ប្រាសាទនានាក្នុងបរិវេណអង្គរ។តាមការចុះផ្សាយរបស់ អាជ្ញាធរជាតិអប្សរា កាលពីថ្ងៃទី២២ ខែមករាឆ្នាំ២០២៤ បានឱ្យដឹងថា ក្រុមការងារបច្ចេកទេសរបស់នាយកដ្ឋានគ្រប់គ្រងទឹកព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា បានរៀបចំដំឡើងរន្ទាសម្រាប់កាត់ក្រីមែកឈើ មួយចំនួនក្នុងបរិវេណវត្តតាំងតុ ចាប់តាំងពីថ្ងៃទី១៧ ខែមករាមកម្លេះ។ ការកាត់ក្រីមែកឈើធំៗនេះ ប្រយោជន៍ដើម្បីការពារកុំឱ្យប៉ះពាល់ដល់សំណង់ផ្សេងៗ ក្នុងវត្តព្រមទាំងការពារគ្រោះថ្នាក់នានាផងដែរ។មន្ត្រីបច្ចេកទេសបានឱ្យដឹងថា ដើមឈើទាល ដើមពង្រ និងដើមស្លែង ដែលដុះជាប់នឹងបរិវេណវត្តតាំងតុ មានអាយុកាលច្រើនឆ្នាំមកហើយ កំពុងតែមានសភាពពុកផុយដោយអន្លើ។ ក្រុមការងារគ្រប់គ្រងព្រៃឈើ នៃអាជ្ញាធរជាតិអប្សរា បានដំឡើងរន្ទាដែកដើម្បីកាត់ក្រីមែកឈើទាំងនោះមួយចំនួនចេញ ដើម្បីបញ្ចៀសការបាក់ធ្លាក់ដែលអាចនឹងបង្កឱ្យមានគ្រោះថ្នាក់និងការប៉ះពាល់ដល់សំណង់ផ្សេងៗក្នុងវត្ត។មន្ត្រីដដែលបានឱ្យដឹងទៀតថា ថ្វីត្បិតតែមានការព្រួយបារម្ភ អំពីគ្រោះថ្នាក់ដែលអាចបង្កឡើងពីមែកឈើបាក់ធ្លាក់។ប៉ុន្តែព្រៃឈើក្នុងតំបន់រមណីយដ្ឋានអង្គរ ក៏ជារបាំងសម្រាប់ការពារខ្យល់បក់ បាំងប្រាសាទជាម្លប់។ជាមួយនេះ ក៏ជាប្រភពទាក់ទាញទឹកភ្លៀង និងជាសោភ័ណភាពទាក់ទាញភ្ញៀវទេសចរដែរ។ដូច្នេះដើមឈើដែលក្រុមការងារ កាត់ក្រីមែកចេញលុះត្រាតែដើមឈើនោះងាប់ ពុកគល់ឬក៏ពុកមែក។ ក្រៅពីការងារជួសជុលថែរក្សាប្រាសាទ ការងារគ្រប់គ្រងព្រៃឈើក្នុងរមណីយដ្ឋានអង្គរ ក៏ជាកិច្ចការចាំបាច់របស់អាជ្ញាធរជាតិអប្សរាដែរ។អាជ្ញាធរជាតិអប្សរា តែងតែបន្តធ្វើការកាត់ក្រីមែកឈើនៅតំបន់រមណីយដ្ឋានអង្គរជាប្រចាំ ដើម្បីការពារគ្រោះថ្នាក់ដល់ភ្ញៀវទេសចរជាតិ អន្តរជាតិ ប្រាសាទនិងថែរក្សាទេសភាពវប្បធម៌នៅតំបន់អង្គរ៕
Related Articles
អង្គការសមាគមចំនួន១១ផ្តល់អំណោយជូនរដ្ឋបាលខេត្តកំពតសម្រាប់សកម្មភាពមនុស្សធម៌
កំពតៈកាលពីព្រឹកថ្ងៃទី៩ខែវិច្ឆិកាឆ្នាំ២០២០ប្រតិភូតំណាងអង្គការសមាគមចំនួន១១បាននាំយកអំណោយជាអង្ករ និងមីផ្តល់ជូនរដ្ឋបាលខេត្តកំពតដើម្បីជាទុនសម្រាប់ប្រើប្រាស់ក្នុងសកម្មភាពមនុស្សធម៌។ លោកម៉ាត់សេតតំណាងរាស្ត្រមណ្ឌលកំពតនិងជាប្រធានប្រតិភូតំណាងឱ្យសប្បុរសជនម្ចាស់អំណោយបានបញ្ជាក់ថាៈអំណោយដែលប្រតិភូនាំយកមកប្រគល់ជូនរដ្ឋបាលខេត្តកំពតនាពេលនេះ រួមមាន អង្ករទម្ងន់២.៦០០គីឡូក្រាម និងមីចំនួន៥១កេស។ អំណោយទាំងនេះបានមកពីការចូលរួមរបស់ថ្នាក់ដឹកនាំ ព្រមទាំងអង្គការសមាគមចំនួន១១ដែលបាន និងកំពុងបម្រើសកម្មភាពមនុស្សធម៌នៅកម្ពុជាពិសេសក្នុងខេត្តកំពត។ជាកិច្ចឆ្លើយតបលោកជាវតាយអភិបាលខេត្តនិងជាប្រធានគណៈកម្មាធិការកាកបាទក្រហមកម្ពុជាសាខាខេត្តកំពតបានមានប្រសាសន៍ថា នេះជាទឹកចិត្តនិងជាការបង្ហាញនូវវប្បធម៌ចែករំលែកក្នុងការរួមចំណែកដោះស្រាយក្តីលំបាកជាមួយរដ្ឋបាលខេត្តកំពតក៏ដូចជារាជរដ្ឋាភិបាលដើម្បីជួយប្រជាពលរដ្ឋរងគ្រោះនិងជនងាយរងគ្រោះដោយហេតុការណ៍ផ្សេងៗ។ រដ្ឋបាលខេត្តក៏ដូចជាសាខាកាកបាទក្រហមខេត្តកំពតតែងបានយកចិត្តទុកដាក់ខ្ពស់ស្របតាមប្រសាសន៍ណែនាំរបស់សម្ដេចតេជោនិងសម្ដេចកិត្តិព្រឹទ្ធបណ្ឌិតក្នុងកិច្ចការជួយសង្គ្រោះប្រជាពលរដ្ឋដោយមិនប្រកាន់និន្នាការនយោបាយណាមួយឡើយ។ លោកអភិបាលខេត្តបានបញ្ជាក់ថា អំណោយទាំងនេះ រដ្ឋបាលខេត្តនឹងប្រគល់ជូនសាខាកាកបាទក្រហមសម្រាប់យកទៅចែកដល់ដៃប្រជាពលរដ្ឋរងគ្រោះ និងជនងាយរងគ្រោះឱ្យបានចំគោលដៅប្រកបដោយតម្លាភាពបំផុត៕ឌី ណា
ប្រធានសអកខេត្តនាំយកអំណោយជូនអតីយុទ្ធជននិងពលរដ្ឋក្រីក្រ
ព្រះវិហារ៖ប្រធាន សអក ខេត្តព្រះវិហារបាននាំយកអំណោយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា និងជា ប្រធានសមាគមអតីតយុទ្ធជនកម្ពុជា ជូនដល់ អតីយុទ្ធជន និង ប្រជាពលរដ្ឋក្រីក្រលំបាក ។ ថ្ងៃទី២៧ ខែសីហា ឆ្នាំ២០២០ឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ និងជា ប្រធាន ស.អ.ក ខេត្តព្រះវិហារ បានដឹកនាំក្រុមការងារ សអក ខេត្ត, ប្រធាន/អនុប្រធាន សអក ក្រុង, ប្រធានសាខា និងអាជ្ញាធរដែនដី ចុះសួរសុខទុក្ខសមាជិកអតីតយុទ្ធជន ចំនួន ៥គ្រួសារ និងប្រជាពលរដ្ឋក្រីក្រ ១១គ្រួសារ ស្ថិតក្នុងក្រុងព្រះវិហារ ខេត្តព្រះវិហារ ។ អតីតយុទ្ធជន ចំនួន ៥គ្រួសារ មានរាយនាមដូចខាងក្រោម ៖១.ឈ្មោះ អ៊ុន រ៉េត ភេទប្រុស ជានិវត្តជន រស់នៅភូមិឡឥដ្ឋ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។២.ឈ្មោះ […]
ណែនាំនិងចែកម៉ាស់ដល់អ្នកដំណើរដើម្បីពាក់បង្ការការចម្លងមេរោគកូរ៉ូណា
កំពត៖ក្នុងបំណងចូលរួមបញ្ចៀសការចម្លងមេរោគកូរ៉ូណាដែលជាប្រភេទមេរោគបង្កឱ្យកើតជំងឺថប់ដង្ហើមនោះមន្ត្រីនគរបាលអន្តោប្រវេសន៍ប្រចាំច្រកទ្វារអន្តរជាតិព្រែកចាកបានធ្វើពិធីចែកម៉ាស់ដល់អ្នកដំណើរឆ្លងកាត់ដោយឥតគិតថ្លៃ។ ក្រោយពិធីបញ្ចប់ការចែកម៉ាស់ជូនអ្នកដំណើរកាលពីព្រឹកថ្ងៃទី២៧ខែមករាឆ្នាំ២០២០លោកឧត្តមសេនីយ៍ត្រីជុំប៊ុណ្ណារ័ត្ននាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិព្រែកចាកបានមានប្រសាសន៍ថាក្នុងបំណងបង្ការទប់ស្កាត់និងបញ្ចៀសនូវការចម្លងមេរោគកូរ៉ូណាដ៏កាចសាហាវនោះ។ លោកនិងមន្ត្រីក្រោមឱវាទបានធ្វើពិធីណែនាំផ្សព្វផ្សាយព្រមទាំងចែកម៉ាស់ដល់អ្នកដំណើរឆ្លងកាត់ច្រកទ្វារដោយឥតគិតថ្លៃដើម្បីបានពាក់ការពារគ្រប់ៗគ្នា។ការចែកជូននេះធ្វើឡើងសម្រាប់អ្នកដំណើរទាំងអស់ដោយមិនប្រកាន់ថាជាជនជាតិណាមួួយឡើយ។ លោកឧត្តមសេនីយ៍បានបន្តថាពេញមួយព្រឹកថ្ងៃទី២៧ខែមករាការចែកម៉ាស់ជូនភ្ញៀវអស់ប្រមាណជាង៧០០បន្ទះហើយកម្លាំងរបស់លោកនឹងនៅតែបន្តផ្តល់ជូនចំពោះភ្ញៀវទាំងឡាយដែលខកខានមិនបានពាក់ការពារ។ លោកជុំប៊ុណ្ណារ័ត្នបានបញ្ជាក់ឱ្យដឹងថាតាមការកត់សម្គាល់នាអំឡុងពេលចុងក្រោយនេះ ការឆ្លងកាត់របស់ភ្ញៀវចម្រុះជាតិសាសន៍នៅមានសកម្មភាពធម្មតា។ប៉ុន្តែជនជាតិចិនហាក់ដូចជាអវត្តមានក្នុងការធ្វើដំណើរមកកម្ពុជាតាមច្រកទ្វារព្រែកចាក។ លោកង៉ែតសាវឿនប្រធានអង្គភាពច្រកទ្វារអន្តរជាតិព្រែកចាកបានបញ្ជាក់ឱ្យដឹងថាខណៈដែលស្ថានភាពនៃជំងឺថប់ដង្ហើមកំពុងរីករាលដាលនៅប្រទេសចិននិងមានការចម្លងដល់ប្រទេសមួយចំនួនក្បែរកម្ពុជាច្រកទ្វារអន្តរជាតិព្រែកចាក។សមត្ថកិច្ចនិងអាជ្ញាធរបានយកចិត្តទុកដាក់ក្នុងការបង្ការទប់ស្កាត់ចំពោះមេរោគដ៏កាចសាហាវនេះ។ ក្នុងនោះមានការបំពាក់ម៉ាស៊ីនស្កែននិងបន្ថែមមន្ត្រីសុខាភិបាលផ្នែកចត្តាឡីស័កមកប្រចាំការទៀតផង។លោកប្រធានអង្គភាពបានបន្តថាជាមួយនោះដែរសមត្ថកិច្ចនគរបាលអន្តោប្រវេសន៍ដែលតែងនៅកៀកជាមួយភ្ញៀវចេញចូលក៏មានពិធីអប់រំណែនាំភ្ញៀវនិងចែកម៉ាស់ជូនដើម្បីបានពាក់ការពារយ៉ាងសកម្មបំផុត៕ឌីណា