ភ្នំពេញ៖សមត្ថកិច្ចនៅព្រឹកថ្ងៃទី១៧ខែមករាឆ្នាំ២០២២បានបញ្ជូនអតីតសង្ឃម្នាក់ដែលគណៈសង្ឃនាយកបានផ្សឹកនិងបញ្ជូនទៅតុលាការភ្នំពេញសង្ស័យពីបទញុះញង់និងបរិយាកេរ្តិ៍។
យោងតាមដីកាបញ្ជាឱ្យចូលខ្លួនលេខ០១១ អ.យ.ក ចុះថៃ្ងទី១៣ ខែមករា ឆ្នាំ២០២២ របស់អយ្យការអមសាលាដំបូងរាជធានីភ្នំពេញពីបទបរិហារកេរ្ដិ៍ជាសាធារណៈ,ប្រើប្រាស់ត្រាក្លែង, ក្លែងបន្លំឯកសារសាធារណៈ, ប្រើប្រាស់ឯកសារសាធារណៈក្លែង, ញុះញង់ ឱ្យមានការរើសអើង និងបាតុកម្ម ឱ្យចូលបង្ហាញខ្លួននៅនាយកដ្ឋានកណ្តាលសន្តិសុខ នៃក្រសួងមហាផ្ទៃហើយឃាត់ខ្លួនកាលពីថ្ងៃទី១៤ ខែមករា ឆ្នាំ២០២២ ។
ករណីនេះត្រូវបានគេដឹងថា ផ្តើមចេញពីជម្លោះវត្តខ្មែរនៅប្រទេសជប៉ុនរវាងក្រុមព្រះសង្ឃព្រះទេវសត្ថាបណ្ឌិត ពឿយ មេត្តា និងលោកជំទាវ សៀង ចាន់ហេង ដែលបានវេរប្រគេនព្រះសង្ឃរួចរាល់ ដើម្បីកសាងវត្តនៅជប៉ុនអស់រយៈពេលជាង៤ឆ្នាំកន្លងមកហើយ។
តាមសមត្ថកិច្ចបញ្ជាក់ថាដើមបណ្តឹងក្នុងរឿងនេះគឺលោកជំទាវ សៀង ចាន់ហេង អគ្គនាយិកាក្រុមហ៊ុន ហេងអភិវឌ្ឍន៍ ។តែ សារព័ត៌មានយើង មិនអាចសុំការពន្យល់ពីលោកជំទាវសៀង ចាន់ហេងនិងជនសង្ស័យជុំវិញករណីនេះបាននៅឡើយទេ៕
