បន្ទាយមានជ័យ៖ថ្ងៃចូលឆ្នាំចិនវៀតណាម បុរសម្នាក់ព្រោះតែជីវភាពក្រីក្របានដើរបេះបន្លែនៅតំបន់ព្រំដែន ស្រាប់តែជាន់មីនសល់ពីសម័យ សង្គ្រាមផ្ទុះដាច់ជើងទាំង២យ៉ាងអាណោចអាធ័ម។ហេតុការណ៍ដ៏រន្ធត់នេះបានកើតឡើងនៅភូមិសីលាខ្មែរ ឃុំអូរបីជាន់ ស្រុកអូរជ្រៅ កាលពីល្ងាចថ្ងៃទី៩ ខែកុម្ភៈ ឆ្នាំ២០២៤។សមត្ថកិច្ចបានឱ្យដឹងថា ជនរងគ្រោះឈ្មោះ វ៉ាន់ កំសត់ អាយុ៣៥ឆ្នាំ បានដើរចូលក្នុងព្រៃរកបេះបន្លែដើម្បីយកទៅលក់ផ្គត់ផ្គង់ជីវភាពគ្រួសារ។ ប៉ុន្តែជាអកុសលក៏ជួបគ្រោះថ្នាក់ ដោយដើរជាន់ចំគ្រាប់មីនប្រភេទK 59 បន្សល់ពីសម័យសង្គ្រាម បណ្តាលឱ្យផ្ទុះដាច់ជើងទាំង២។ ភ្លាមៗអ្នកភូមិនិងយោធាប្រចាំការជិតនោះ បានជួយដឹកអ្នករងរបួស ទៅមន្ទីរពេទ្យមិត្តភាពកម្ពុជា ជប៉ុន មង្គលបូរី ដើម្បីជួយសង្រ្គោះ ។កន្លងមកសមត្ថកិច្ចបានអំពាវនាវដល់ ប្រជាពលរដ្ឋសូមកុំចូលទៅតំបន់ណា ដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរមូលដ្ឋាន មុនចូលតំបន់នោះ និងសូមកុំប៉ះពាល់ពេលឃើញមីន និងគ្រាប់មិនទាន់ផ្ទុះ ត្រូវរាយការណ៍ជាបន្ទាន់ដល់សមត្ថកិច្ច និងប្រតិបត្តិករបោសសម្អាតមីន ដែលនៅជិតទីនោះដើម្បីយកទៅកម្ទេចចោល៕
Related Articles
កំពុងស៊ើបអង្កេតករណីភ្លើងឆេះផ្ទះនិងរបួសម្នាក់នៅក្រុងសៀមរាប
សៀមរាប៖សមត្ថកិច្ចកំពុងស៊ើបអង្កេតលើករណីអគ្គិភ័យមួយបានឆេះបំផ្លាញផ្ទះមួយខ្នងមាន៦បន្ទប់ហើយបង្កឱ្យកូនម្ចាស់ផ្ទះរងរបួសម្នាក់។មន្ត្រីមូលដ្ឋានបានឱ្យដឹងថា អគ្គិភ័យបានឆាបឆេះផ្ទះនេះនៅក្រុមទី៩ ភូមិបន្ទាយចាស់ សង្កាត់ស្លក្រាម ក្រុងសៀមរាបកាលពីរំលងអធ្រាត្រវេលាទៀបភ្លឺចូលថ្ងៃទី៤ ខែមេសា ឆ្នាំ២០២២។ ម្ចាស់ផ្ទះឈ្មោះ ហួង ព្រហ្មស៊ីថា អាយុ ៦១ឆ្នាំ។ផ្ទះដែលឆេះទំហំ៨ម៉ែត្រគុណ១២ម៉ែត្រមានចំនួន៦បន្ទប់ស្នាក់នៅ៥គ្រួសារ។ផ្ទះនេះធ្វើអំពីឈើលើថ្មក្រោមប្រក់ស័ង្កសី។ក្នុងនោះបណ្តាលឱ្យកូនម្ចាស់ផ្ទះម្នាក់រងរបួស ឈ្មោះព្រហ្ម វឌ្ឍនា អាយុ២៦ ឆ្នាំមុខរបរលក់គ្រឿងបន្លាស់ទូរសព្ទដៃនៅក្នុងបន្ទប់ម្នាក់ឯង។ គ្រោះអគ្គិភ័យនេះកម្លាំងអន្តរាគមន៍បានប្រើប្រាស់រថយន្តពន្លត់អគ្គិភ័យបាញ់ទឹកចំនួន៣គ្រឿងទើបភ្លើងរលត់ទៅវិញ។ក្នុងហេតុការណ៍នេះសមត្ថកិច្ចមិនទាន់បានដឹងពីទំហ៊ំនៃការខូចខាតនិងអំពីមូលហេតុនៃការឆេះនេះនៅឡើយទេព្រោះកំពុងស្រាជ្រាវ៕
ចិនម្នាក់ប្រឈមនឹងជាប់ពន្ធនាគារពី២០ឆ្នាំដល់៣០ឆ្នាំករណីជួញដូរគ្រឿងញៀនជិត៧គីឡូ
ភ្នំពេញ៖ចៅក្រមស៊ើបសួរសាលាដំបូងរាជធានីភ្នំពេញបានចោទប្រកាន់ចិនម្នាក់ ដាក់ពន្ធនាគារជាបណ្តោះ អាសន្ន នៅថ្ងៃទី១៩ ខែឧសភាឆ្នាំ២០២១ ពីបទផលិត ដឹកជញ្ជូន និងជួញដូរគ្រឿងញៀន ប្រមាណជិត៧គីឡូឆ្លងកាត់កម្ពុជាទៅវៀតណាម។ ជនត្រូវចោទមានឈ្មោះ ហ្វាន អ៊ី (FAN YI) ភេទ ប្រុស អាយុ៤៩ឆ្នាំ ជនជាតិចិន ស្រុកកំណើតនៅប្រទេសចិន កាន់លិខិត ឆ្លងដែនលេខ EJ4666319 បច្ចុប្បន្នស្នាក់នៅផ្ទះជួលលេខ៤៨២BIS ផ្លូវទន្លេមេគង្គ សង្កាត់ ខណ្ឌជ្រោយចង្វារ រាជធានីភ្នំពេញ។ បង្រ្កាបករណីរក្សាទុក ជួញដូរគ្រឿងញៀនឆ្លងដែនតាមផ្លូវគោក នៅម្តុំបេនឡានអូរឬស្សី ផ្លូវលេខ ១០៥ សង្កាត់បឹងព្រលិត ខណ្ឌ៧មករា និងបន្តឆែកឆេរលំនៅស្ថាន ផ្ទះលេខ៤៨២BIS ផ្លូវទន្លរមេគង្គ សង្កាត់ ខណ្ឌជ្រោយចង្វាកាលពីនៅថ្ងៃទី១២ ខែឧសភា ឆ្នាំ ២០២១កន្លងទៅ ។ វត្ថុតាងចាប់យករួមាន 1. អ៊ិចស្តាស៊ី(MDMA) ទម្ងន់ 971.77ក្រាម(លាក់បង្កប់ក្នុងជើងកង្ហារបញ្ឍ)។ 2. កេតាមីន(Ketamine) ទម្ងន់ 5 គីឡូ 578.95ក្រាម និង3. […]
រថយន្តដឹកសម្ភារធ្វើម្ហូបការក្រឡាប់នៅស្រុកបូទុមសាគរ
កោះកុង៖រថយន្តដឹកដែករោងការនិងសម្ភារធ្វើម្ហូបការបានក្រឡាប់ព្រោះតែការបើកបរហួសលឿនកំណត់បណ្តាលឱ្យមនុស្សរងរបួសធ្ងន់១៤នាក់នៅស្រុកបូទុមសាគរ។គ្រោះថ្នាក់ចរាចរនេះបានកើតឡើងនៅលើវិថីព្រឹទ្ធាចារសាយភូថងត្រង់ចំណុចចម្ការស្វាយស្ថិតក្នុងភូមិជីត្រេះឃុំអណ្តូងទឹកស្រុកបូទុមសាគរខេត្តកោះកុងកាលពីព្រឹកថ្ងៃទី២៨ខែកុម្ភៈឆ្នាំ២០២០ មន្ត្រីនគរបាលស្រុកបូទុមសាគរបានឱ្យដឹងថាគ្រោះថ្នាក់នេះបង្កឡើងដោយរថយន្ត១គ្រឿងម៉ាក KIA ពណ៌ខៀវពាក់ស្លាកលេខភ្នំពេញ២O៨០៧៤។ម្ចាស់រថយន្តខ្លួនឯងផ្ទាល់តែម្តងព្រោះតែបើកបរហួសល្បឿនកំណត់ត្រង់ចំណុចថ្នល់មានស្ថានភាពកោងខ្លាំងអំឡុងធ្វើដំណើរទិសដៅគ្រឿងសម្ភារធ្វើម្ហូបការត្រៀមធ្វើអាហារតាមការណាត់របស់ពលរដ្ឋម្ចាស់ការពីស្រុកស្រែអំបិល ឆ្ពោះទៅឃុំកោះស្តេច ស្រុកគិរីសាគរ។