ភ្នំពេញ៖សេចក្តីប្រកាសរបស់រដ្ឋបាលខេត្ត ត្បូងឃ្មុំ ចុះថ្ងៃទី ២៤ខែមីនាឆ្នាំ២០២០បានអះអាងថា ក្រុមគ្រូពេទ្យជំនាញ បានយកវត្ថុសំណាកវិភាគរបស់អ្នកផ្ទុកជំងឺខូវីដ១៩ចំនួន៤នាក់ទៅធ្វើតេស្តនៅវិទ្យាស្ថានប៉ាស្ទ័រ។គិតត្រឹមថ្ងៃទី២៤ខែមីនាឆ្នាំ២០២០នេះមានអ្នកជំងឺចំនួន២រូបទទួលបានលទ្ធផល អវិជ្ជមាន(មិនមានផ្ទុកមេរោគ ខូវីដ១៩គឺពួកគេបានជាសះស្បើយ)ចំនួន ២ លើក។ អ្នកទាំង ២នាក់នោះមាន៖
១. ឈ្មោះ ជុំសំ(សាន់)ភេទប្រុស អាយុ ៥៦ ឆ្នាំ២. ឈ្មោះ អូស្មាន់ ភេទប្រុសអាយុ ៥៣ ឆ្នាំ។សេចក្តីប្រកាសដដែលបន្ថែមថា បច្ចុប្បន្នអ្នកទាំង ២ នាក់ ត្រូវបានក្រុមគ្រូពេទ្យជំនាញ អនុញ្ញាតឱ្យត្រឡប់ទៅលំស្ថានរៀងខ្លួនវិញហើយ ។
ជាការកត់សម្គាល់ នេះ គឺជាលើកទី ២ ហើយនៅ កម្ពុជា ដែលមានអ្នកត្រូវបានព្យាបាលឱ្យជាសះស្បើយទាំងស្រុង ពីជំងឺកូវីដ ១៩។ បន្ទាប់ពីករណីលើកទី ១ គឺជនជាតិ ចិន ម្នាក់នៅខេត្ត ព្រះសីហនុ ហើយរហូតមកដល់ត្រឹមរសៀលថ្ងៃទី ២៤ ខែ មីនា ឆ្នាំ ២០២០ នេះ កម្ពុជា បានរកឃើញអ្នកឆ្លងជំងឺ ខូវីដ ១៩ ចំនួន៨៧នាក់ ( ស្រី២២នាក់ ប្រុស៦៥នាក់) ដែល។ក្នុងនោះជនជាតិខ្មែរ៣៥នាក់ និងជនបរទេស៥២នាក់(ជា៣នាក់)៕ឃាង