ភ្នំពេញ៖ក្រុមហ៊ុន”ខ្មែរប៊ែវើរីជីស”បានបរិច្ចាគទឹកបរិសុទ្ធកម្ពុជាចំនួន៣.០០០កេសជូនក្រសួងសុខាភិបាលដើម្បីប្រើប្រាស់ក្នុងយុទ្ធនាការប្រយុទ្ធប្រឆាំងនឹងការចម្លងជំងឺកូវីដ១៩។ពិធីប្រគល់ទឹកបរិសុទ្ធកម្ពុជាធ្វើឡើងនៅក្រសួងសុខាភិបាល នាថ្ងៃទី២៤ ខែមីនា ឆ្នាំ២០២០។
ការបរិច្ចាគនេះគឺដើម្បីគាំទ្រ និងចូលរួមលើកទឹកចិត្តដល់បុគ្គលិកសុខាភិបាល និងវេជ្ជបណ្ឌិតទាំងអស់ ដែលជាវិរៈបុរសក្នុងការព្យាបាល និងទប់ស្កាត់ការរីករាលដាលនៃជំងឺកូវីដ១៩នេះ។កាលពីសប្តាហ៍មុន ក្រុមហ៊ុនជីបម៉ុងដែលជាក្រុមហ៊ុនមេរបស់ក្រុមហ៊ុន”ខ្មែរប៊ែវើរីជីស”បានបរិច្ចាគថវិកា៥០ម៉ឺនដុល្លារជូនរាជរដ្ឋាភិបាលសម្រាប់ប្រតិបត្តិការទប់ស្កាត់វីរុសកូវីដ១៩។
ក្រុមហ៊ុន “ខ្មែរប៊ែវើរីជីស” តែងតែចូលរួមក្នុងសកម្មភាពសង្គមយ៉ាងច្រើនដូចជា កាលខែកុម្ភៈក្រុមហ៊ុន “ខ្មែរប៊ែវើរីជីស”បានបរិច្ចាគទឹកបរិសុទ្ធកម្ពុជាចំនួន៣៣.០០០កេសជូនមន្ទីរពេទ្យចំនួន៥ក្នុងរាជធានីភ្នំពេញសម្រាប់ចែកជូនអ្នកជំងឺដែលកំពុងសម្រាកព្យាបាលដោយឥតគិតថ្លៃ។
ទឹកបរិសុទ្ធកម្ពុជាទឹកពិសាស្តង់ដារខ្ពស់ត្រូវបានបន្សុទ្ធ១០០ភាគរយដោយបច្ចេកវិទ្យាទំនើបបំផុតរបស់អាល្លឺម៉ង់ដែលអាចជួយបំពេញជាតិទឹកក្នុងខ្លួនធ្វើឱ្យស្បែកមានសំណើមនិងជាទឹកពិសាប្រចាំថ្ងៃ៕សុផល