បាត់ដំបង៖សមត្ថកិច្ចចាប់បានចោរម្នាក់ក្នុងចំណោមច្រើននាក់ដែលលួចទូរស័ព្ទដៃជាង៨០គ្រឿងនៅស្រុកសង្កែកាលពីរំលងអាធ្រាត្រចូលថ្ងៃទី៦ខែមករាឆ្នាំ២០២០កន្លងទៅនៅចំណុចភូមិឃុំអន្លង់វិល។
ក្រោយមានហេតុការណ៍សមត្ថកិច្ចស្រាវជ្រាវចាប់ខ្លួនបានម្នាក់ព្រមទាំងដកហូតបានទូរស័ព្ទ១ចំនួនប្រគល់ឱ្យម្ចាស់ដើមវិញ។កាលពីព្រឹកថ្ងៃទី៧ខែមករាឆ្នាំ២០២០ហើយបញ្ជូនទៅតុលាការនៅរសៀលថ្ងៃទី៨ខែមករាឆ្នាំ២០២០នេះ។
មន្ត្រីនគរបាលបានឱ្យដឹងថាជនសង្ស័យឈ្មោះវ៉នឡាវ៉ាន់ណាភេទប្រុស អាយុ២២ ឆ្នាំ នៅ ភូមិ អន្លង់ វិលឃុំអន្លង់វិលស្រុកសង្កែ។ជននោះត្រូវបានកម្លាំងនគរបាលខេត្តសហការជាមួយនគរបាលស្រុកសង្កែស្រាវជ្រាវឃាត់ខ្លួនបានជាមួយនឹងវត្ថុតាងទូរស័ព្ទមួយចំនួន។ពេលនេះមន្ត្រីជំនាញកំពុងតែសួរនាំជនដៃដល់ដើម្បីស្វែងរកវត្ថុតាងដទៃទៀតនិងបក្ខពួក ដែលនៅសេសសល់។
គួរបញ្ជាក់ ថាកាលពីវេលារំលងអធ្រាត្រចូលថ្ងៃទី៦ខែមករាឆ្នាំ២០២០នៅចំណុចហាងលក់ទូរស័ព្ទមួយកន្លែងស្ថិតនៅភូមិអន្លង់វិលឃុំអន្លង់វិលត្រូវជនមិនស្គាល់មុខប្រើកន្ត្រៃកាត់ទ្វារស័ង្កសីចូល លួច យកទូរស័ព្ទគ្រប់ប្រភេទអស់ជិត៨០គ្រឿងនិងសម្ភារមួយចំនួនរួចគេចខ្លួន បាត់។
ក្រោយ ពី ធ្វើការ ស្រាវជ្រាវ និង ស៊ើប អង្កេតតាមជំនាញអស់ រយៈពេល២ថ្ងៃទើបកម្លាំងជំនាញឈានដល់ការឃាត់ខ្លួនជនសង្ស័យបានម្នាក់និងបក្ខពួកមួយចំនួនកំពុងរត់គេចខ្លួន៕