បាត់ដំបងៈគណៈប្រតិភូសាខាកាកបាទក្រហមកម្ពុជាខេត្តដំបងដឹកនាំដោយលោកសួសសុភ័ក្ភ្រព្រមទាំងសហការីនិងអនុសាខាស្រុកកាលពីព្រឹកថ្ងៃទី៧ខែមករាឆ្នាំ២០២០បានអញ្ជើញសាកសួរសុខទុក្ខ។នាំយកអំណោយមនុស្សធម៌ទៅប្រគល់ជូនដល់ប្អូនប្រុសសឿតប៉ីអាយុ២១ឆ្នាំដែលរងគ្រោះដោយរបួសក្បាលក្នុងហេតុការណ៍បាក់រលំអាគារនៅខេត្តកែប។បច្ចុប្បន្នកំពុងសម្រាកព្យាបាលនៅគេហដ្ឋានស្ថិតនៅភូមិស្នូលកោងឃុំបឹងព្រីងស្រុកថ្មគោលខេត្តបាត់ដំបង ។
លោកសឿតប៉ីក្រុមគ្រួសារជនរងគ្រោះបានសម្តែងនូវក្តីសោមនស្សរីករាយនិងដឹងគុណយ៉ាងជ្រាលជ្រៅចំពោះសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាដែលមានក្តីមេត្តា ករុណា ចំពោះ អ្នកដែលជួបទុក្ខលំបាកដោយគ្មានការរើសអើងអ្វីឡើយ។
ក្នុងនាមលោកបណ្ឌិតប៊ុតគឹមស៊ានលោកសួសសុភ័ក្ភ្រក៏បានថ្លែងពីការគិតគូរយកចិត្តទុកដាក់ខ្ពស់បំផុតពីប្រមុខថ្នាក់ដឹកនាំគ្រប់លំដាប់ថ្នាក់ជាពិសេសសម្តេចតេជោហ៊ុនសែន។សម្តេចតែងតែគិតគូរជានិច្ចពីសុខទុក្ខ របស់បងប្អូនប្រជាពលរដ្ឋទាំងអស់ គ្រប់ពេលវេលានិងគ្រប់ទីកន្លែងទាំងអស់។
លោកសួសសុភ័ក្ភ្របានបញ្ជាក់ថាអំណោយមនុស្សធម៌ដែលសាខាផ្តល់ជួនដល់ក្រុមគ្រួសារអ្នករបួសរួមមាន៖ថវិកាចំនួន៥០ម៉ឺនរៀល,អង្ករ៥០គីឡូក្រាមនិងទឹកបរិសុទ្ធវីឃែរ១០កេសផងដែរ៕
