សន្តិសុខ

អគ្គិភ័យកំពុងឆាបឆេះរោងម៉ាស៊ីនកិនស្រូវមួយកន្លែងក្នុងខណ្ឌដង្កោ

November 26, 2020November 26, 2020 rsc Comment(0)

ភ្នំពេញ៖នៅព្រឹកថ្ងៃទី២៦ខែវិច្ឆិកាឆ្នាំ២០២០វេលាម៉ោងជិត១០នេះមានករណីអគ្គិភ័យបានឆាបឆេះរោងម៉ាស៊ីនកិនស្រូវស្ថិតតាមបណ្ដោយផ្លូវជាតិលេខ២សង្កាត់រលួសខណ្ឌដង្កោរាជធានីភ្នំពេញ។

ពេលនេះសមត្ថកិច្ចចម្រុះបានបញ្ចេញរថយន្តអគ្គិភ័យនិងកំពុងជួយអន្តរាគមន៍ពន្លត់នៅទីតាំងកើតហេតុននេះ។ សម្រាប់ព័ត៌មានបន្ថែមគេហទំព័រយើងនឹងផ្សាយជូនបន្តនាលេខក្រោយ៕វិចិត្រ

rsc

សន្តិសុខ

បាញ់សម្លាប់ជាងកាត់សក់នៅខណ្ឌទួលគោកខ្មាន់កាំភ្លើងជាមន្ត្រីប៉ូលិស

September 28, 2020 rsc

ភ្នំពេញ៖ ជនដៃដល់ដែលបាញ់សម្លាប់ជាងកាត់សក់នៅជិតសាលារៀនទួលគោកកាលពីយប់ថ្ងៃទី២៦ ខែកញ្ញាឆ្នាំ២០២០ត្រូវបានគេស្គាល់អត្តសញ្ញាណហើយគឺជាមន្ត្រីនគរបាលនៃស្នងការដ្ឋាននគរបាលរាជធានីភ្នំពេញ។ គេអះអាងថារូបមន្ត្រីប៉ូលិសដែលជាក្មាន់កាំភ្លើង ប្រភពបានប្រាប់សារព័ត៌មានកាលពីថ្ងៃទី២៧ ខែកញ្ញា ឆ្នាំ២០២០ថា៖ ខ្មាន់កាំភ្លើងឈ្មោះ លី ថារិយដែលជនសង្ស័យរូបនេះមានអតីតភាពជាមន្ត្រីនគរបាលខណ្ឌដូនពេញ។ក្រោយមកព្រោះការប្រព្រឹត្តខុសនឹងវិន័យក៏ត្រូវបានដកមកបញ្ឈរជើងនៅស្នងការដ្ឋាននគរបាលរាជធានីភ្នំពេញ។ទន្ទឹមនឹងការកំណត់អត្តសញ្ញាណជនសង្ស័យបានហើយនោះកម្លាំងសមត្ថកិច្ចកំពុងបើកប្រតិបត្តិការស្រាវជ្រាវ អាចនិងឈានទៅចាប់ខ្លួនជនសង្ស័យរូបនេះក្នុងពេលខ្លីខាងមុខ។ សូមបញ្ជាក់ថា៖កាលពីវេលាម៉ោងជាង១០យប់ថ្ងៃទី២៦ខែកញ្ញាឆ្នាំ២០២០។បុរសម្នាក់ជាជាងកាត់សក់ត្រូវបានអ្នកជិតខាងបាញ់មួយគ្រាប់បណ្តាលឱ្យស្លាប់ភ្លាមៗ។នៅមុខផ្ទះរបស់ខ្លួនស្ថិតនៅចំហៀងសាលារៀនទួលគោក ក្នុងសង្កាត់បឹងកក់ទី២ ខណ្ឌទួលគោក។ ស្ត្រីជាប្រពន្ធរបស់ជនរងគ្រោះប្រាប់ភ្នាក់ងារសារព័ត៌មានឱ្យដឹងថា៖មុនពេលកើតហេតុស្វាមីរបស់ខ្លួនបានអង្គុយផឹកស៊ីជាមួយមិត្តភក្តិនៅមុខផ្ទះ។រហូតដល់ម៉ោងជាង១០យប់ក៏រៀបចំចូលផ្ទះស្រាប់តែឮសំឡេងប្រតាយប្រតប់ឈ្លោះគ្នាជាមួយនឹងបុរសម្នាក់ដែលស្គាល់ថាជាអ្នកជិតខាង។ ស្ត្រីភរិយាជនរងគ្រោះបន្តថា៖ក្រោយមានការប្រតាយប្រតប់គ្នាមួយសន្ទុះក្រោយមកជនដៃដល់បានដកកាំភ្លើងពីចង្កេះបាញ់លើស្វាមីរបស់ខ្លួនបណ្ដាលឱ្យស្លាប់នៅក្នុងថ្លុកឈាមតែម្តង។បន្ទាប់ពីបាញ់ប្រហារហើយជនដៃដល់បានរត់គេចខ្លួនបាត់ស្រមោល។ករណីនេះមិនទាន់ដឹងពីមូលហេតុនាំឱ្យមានការបាញ់សម្លាប់នេះនៅឡើយទេ។ ជនរងគ្រោះមានឈ្មោះ សុខសុកេនអាយុជាង៣០ឆ្នាំមានមុខរបរកាត់សក់។ការស្លាប់របស់ជនរងគ្រោះ បន្សល់កូនស្រី៤នាក់តូចៗឱ្យនៅកំព្រាគ្មានបង្អែកជីវិត។កូនស្រីទី១អាយុ១១ឆ្នាំ.កូនស្រីទី២ អាយុ ៩ឆ្នាំ.កូនស្រីទី៣ អាយុ៥ឆ្នាំ.កូនស្រីទី៤ អាយុ១ឆ្នាំ។ អ្នកនៅកន្លែងកើតហេតុបានកើតការស្លុតចិត្តអាណិតក្រុមគ្រួសារជនរងគ្រោះជាពិសេសកូនៗជនរងគ្រោះដែលនៅតូចៗនៅឡើយមិនត្រូវមានវាសនាយ៉ាងណាទៅថ្ងៃមុខបើឪពុកជាបង្អែកដ៏ធំក្នុងគ្រួសារបានស្លាប់ចោលពួកគេទៅហើយ៕នូសុភ័ក្រ

ព័ត៌មានសង្គម សន្តិសុខ

បញ្ជូនអ្នកសារព័ត៌មានអនឡាញម្នាក់វាយស្រីកំណាន់ឱ្យរបួសធ្ងន់ទៅតុលាការ

December 13, 2022December 13, 2022 rsc

តាកែវ៖រសៀលថ្ងៃទី១៣ខែធ្នូនេះសមត្ថកិច្ចបានបញ្ជូនអ្នកសារព័ត៌មានអនឡាញម្នាក់វាយស្រ្តីកំណាន់ចិត្តរបស់ខ្លួនបណ្តាលឱ្យរងរបួសធ្ងន់ធ្ងរទៅតុលាការដើម្បីចាត់ការតាមច្បាប់។លោកយ៉ាង តារា អធិការរងនគរបាលស្រុកគីរីវង្សបានឱ្យដឹងថា កាលពីថ្ងៃទី១២ខែធ្នូឆ្នាំ២០២២ឈ្មោះ កែម ចន អាយុ៤៥ឆ្នាំដែលជាអ្នកសារព័ត៌មាន «ចនធីវីអនឡាញ»បានប្រើអំពើហិង្សាដោយសារជនសង្ស័យប្រចណ្ឌស្រីកំណាន់ចិត្តរបស់ខ្លួនជាមួយនឹងអ្នកផ្សេង។អធិការរងនគរបាលស្រុកបានបន្តថា ករណីនេះបានកើតឡើងនៅភូមិពោធិ៍ ឃុំព្រះបាទជាន់ជុំ ស្រុកគីរីវង់ ខេត្តតាកែវ។នៅពេលនាំមកសាកសួរនៅប៉ុស្តិ៍រដ្ឋបាលឈ្មោះ កែម ចន មិនត្រឹមតែថតឡាយក្នុងប៉ុស្តិ៍ប៉ុណ្ណោះទេថែមទាំងបានដេញវាយស្ត្រីរងគ្រោះឈ្មោះចន្ថា អាយុ ៣៨ឆ្នាំ នៅក្នុងប៉ុស្តិ៍ទៀតផង។សមត្ថកិច្ចបានបញ្ជាក់ថា ជនសង្ស័យម្នាក់នេះ ត្រូវបាននគរបាលស្រុកគីរីវង់ក៏ធ្លាប់ប្តឹងទៅតុលាការខេត្តម្តងហើយពីបទផ្សាយព័ត៌មានមិនពិតនិងញុះញុង។ពេលនេះជំនាញបានឃាត់ខ្លួនតាមបណ្តឹងជនរងគ្រោះរួចបញ្ជូនទៅតុលាការតាកែវតែម្តង៕

ព័ត៌មានសង្គម សន្តិសុខ

បញ្ជូនបុរសប្រើកាំបិតកាប់និងចាក់សាំងដុតស្ត្រីម្នាក់ឱ្យរបួសធ្ងន់ទៅតុលាការ

October 19, 2022October 19, 2022 rsc

សៀមរាប៖កម្លាំងនគរបាលខេត្តសៀមរាបនៅព្រឹកថ្ងៃទី១៩ ខែតុលាបានបញ្ជូនបុរសម្នាក់ទៅតុលាការករណីប្រើកាំបិតកាប់និងចាក់សាំងដុតស្ត្រីម្នាក់បណ្តាលឱ្យរងរបួសធ្ងន់។សមត្ថកិច្ចបានឱ្យដឹងថា កាលពីថ្ងៃទី១៧ ខែតុលាកម្លាំងនគរបាលបានចាប់ជនសង្ស័យម្នាក់ឈ្មោះសយ អាត អាយុ ៤៥ឆ្នាំនៅភូមិម្កាក់ ឃុំតាសោម ស្រុកអង្គរជុំ ខេត្តសៀមរាប ពាក់ព័ន្ធប្រើកាំបិតបុ័ងតោនិងយកសាំងចាក់ដុតស្ត្រីរងគ្រោះឈ្មោះ ឈឿ បូណាអាយុ៤២ឆ្នាំនៅភូមិឃុំខាងលើឱ្យរងរបួសធ្ងន់ធ្ងរ។ អំពើហិង្សានេះផ្តើមចេញពីមានទំនាស់ពាក្យសម្តីគ្នាហើយជនសង្ស័យបានយកសាំងចាក់ដុតលើស្ត្រីរងគ្រោះបណ្តាលឱ្យឆេះខ្លួន។ បន្ទាប់មកបុរសរូបនោះបានយកកាំបិតប៉័ងតោកាប់លើនាងទៀតបណ្តាលឱ្យរបួស ផ្ទៃមុខ ១កាំបិត និងស្មា១កាំបិត។សមត្ថកិច្ចដកហូតបានវត្ថុតាងកាំបិត១-ពូថៅ១និងសាំង៦ដប ។ជនសង្ស័យត្រូវបានកម្លាំងជំនាញកសាងសំណុំរឿងបញ្ជូនទៅតុលាការដើម្បីចាត់ការទៅតាមផ្លូវច្បាប់ ៕

Related Articles

​បាញ់សម្លាប់​ជាងកាត់សក់​នៅ​ខណ្ឌទួលគោក​ខ្មាន់កាំភ្លើង​ជា​មន្ត្រីប៉ូលិស​

បញ្ជូនអ្នកសារព័ត៌មានអនឡាញម្នាក់វាយស្រីកំណាន់ឱ្យរបួសធ្ងន់ទៅតុលាការ

បញ្ជូនបុរសប្រើកាំបិតកាប់និងចាក់សាំងដុតស្ត្រីម្នាក់ឱ្យរបួសធ្ងន់ទៅតុលាការ

Leave a Reply Cancel reply

បាញ់សម្លាប់ជាងកាត់សក់នៅខណ្ឌទួលគោកខ្មាន់កាំភ្លើងជាមន្ត្រីប៉ូលិស