ភ្នំពេញ៖តុលាការភ្នំពេញកាលពីថ្ងៃទី១ ខែតុលាបានឃុំខ្លួនស្ត្រីអ្នកទទួលបញ្ចាំម៉ូតូម្នាក់ដាក់ពន្ធនាគារ បណ្តោះអាសន្ន ពីបទទទួលផលចោរកម្ម រង់ចាំបើកសវនាការពេលក្រោយ។សូមរំលឹកថា នគរបាលរាជធានីភ្នំពេញកាលពី ពីថ្ងៃទី២៨ ខែកញ្ញា ឆ្នាំ២០២២ បានចុះឆែកឆេរ និងត្រួតពិនិត្យទីតាំង សេវាទទួលបញ្ចាំ ដែលមានស្លាកយីហោ ហុករ៉ាស៊ីង ផ្ទះលេខ៣៥បេអឺ០ សង្កាត់ទឹកល្អក់៣ ខណ្ឌទួលគោក ដោយបានរកឃើញម៉ូតូចំនួន៧៣គ្រឿង។ក្នុងនោះមានបណ្ណសម្គាល់យានយន្តបញ្ជាក់ច្បាស់លាស់ ២០គ្រឿង។ចំណែកម៉ូតូចំនួន ៥៣ គ្រឿងទៀត ពុំមានឯកសារមកផ្ទៀងផ្ទាត់ទេ។ក្រុមប្រតិបត្តិការបានដកហូត និងរក្សាទុកម៉ូតូចំនួន៧៣គ្រឿង នៅក្នុងទីតាំងខាងលើ ដោយប្រគល់ឲ្យឈ្មោះ ហុក ឌីណា ជាអ្នកគ្រប់គ្រងថែរក្សាទុកជាបណ្តោះអាសន្ន ដោយពុំមានការបាត់បង់ឬចល័តម៉ូតូចេញពីទីតាំងខាងលើ រង់ចាំការសម្រេចជាក្រោយ។ក្នុងនោះបានឃាត់ខ្លួនឈ្មោះ តាន់ មុនីរ័ត្ន ភេទស្រី អាយុ៤១ឆ្នាំ អ្នកទទួលបញ្ចាំ និងចាមេការក្នុងទីតាំងខាងលើ បញ្ជូនទៅតុលាការហើយត្រូវឃុំខ្លួន ៕
Related Articles
រថយន្តដឹកទឹកក្រុមហ៊ុនហាយធិចបុកម៉ូតូពីក្រោយធ្វើឱ្យស្រ្តីម្នាក់ស្លាប់ភ្លាម
ភ្នំពេញ៖រថយន្តដឹកទឹកសុទ្ធរបស់ក្រុមហ៊ុន“ហាយធិច”បើកបុកម៉ូតូចំពីក្រោយ បណ្តាលឱ្យស្រ្តីម្នាក់ស្លាប់មួយរំពេច។គ្រោះថ្នាក់ចរាចរណ៍ដ៏រន្ធត់នោះបានកើតឡើង នៅតាមផ្លូវព្រះមុនីវង្សត្រង់ការដ្ឋានសាងសង់ស្ពានអាកាសក្បាលថ្នល់ ក្នុងសង្កាត់ទន្លេបាសាក់ ខណ្ឌចំការមនកាលពីព្រឹកថ្ងៃទី១៣ ខែកក្កដាឆ្នាំ២០២៣។មន្ត្រីមូលដ្ឋានបានឱ្យដឹងថា ស្ត្រីដែលស្លាប់ឈ្មោះ ចាប ម៉ាច អាយុ៤៩ឆ្នាំជាបុគ្គលិកចាក់សាំងក្រុមហ៊ុនតូតាល់ ស្នាក់នៅបន្ទប់ជួលក្នុងសង្កាត់ច្បារអំពៅទី២ ខណ្ឌច្បារអំពៅ។កន្លែងស្រុកកំណើតស្រុកកៀនស្វាយ ខេត្តកណ្តាល។ប្រភពដដែលបានបន្តថា មុនកើតហេតុគេឃើញស្រ្តីម្នាក់ជិះម៉ូតូម៉ាកស៊ុយហ្ស៊ុយគីស្មាស់ តែម្នាក់ឯងតាមផ្លូវព្រះមុនីវង្សពីត្បូងទៅជើង។មកដល់ចំណុចខាងលើស្រាប់តែមានរថយន្តម៉ាកហ៊ីយ៉ាន់ដាយដឹកទឹកបរិសុទ្ធរបស់ក្រុមហ៊ុន ហាយធិចពាក់ផ្លាកលេខភ្នំពេញ 3F-3492មកពីក្រោយក្នុងល្បឿនលឿន ក៏ជ្រុលបុកម៉ូតូពីក្រោយពេញទំហឹង រួចកិននិងអូសជាច្រើនម៉ែត្របណ្តាលឱ្យស្រ្តីរូបនោះស្លាប់ភ្លាម។ក្រោយបង្កហេតុអ្នកបើករថយន្តបានបើកទ្វារចុះរត់គេចខ្លួនបាត់តែម្ដង។បន្ទាប់មកសមត្ថកិច្ចបានចុះវាស់វែងយករថយន្តបង្កនិងម៉ូតូទៅទុកនៅកន្លែងនគរបាលចរាចរណ៍រាជធានីភ្នំពេញរង់ចាំឱ្យតំណាងភាគីចូលខ្លួនដោះស្រាយពេលក្រោយ៕
សម្តេចតេជោ បង្កើតគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩
ភ្នំពេញៈសម្តេចតេជោហ៊ុនសែននាយករដ្ឋមន្ត្រីនៃកម្ពុជានៅថ្ងៃទី២ខែមេសាឆ្នាំ២០២០នេះបានចេញសេចក្តីសម្រេចមួយតែងតាំងសមាសភាពគណៈកម្មការអន្តរក្រសួងមួយដើម្បីប្រយុទ្ធនឹងជំងឺកូវីដ១៩។ សមាសភាពគណៈកម្មការនេះមានចំនួន២៥រូបដឹកនាំដោយលោកម៉មប៊ុនហេងរដ្ឋមន្ត្រីក្រសួងសុខាភិបាល។មានអនុប្រធាន៧រូបដែលក្នុងនោះមានលោកឧត្តមសេនីយឯកហ៊ុនម៉ាណែតមេបញ្ជាការកងទ័ពជើងគោកផងដែរ៕សុផល
ដេកហាលថ្ងៃស្លាប់លើចិញ្ចើមផ្លូវមិនទាន់ដឹងមូលហេតុ
ភ្នំពេញៈបុរសដែលគេដឹងជាជនអនាថាម្នាក់បានដេកហាលថ្ងៃស្លាប់មុខផ្ទះប្រជាពលរដ្ឋស្ថិតតាមចិញ្ចើមផ្លូវ៧០កែងផ្លូវកា៥ក្នុងភូមិចុងខ្សាច់សង្កាត់ទួលសង្កែទី១ខណ្ឌឬស្សីកែវកាលពីរសៀលថ្ងៃទី២១ខែមេសាឆ្នាំ២០២០។ ពលរដ្ឋបានឱ្យដឹងថានៅវេលាម៉ោង៥ព្រឹកថ្ងៃ២១ខែមេសាឆ្នាំ២០២០មានយុវជនម្នាក់ជាបុគ្គលិកការ៉ាស់សាំបានឃើញជនរងគ្រោះដេកហាលថ្ងៃនៅកន្លែងកើតហេតុ។សពជននោះមិនត្រូវបានស្គាល់ឈ្មោះនោះទេស្លៀកខោខ្លីពណ៌ខ្មៅអត់ពាក់អាវ។ដោយមិនដឹងថាជនរងគ្រោះមានបញ្ហាឬឈឺអ្វីនោះទេ។ ក្រោយពេលកើតហេតុសមត្ថកិច្ចមូលដ្ឋានបានទៅពិនិត្យនិងរៀបចំយកទៅតម្កល់ក្នុងវត្តទួលសង្កែដើម្បីបូជាពេលក្រោយ៕