ពោធិ៍សាត់៖កម្លាំងជំនាញបានហៅស្ត្រីវ័យក្មេងជាអ្នកលេងTikTok មកអប់រំណែនាំនិងធ្វើកិច្ចសន្យាបញ្ឈប់ករណីប្រើដៃទះប្រដាប់ភេទខ្លួនឯងជាញឹកញយបង្កជាអសីលធម៌សង្គម។សមត្ថកិច្ចបានឱ្យដឹងថា កាលពីថ្ងៃទី១២ ខែកញ្ញាឆ្នាំ២០២២ នគរបាលជំនាញបានហៅស្ត្រីវ័យក្មេងម្នាក់មកអប់រំណែនាំធ្វើកិច្ចសន្យាបញ្ឈប់ខណៈរូបគេប្រើដៃទះប្រដាប់ភេទខ្លួនឯងជាញឹកញយក្នុងបណ្តាញTikTok។អំពើនេះធ្វើឱ្យប៉ះពាល់ធ្ងន់ធ្ងរកិត្តិយស សេចក្តីថ្លៃថ្នូរ របស់ស្ត្រីខ្មែរ ព្រោះតែការភ្លើតភ្លើនសប្បាយ អត់ឱ្យតម្លៃខ្លួនឯងដែលចូលចិត្តបង្កើតចរិកអាសអាភាស។ស្ត្រីដែលហៅមកអប់រំនោះឈ្មោះ ជុកម៉ារីយុំ ហៅលីតា អាយុ១៩ឆ្នាំនៅភូមិសារ ឃុំក្បាលត្រាច ស្រុកក្រគរ ខេត្តពោធិ៍សាត់។បច្ចុប្បន្នជាអ្នករត់តុនៅស្រុកឧដុង្គ ខេត្តកំពង់ស្ពឺ។ចំពោះមុខសមត្ថកិច្ច ស្ត្រីរូបនេះបានសន្យាថា “ទី១-ចាប់ពីធ្វើកិច្ចសន្យានេះតទៅនាងខ្ញុំឈប់បង្ហោះរូបអាសអាភាសទៅលើបណ្តាញសង្គម TikTok និងហ្វេសប៊ុកឈ្មោះ តិកតុក ម៉ាក់តា ខ្ញុំនិងលុបចោលនូវរូបអាសអាភាសទាំងអស់ដែលបានបង្ហោះកន្លងមក”។“ទី២-ពេលត្រឡប់ទៅកន្លែងធ្វើការវិញនាងខ្ញុំឈប់ធ្វើអំពើណាដែលសង្គមស្អប់ខ្ពើមទៀតហើយ និងឈប់ស្លៀកលិចលើលិចក្រោមចាប់ពីថ្ងៃធ្វើកិច្ចសន្យានេះតទៅ។បើនាងខ្ញុំមិនគោរពតាមកិច្ចសន្យាទេនាងខ្ញុំទទួលខុសត្រូវចំពោះមុខច្បាប់”៕
Related Articles
ខេត្តកំពង់ស្ពឺនិងវិទ្យាស្ថានស្រាវជ្រាវ អភិវឌ្ឍន៍កសិកម្មចិនសហការដាំកប្បាស១០ម៉ឺនហិកតា
កំពង់ស្ពឺ៖ រដ្ឋបាលខេត្តកំពង់ស្ពឺ និងវិទ្យាស្ថានស្រាវជ្រាវ និងអភិវឌ្ឍន៍កសិកម្ម នៃសាធារណរដ្ឋប្រជាមានិតចិនកាលពីរសៀលថ្ងៃទី១៧មករាឆ្នាំ២០២០បានចុះអនុស្សរណៈស្តីពីគម្រោងដាំដុះកប្បាស ១០ម៉ឺនហិកតា ក្នុងខេត្តកំពង់ស្ពឺ។ លោកវ៉ីសំណាងអភិបាលនៃគណៈអភិបាលខេត្តកំពង់ស្ពឺបានឱ្យដឹងថា៖ក្រោមការដឹកនាំរបស់រាជរដ្ឋាភិបាលដែលមានសម្ដេចអគ្គមហាសេនាបតីតេជោហ៊ុនសែនបានធ្វើឱ្យមានសន្តិភាពនិងជំនឿជឿទុកចិត្តពីសំណាក់អ្នកវិនិយោគទុនក្រៅប្រទេស។ជាក់ស្ដែងក្នុងខេត្តកំពង់ស្ពឺរយៈពេលប៉ុន្មានឆ្នាំចុងក្រោយនេះទទួលបានការវិនិយោគ ២៦១រោងចក្រ ដំណាំស្វាយកែវល្មៀត៤.៥០០ហិកតានិងដំណាំអំពៅជាង ៤ម៉ឺនហិកតាផងដែរ ។ លោកបានបន្តថា៖ចំពោះវិទ្យាស្ថានស្រាវជ្រាវនិងអភិវឌ្ឍន៍កសិកម្មនៃប្រទេសចិនបានចាប់អារម្មណ៍ទៅលើការដាំដុះដំណាំកប្បាសនៅខេត្តកំពង់ស្ពឺនេះគឺពិតជាធ្វើឱ្យប្រជាពលរដ្ឋទូទាំងខេត្តរីករាយស្វាគមន៍និងរំពឹងថាដំណាំកប្បាសនេះនិងជួយប្រជាពលរដ្ឋកាត់បន្ថយភាពក្រីក្រអាចផ្ដល់ការងារជាច្រើដល់បងប្អូនប្រជាពលរដ្ឋនៅក្នុងខេត្តកំពង់ស្ពឺនេះ។ជាពិសេសដើម្បីកាន់តែរឹតចំណងមិត្តភាពកិច្ចសហប្រតិបត្តិការជាមួយគ្នាទៅវិញទៅមករវាងខេត្តកំពង់ស្ពឺនិងវិទ្យាស្ថានស្រាវជ្រាវនិងអភិវឌ្ឍន៍កសិកម្ម នៃសាធារណៈរដ្ឋប្រជាមានិតចិន។ លោក Li Zheng ប្រធានវិទ្យាស្ថានស្រាវជ្រាវនិងអភិវឌ្ឍន៍កសិកម្មនៃសាធារណរដ្ឋប្រជាមានិតចិន បានមានប្រសាសន៍ថា៖ដោយសារមើលឃើញថាខេត្តកំពង់ស្ពឺមានអាកាសធាតុល្អដីមានជីជាតិនិងសក្តានុពល សក្តិសមនឹងដំណាំកប្បាសចំណែកប្រជាជននៅខេត្តកំពង់ស្ពឺ ក៏ឧស្សាហ៍ព្យាយាម។ដូច្នេះ វិទ្យាស្ថានមានគោលបំណងវិនិយោគដាំកប្បាសចំនួន១០ម៉ឺនហិកតានៅខេត្តកំពង់ស្ពឺជាលើកដំបូងសិន ។ លោកបន្តថាប្រសិន ១០ម៉ឺនហិកតានេះ ទទួលបានជោគជ័យ វិទ្យាស្ថាន និងក្រុមហ៊ុនវិនិយោគ នឹងបន្តដាំដុះនៅខេត្តផ្សេងៗទៀត ។ លោក តឹក ង៉ូយ សហគ្រិនខ្មែរ-អាមេរិក ដែលគេស្គាល់ថាជាស្ដេចនំដូណាត់ បានដឹកនាំគណៈប្រតិភូ នៃវិទ្យាស្ថានស្រាវជ្រាវអភិឌ្ឍន៍កសិកម្មនិងក្រុមហ៊ុនវិនិយោគដាំកប្បាសរបស់ប្រទេសចិនមកវិនិយោគនៅកម្ពុជា។លោកបានមានប្រសាសន៍ឱ្យដឹងថា៖លោកបានទៅទស្សនកិច្ចដំណាំកប្បាសនៅប្រទេសចិនដោយប្រជាជនចិននៅខេត្តស៊ីជាំងដាំកប្បាស១ហិកតាទទួលបានផល៧តោន។ ដែលមានចំនួនច្រើនបើប្រៀបធៀបទៅដំណាំស្រូវនិងមានតម្លៃខ្ពស់មានភាពងាយស្រួលដាំដែលអាចរកចំណូលបានខ្ពស់សម្រាប់ប្រជាកសិករ។នេះជាជោគជ័យមួយទៀតសម្រាប់កម្ពុជាដែលជាប្រទេសមានសន្តិភាពក្រោមការដឹកនាំដ៏ឈ្លាសវៃរបស់សម្ដេចអគ្គសេនាបតីតេជោដែលធ្វើឱ្យអ្នកវិនិយោគកសិកម្មកប្បាសនៃប្រទេសចិនមើលឃើញកម្ពុជាមុនគេក្នុងចំណោមបណ្ដាប្រទេសអាស៊ាន ។ លោក តឹក ង៉ូយ បានបន្ថែមទៀតថា បន្ទាប់ពីការចុះអនុស្សរណៈយោគយល់ រវាងខេត្តកំពង់ស្ពឺ និងវិទ្យាស្ថានស្រាវជ្រាវនិងអភិវឌ្ឍន៍កសិកម្មនៃប្រទេសចិនទៅលើកិច្ចសហប្រតិបត្តិការលើកសិកម្មដំណាំក្បាសនេះ មិនយូរទេភាគីចិនមកធ្វើការបណ្ដុះបណ្ដាល ការងារបច្ចេកទេសផ្ដល់ពូជល្អលេខ១ ជី និងការថែទាំដល់ប្រជាកសិករខ្មែរហើយនៅពេលប្រមូលផលគឺលក់ឱ្យក្រុមហ៊ុនតែម្ដងដោយក្រុមហ៊ុនធានាទីផ្សារជូនកសិករ៕សុផល
រថយន្តបោលបុកចូលផ្ទះពលរដ្ឋរងការខូចខាតនៅខណ្ឌទួលគោក
ភ្នំពេញ៖បុរសម្នាក់បើករថយន្តជ្រុលទៅបុកទ្វារផ្ទះប្រជាពលរដ្ឋរងការខូចខាតដល់ទៅពីរផ្ទះកាលវេលាម៉ោង១និង៥០នាទីយប់រំលងអធ្រាត្រឈានចូលថ្ងៃអង្គារទី៣ខែមីនាឆ្នាំ២០២០។ស្ថិតតាមបណ្ដោយផ្លូវ១៤៦ត្រង់ចំណុចផ្ទះលេខ៤០AEOក្នុងសង្កាត់ដេប៉ូទី២ ខណ្ឌទួលគោក ។ តាមប្រភពបានឱ្យដឹងថាមុនពេលកើតហេតុគេឃើញរថយន្តHIGHLANDERពណ៌ ស ពាក់ស្លាកលេខ ភ្នំពេញ2AV3254ធ្វើដំណើរតាមបណ្តោយផ្លូវ១៤៦ក្នុងទិសដៅពីលិចទៅកើត។ខណៈមកដល់ចំណុចកើតហេតុខាងលើបានរ៉េចង្កូតមកខាងស្តាំដៃជ្រុលបុករះចូលផ្ទះប្រជាពរដ្ឋរងការខូចខាតយ៉ាងដំណំដល់ទៅ២ផ្ទះ។ ក្រោយកើតហេតុសមត្ថកិច្ចជំនាញចរាចរណ៏ចុះមកដល់ចំណុចកើតហេតុបានវាស់វែងយករថយន្តទៅរក្សាទុកនៅអធិការដ្ឋានខណ្ឌទួលគោករង់ចាំដោះស្រាយគ្នានៅពេលក្រោយ៕
រថយន្តសង្ស័យជារបស់អភិបាលខេត្តមណ្ឌលគិរីបុករ៉ឺម៉កម៉ូតូស្លាប់២នាក់
ត្បូងឃ្មុំ៖រថយន្តឡិចស៊ីស570 សង្ស័យជារបស់អភិបាលខេត្តមណ្ឌលគិរីបានបើកបុកជាមួយម៉ូតូសណ្តោងរ៉ឺម៉កបណ្តាលឱ្យមនុស្ស២នាក់ស្លាប់ចំណែកតៃកុងរថយន្តបង្ករត់គេចខ្លួនបាត់។សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះបានកើតឡើងនៅម្តុំភូមិពោធិ៍ស្រុក ឃុំកោងកាង ស្រុកពញក្រែក ខេត្តត្បូងឃ្មុំកាលពីរសៀលថ្ងៃទី២៩ ខែកញ្ញា។មុនគ្រោះថ្នាក់កើតឡើងមានម៉ូតូសណ្តោងរ៉ឺម៉កបើកបរដោយឈ្មោះ អែម សំអូន អាយុ២៧ឆ្នាំ នៅភូមិស្ទឹងតូច ឃុំកក់ ស្រុកពញាក្រែក ខេត្តត្បូងឃ្មុំ បានស្លាប់។អ្នករួមដំណើរឈ្មោះ ផន ភីន អាយុ១៦ឆ្នាំបានស្លាប់។ចំណែករថយន្តបង្កម៉ាកតូយូតាឡិចស៊ីស570 ផ្លាកលេខ ភ្នំពេញ 2AQ.2225 សមត្ថកិច្ចបានអះអាងថាជារថយន្តរបស់លោក ថង សាវុន អភិបាលខេត្តមណ្ឌលគិរី ដែលមានតៃកុងបើកក្នុងល្បឿនលឿន។ក្នុងទិសដៅបញ្ច្រាសគ្នា ម៉ូតូសណ្តោងរ៉ឺម៉កបានបត់ឆ្លងផ្លូវធ្វើឱ្យរថយន្តហ្វាំ្រងមិនទាន់ក៏បុកពេញទំហឹងបណ្តាលឱ្យមនុស្ស២នាក់ស្លាប់ភ្លាម។ចំណែក រថយន្តជ្រុលធ្លាក់ចូលទៅក្នុងព្រៃ បណ្តាលឱ្យខូចខាតយ៉ាងដំណំទាំងសងខាង។ក្រោយកើតហេតុផ្នែកជំនាញបានយកមធ្យោបាយទាំង២ទៅរក្សាទុកនៅអធិការដ្ឋាននគរបាលស្រុកពញាក្រែកដើម្បីរង់ចាំ ដោះស្រាយតាមនីតិវិធី។ពាក់ព័ន្ធករណីខាងលើសារព័ត៌មាន RSC មិនអាចសុំការបំភ្លឺពីលោកថង សាវុនបាននៅឡើយទេចំពោះគ្រោះថ្នាក់ចរាចរណ៍នេះ៕