ភ្នំពេញ៖ជនសង្ស័យចែកចាយនិងប្រើប្រាស់គ្រឿងចំនួន១០នាក់ត្រូវកម្លាំងឯកភាពខណ្ឌទួលគោកឃាត់ខ្លួនបញ្ជូនទៅមូលដ្ឋានកងរាជអាវុធហត្ថខណ្ឌបន្ទាប់ពីចុះរដ្ឋបាលនៅតំបន់ស្មុកស្មាញមួយ។ការឃាត់ខ្លួនជនសង្ស័យនេះបានធ្វើឡើងនៅតំបន់ត្រឡោកបែកតាមបណ្តោយផ្លូវរថភ្លើងក្នុងភូមិទី១៦សង្កាត់ទឹកល្អក់ទី១ខណ្ឌទួលគោកកាលពីរសៀលថ្ងៃទី២៣ខែកក្កដាឆ្នាំ២០២០។
មន្ត្រីកងរាជអាវុធហត្ថខណ្ឌទួលគោកបានដឹងថាក្នុងចំណោមជនសង្ស័យទាំង១០នាក់មាន៣នាក់ជាអ្នកចែកចាយគ្រឿងញៀននិង៧នាក់ទៀតជាអ្នកប្រើប្រាស់គ្រឿងញៀន។ជនសង្ស័យរួមទាំងវត្ថុតាងត្រូវបានបញ្ចូនទៅកាន់មូលដ្ឋានកងរាជអាវុធហត្ថខណ្ឌទួលគោកដើម្បីបញ្ជូនបន្តទៅកាន់ទីបញ្ជាការដ្ឋានកងរាជអាវុធហត្ថ រាជធានីភ្នំពេញដើម្បី សាកសួរនិងចាត់ការតាមច្បាប់៕